Արմինֆո. Բելառուսում անցկացվում է "Համագործակցության երեխաներ" 10-րդ միջազգային մշակութային և կրթական համաժողովը, որի յուրաքանչյուր օրը նվիրված Է ԱՊՀ պետություններից մեկի մշակույթին և պատմությանը: Հուլիսի 10-ին համաժողովում տեղի է ունեցել Հայաստանի Հանրապետության օրը: Այդ մասին հաղորդում է ԱՊՀ ՄԽՎ խորհրդի քարտուղարության մամուլի ծառայությունը:
Նշվում է, որ մասնակիցներին ողջույնի խոսք է հղել ՀՀ ԱԺ նախագահ Ալեն Սիմոնյանը, ով ընդգծել է, որ երիտասարդ սերունդը ձևավորում է ԱՊՀ երկրների ապագան, և հենց նրանցից է կախված, թե որքան արդար, խաղաղ և ստեղծագործ կլինի այն:
"Ձեր եռանդը և նոր գիտելիքների ձգտումը գրավականն է այն բանի, որ մեր ժողովուրդների միջև բարիդրացիությունը, հարգանքն ու համագործակցությունը միայն կամրապնդվեն", - ասվում է ԱԺ նախագահի ողջույնի խոսքում:
Պատվիրակության ներկայացուցիչները երեխաներին ծանոթացրել են իրենց երկրի մշակույթին։ "Հայաստան. պատմություն պարով" ներկայացման միջոցով նրանք ցույց են տվել հին պետության առաջացման և կայացման պատմությունը։ Երեխաները պատմել են հայ ժողովրդի ոգու ուժի, ազգային սովորույթների և ավանդույթների, ինչպես նաև Հայրենական մեծ պատերազմում հաղթանակի գործում հայ զինվորների ներդրման մասին:
Դպրոցականները մասնակցել են Հայաստանի պատվիրակության պատրաստած վարպետության դասերին. ուսումնասիրել են հայերենի այբուբենի հիմունքները, ավանդական պարերն ու երգերը:
«Համագործակցության երեխաներ» 10-րդ համաժողովը տեղի է ունենում հուլիսի 7-16-ը: Այս տարի համաժողովը նվիրված է "Հայրենական մեծ պատերազմում հաղթանակի 80-ամյակը. Հիշողություն և սերունդների միասնություն" թեմայինն: Համաժողովին մասնակցում են դպրոցականներ Հայաստանից, Բելառուսից, Ղազախստանից, Ղրղզստանից, Ռուսաստանից, Տաջիկստանից, Թուրքմենստանից և Ուզբեկստանից: Երեխաների համար պատրաստվել է մշակութային և կրթական ընդարձակ ծրագիր ՝ բանավոր արվեստի և դերասանական վարպետության դասեր, ստեղծագործական հանդիպումներ ժողովրդական արտիստների, գրողների, կոմպոզիտորների հետ, երկխոսության հարթակներ, ինտելեկտուալ խաղեր, կրթական դասընթացներ, երաժշտական մրցույթներ և շատ այլ միջոցառումներ:
Միջոցառման կազմակերպիչներն են ԱՊՀ Միջխորհրդարանական վեհաժողովը և Բելառուսի Ազգային ժողովի Հանրապետության խորհուրդը՝ ԱՊՀ երկրների Հումանիտար համագործակցության միջպետական հիմնադրամի աջակցությամբ:
Քաղաքագետ. ընտրողների բավականին բարձր մասնակցությունը վկայում է այն մասին, որ Հայաստանի քաղաքացիներն ակտիվորեն և գիտակցաբար մասնակցում են երկրի ապագայի ձևավորմանը
Սթենֆորդի համալսարանի պրոֆեսորը Հայաստանի խորհրդարանի ընթացիկ ընտրությունները որակել է ամենակեղտոտը երկրի պատմության մեջ
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Ռուսաստանը փորձում է Հայաստանին հասցնել, որ ԵՄ-ը, գործնականում, արդեն փոխակերպվել է ռազմաքաղաքական դաշինքի․ Օվերչուկ
Հայաստանի ԱԳ նախարար․ Հայաստանի եւ Ռուսաստանի հարաբերություններն առողջացման կարիք ունեն
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
