Արմինֆո.Հեղափոխությունից և Երևանի ավագանու ընտրություններից հետո ակնհայտ դարձավ, որ Ազգային ժողովը ժողովրդի կամքը չի արտացոլում, այդ պատճառով նոր խորհրդարան ձևավորելու անհրաժեշտություն առաջացավ: Այդ մասին ԱրմԻնֆո-ի թղթակցի հետ զրույցում հայտարարել է <Ելք> դաշինքից պատգամավոր Էդմոն Մարուքյանը:
Ըստ որում, նա նշել է, որ խորհրդարանը, Սահմանադրության համաձայն, կարող է ցրվել միայն այն դեպքում, եթե վարչապետը հրաժարական տա և պատգամավորները երկու անգամ չկարողանան կառավարության նոր ղեկավար ընտրել: <Սակայն, եթե քննարկումների ընթացքում մեզ հաջողվի փոխհամաձայնության գալ խորհրդարանական այլ ուժերի հետ, ամեն բան կընթանա նախատեսված սցենարով: Ինչ վերաբերում է մեզ, մենք միշտ նշել ենք, որ խորհրդարանը պետք է ցրվի, և ողջունում ենք այդ առնչությամբ քննարկումներ անցկացնելու Նիկոլ Փաշինյանի նախաձեռնությունը: Գտնում ենք, որ անհրաժեշտ է ձևավորել նոր խորհրդարան, որը կվայելի ժողովրդի վստահությունը և սերը>,- հայտարարել է պատգամավորը:
Մինչդեռ <Ծառուկյան> դաշինքից պատգամավորների կարծիքներն այդ օրակարգի շուրջ տարբերվել են: Գագիկ Ծառուկյանի մամուլի քարտուղար Իվետա Տոնոյանը հայտարարել է, որ խմբակցության ներկայացուցիչները որևէ խոչընդոտ չեն տեսնում վաղաժամկետ ընտրություններ անցկացնելու շուրջ քննարկումների համար: <Ուզում եմ ընդգծել, որ խորընդոտներ չենք տեսնում այդ հարցի շուրջ բանակցություններ անցկացնելու համար: Մենք պետք է սկզբում ծանոթանանք այն օրակարգին, որը կներկայացնի վարչապետը, իսկ հետո կկարողանանք ավելի հիմնովին արտահայտել այդ հարցի շուրջ մեր տեսակետը: Ինչ էլ լինի, եթե վաղաժամկետ ընտրություններ կայանան, մենք կմասնակցենք դրանց>,- ընդգծել է Տոնոյանը:
Դաշինքից մեկ այլ պատգամավար Գևորգ Պետրոսյանը հայտարարել է, որ խորհրդարանը ցրելու որևէ անհրաժեշտություն չկա: <Նշեք թեկուզ մեկ հիմնավորում, թե ինչու խորհրդարանը պետք է ցրվի>,- հայտարարել է Պետրոսյանը:
Ի տարբերություն իր կուսակցի՝ պատգամավոր Սերգեյ Բագրատյանը հայտարարել է, որ գործող խորհրդարանը չի արտահայտում ժողովրդի կամքը: <Եթե Հանրապետական կուսակցության խմբակցության պատգամավորները մեծամասնություն են խորհրդարանում, մինչդեռ նրանք կառավարության և Երևանի քաղաքապետարանի մաս չեն հանդիսանում, նշանակում է՝ նրանք ժողովրդի կամքը չեն արտահայտում: Հեղափոխության արդյունքում քաղաքական այլ իրավիճակ է ստեղծվել, և <Ելք> խմբակցությունը, որն ընդամենը 9 տեղ ուներ Ազգային ժողովում, իշխանության է եկել: Եվ հիմա նրանք վայելում են ժողովրդի վստահությունը>,- ընդգծել է Բագրատյանը: Այնուամենայնիվ, նա գտնում է, որ Երևանի ավագանու ընտրությունները պետք չէ կապել Ազգային ժողովի ընտրությունների հետ: Նա նշել է, որ Հայաստանի մայրաքաղաքում ընտրությունները ողջ երկրի տեսակետը չեն արտահայտում, և այստեղ որևէ կապ չկա:
ՀՅԴ խմբակցությունից պատգամավոր Սպարտակ Սեյրանյանն իր հերթին նշել է, որ երբ ընդունվեց կառավարության ծրագիրը, դրանում նշված էր այն փաստը, որ մեկ տարվա ընթացքում կանցկացվեն վաղաժամկետ խորհրդարանական ընտրություններ: <Հետևաբար, ընդունելով կառավարության ծրագիրը՝ խորհրդարանը համաձայնություն է տվել վաղաժամկետ ընտրությունների անցկացմանը, իսկ թե երբ դրանք կանցկացվեն՝ 10 օրից, թե՞ կես տարուց, այլ հարց է: Ավելին, խորհրդարանական ընտրությունների անցկացման մեջ որևէ հակասահմանադրական բան չկա: Եթե Ազգային ժողովի այդ որոշման մեջ Սահմանադրությանը հակասող ինչ-որ բան լիներ, Սահմանադրական դատարանն այդ մասին կնշեր մեզ դեռ այն ժամանակ, երբ ընդունում էինք ծրագիրը: Ինչ վերաբերում է վարչապետի առաջարկած քննարկումներին, մենք կմասնակցենք դրանց և լսելով բոլոր առաջարկները՝ կկարողանանք մեր վերջնական դիրքորոշումը հայտնել>,- ասելէ Սեյրանյանը:
Հատկանշական է, որ օրերս կայացած Երևանի ավագանու ընտրություններում այդ ուժերի ներկայացուցիչները ստացել են երևանցիների ձայների աննշան քանակություն: Մինչդեռ Հանրապետական կուսակցության խմբակցությունը միանշանակ հայտարարել է, որ նույնիսկ ընդունելով խորհրդարանը ցրելու առնչությամբ բանակցությունների վերաբերյալ Փաշինյանի առաջարկը՝ այդ քայլին չի գնա, քանի որ որևէ քաղաքական անհրաժեշտություն դրանում չկա:
Նշենք, որ վարչապետ Նիկոլ Փաշինյանը Նյու Յորքում հայ համայնքի ներկայացուցիչների հետ հանդիպմանը հայտարարել է, որ առաջիկայում բանակցություններ կհրավիրի խորհրդարանական և ոչ խորհրդարանական քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները: «Կար տրամադրություն, որ դրանք անցկացվեն մինչ հաջորդ տարվա հունիս, բայց այն սպասողական վիճակը, որ ունեն պոտենցիալ ներդրողները, որոնց հարկավոր են երկարաժամկետ քաղաքական արձանագրումներ, ինչպես նաև տնտեսական միջավայրը բարենապաստ դարձնելու համար, ընտրությունները պետք է անցկացնենք ավելի վաղ, որպեսզի առավել շուտ սկսենք տնտեսության վերականգնման ընթացքը>,- ասել է նա:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
