"Ուժեղ Հայաստան": Ադրբեջանը Հայաստանն ադրբեջանցիներով վերաբնակեցման հայեցակարգ է ներկայացրել է ՄԱԿ և ԵՄ

Արմինֆո.  Ադրբեջանը Հայաստանն ադրբեջանցիներով վերաբնակեցման հայեցակարգ է ներկայացրել է ՄԱԿ և ԵՄ։ Այդ մասին մայիսի 30-ին կայացած մամուլի ասուլիսում հայտարարել է "Ուժեղ Հայաստան" կուսակցության քաղաքական խորհրդի անդամ  Նարեկ Կարապետյանը, հավելելով, որ այդ մասին ողջ տեղեկատվությունը հասանելի է ադրբեջանական պաշտոնական կայքերում և պորտալներում։

Նա հիշեցրել է, որ 2023 թվականին Արցախի բռնազավթումից հետո ձեռնամուխ են եղել Հայաստանը ադրբեջանցիներով վերաբնակեցնելու նոր հայեցակարգին։ Նրա խոսքով ՝ վերջին 4 ամիսներին ադրբեջանական իշխանություններն ակտիվ ջանքեր են գործադրում այդ ուղղությամբ։

"Սյունիքում ճանապարհ ստանաալուց հետո նրանք իրենց ուժերը կենտրոնացրել են, այսպես կոչված, "վերադարձի"գաղափարախոսության վրա։ Հայաստանում ընտրություններից 11 օր անց ադրբեջանցիները "վերադարձին" նվիրված մեծ համաժողով են նախատեսում Սյունիքի մարզի Մեղրի համայնքից 10 կմ հեռավորության վրա գտնվող Նախիջևանի Օրդուբադում: Հատկանշական է, որ, ըստ ադրբեջանական հայեցակարգի, ադրբեջանցիները, որոնց ցանկանում են ուղարկել Հայաստան, պետք է ունենան սեփական անվտանգության ուժեր ։ Ավելին, ՀՀ սահմանադրությունը պետք է հասանելի լինի ադրբեջաներենով,  նրանք պետք է ունենան նաեւ ադրբեջաներենի ուսուցման հնարավորություն",- նշել է քաղաքական գործիչը։

Նրա խոսքով՝ բնակեցման առանցքային վայրերն են Վարդենիսը, Սյունիքն ու Մասիսը։ Նրա խոսքով ՝ ընդգծվում է նաև, որ եթե նրանց թույլ չտան բնակվել, դա որակվելու է որպես "ռասիզմ":

Ընդ որում, նա ուշադրություն է հրավիրել այն հանգամանքի վրա, որ Հայաստանի գործող իշխանություններն ավելի վաղ արդեն բավարարել են Ադրբեջանի բոլոր պահանջները․ Արցախի հանձնում, ՀՀ սահմանադրության փոփոխում, Սյունիքում ճանապարհի հանձնում, և շարունակելու են գործել նույն ուղղությամբ։

Կարապետյանը ևս մեկ անգամ կարևորել է Նիկոլ Փաշինյանի գլխավորությամբ գործող իշխանությունների հեռացումը ՝ այդ զիջողական քաղաքականությունը դադարեցնելու համար: Քաղաքական գործիչն ընդգծել է, որ իրենք իշխանության գալուց հետո հակասաֆարովյան օրենք կընդունեն, որը թույլ չի տա ադրբեջանցիներին որեւէ գույք ձեռք բերել Հայաստանում:

Անդրադառնալով Երևանում Արցախի մշտական ներկայացուցչության շենքը խլելու Հայաստանի իշխանությունների ցանկությանը՝ Կարապետյանը նշել է, որ այդ շենքի վրա աչք են դրել ադրբեջանցիները, և Հայաստանի ղեկավարությունն ամեն ինչ անում է, որպեսզի ապահովի նրանց պահանջները: