Արմինֆո.Հայաստանում հունիսյան խորհրդարանական ընտրությունների արդյունքներով երկրի կառավարման պատասխանատվությունը պետք է կրի կոնկրետ ուժ։ Այս մասին News.am-ին տված հարցազրույցում հայտարարել է «Ուժեղ Հայաստան» կուսակցության վարչության անդամ Նարեկ Կարապետյանը՝ ի պատասխան այն ճշտմանը, թե ում հետ է «Ուժեղ Հայաստան» դաշինքը մտադիր կոալիցիա կազմել այն դեպքում, եթե ընդդիմությունն ավելի շատ ձայն հավաքի, քան «Քաղաքացիական պայմանագիրը», բայց ուժերից ոչ մեկին չհաջողվի ստանալ 50+1 ձայն։
Կարապետյանի կարծիքով՝ Հայաստանի ընդդիմադիր ուժերն արդեն պատասխանել են այդ հարցին։ «Երկրի կառավարման, փոփոխությունների պատասխանատվությունը պետք է լինի կոնկրետ ուժի վրա, և մենք կարծում ենք, որ երկրում փոփոխություններ կարող է բերել հենց «Ուժեղ Հայաստանը»։ Մենք ճիշտ չենք համարում այդ պատասխանատվությունը որևէ մեկի հետ կիսելը։ Բայց եթե այլ քաղաքական ուժերում լինեն որոշակի ոլորտների պրոֆեսիոնալներ, ապա մենք ինքներս նրանց կառաջարկենք միանալ և աշխատել մեզ հետ։ Դա նման է բիզնեսին. մեզ համար նշանակություն չի ունենա, թե որ քաղաքական ուժից են այդ մարդիկ, եթե նրանք կարողանում են լավ աշխատել»,- պարզաբանել է «Ուժեղ Հայաստան» կուսակցության վարչության անդամը։
Կարապետյանը նաև պատմել է, թե ինչ են մտադիր անել այն դեպքում, եթե իշխող ուժը պարտվի ընտրությունների արդյունքներով, բայց հրաժարվի հանձնել իշխանությունը։ «Իշխանությունը լեգիտիմությունն է։ Եթե նրանք պարտվեն ընտրություններում, ապա կկորցնեն նաև լեգիտիմությունը։ Եվ այդ ժամանակ նրանց չի ընդունի Հայաստանի ժողովուրդը։ Եթե ժողովուրդն ընտրի «Ուժեղ Հայաստան» կուսակցության առաջնորդ Սամվել Կարապետյանին, ապա ինչ էլ որ նրանք փորձեն անել, այլևս չեն կարողանա որոշումներ կայացնել։ Ինչպես ժողովուրդը նրանց բերեց իշխանության, այնպես էլ կճանապարհի «տուն», թեկուզև մի փոքր հարստացած»,- եզրափակել է Կարապետյանը։
Հիշեցնենք, որ ավելի վաղ Հայաստանի երկրորդ նախագահ Ռոբերտ Քոչարյանի «Հայաստան» դաշինքը և Գագիկ Ծառուկյանի «Բարգավաճ Հայաստան» կուսակցությունը հայտարարել էին 2026 թվականի հունիսի 7-ին նախատեսված խորհրդարանական ընտրությունների արդյունքներով աջակցել այն ընդդիմադիր ուժին, որը տոկոսային հարաբերությամբ կհավաքի ամենաշատ ձայները։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար
Ուրսուլա ֆոն դեր Լայեն. ԵՄ-ն պատրաստում է աջակցության փաթեթ Հայաստանի համար, որը ներառում է ավելի քան 50 միլիոն եվրոյի անհապաղ ֆինանսական օգնություն
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
