Արմինֆո. ՀՀ-ԵՄ վիզաների ազատականացման երկխոսության շրջանակներում սահմանների համալիր կառավարման համակարգի զարգացման ուղղությամբ ընթացող աշխատանքները քննարկելու նպատակով ՀՀ ազգային անվտանգության ծառայությունում  հուլիսի 16-ին տեղի է ունեցել աշխատանքային հանդիպում՝ ՀՀ ազգային անվտանգության ծառայության, Անվտանգության խորհրդի գրասենյակի, ներքին գործերի, արտաքին գործերի նախարարությունների, Պետական եկամուտների կոմիտեի ներկայացուցիչների, ինչպես նաև միջազգային փորձագետների մասնակցությամբ:       
   
Ինչպես նշվում է ԱԱԾ մամուլի կենտրոնի հաղորդագրությունում, սահմանների համալիր կառավարումը ՀՀ-ԵՄ վիզաների ազատականացման երկխոսության շրջանակներում իրականացվող գործողությունների կարևոր ուղղություններից է:          
          
Հանդիպման ընթացքում մասնակիցներին ներկայացվել է ՀՀ ազգային անվտանգության ծառայության կողմից շրջանառվող «ՀՀ պետական սահմանի համալիր կառավարման համակարգի ռազմավարության և գործողությունների ծրագրի» նախագծի ընթացքի վերաբերյալ հանգամանալից տեղեկատվություն, մասնակիցների կողմից ընդգծվել է նախագծի կարևորությունը և այն հնարավորինս շուտ հաստատելու անհրաժեշտությունը:

Արմինֆո. Հայաստանի Հանրապետությունում առկա է իրավական անվտանգության լուրջ խնդիր: Քաղաքական իշխանությունները մշտապես հրապարակավ հայտարարում են այս կամ այն անձի դեմ քրեական և այլ գործեր հարուցելու մասին, որից հետո ամբողջ իրավապահ համակարգը, քննչական մարմինները, դատախազությունը, դատարանները սկսում են կատարել այդ քաղաքական հրահանգը։ Այդ մասին հայտարարել է "Բարգավաճ Հայաստան" կուսակցության առաջնորդ, գործարար Գագիկ Ծառուկյանի փաստաբաններից՝ Երեմ Սարգսյանը՝ արձագանքելով Գլխավոր դատախազության հաղորդագրությանն այն մասին, որ իր պաշտպանյալի ցեմենտի գործարանն անցել է պետական կառավարման ներքո։

Արմինֆո.  «ՓՄՁ Ասոցիացիայի» կառավարման խորհուրդը հայտարարություն է տարածել, որում մտահոգություն է հայտնել "Բարգավաճ Հայաստան" կուսակցության առաջնորդ Գագիկ Ծառուկյանի բիզնեսի նկատմամբ իրավապահ մարմինների գործողությունների առնչությամբ:

Արմինֆո. Շուրջ  30 տարի «Արաքս» թռչնաֆաբրիկան ամեն օր հայկական շուկան ապահովում է թարմ թռչնամսով և հավկիթներով։ Թռչնաֆաբրիկան ամեն  օր արտադրում և իրացնում է ավելի քան 10 տոննա հավի միս, որը կազմում է Հայաստանում օրական սպառվող  թռչնամսի մինչև 40%-ը, ինչպես նաև 400.000 հավկիթ, ինչը Հայաստանում 1 օրում սպառվող քանակի կեսից ավելին է։

Արմինֆո. Եվրոպական միությունը բավականաչափ ճնշում չի գործադրում Ադրբեջանի նկատմամբ՝ հայ գերիներին ազատ արձակելու համար։ Այդ մասին Բրյուսելում հայտարարել է Արցախի Ազգային ժողովի նախկին նախագահ Դավիթ Իշխանյանի որդին՝ Արմեն Իշխանյանը՝ "Հայ քաղաքական բանտարկյալներն Ադրբեջանում և ԵՄ մասնակցության անհրաժեշտությունը" խորագրով խորհրդաժողովում: 

Արմինֆո.Նախատեսվում է սահմանել բուլինգի ենթարկված երեխաների հայտնաբերման, պաշտպանության և աջակցության կարգը։ Այդ մասին հաղորդում է ՀՀ աշխատանքի եւ սոցիալական հարցերի նախարարությունը, որը     
«e-draft.am» իրավական ակտերի նախագծերի հրապարակման միասնական կայքում հանրային քննարկման է ներկայացրել «Բուլինգի ենթարկված երեխաների հայտնաբերման, նրանց պաշտպանության, ուղղորդման և նրանց հետ աշխատանքների իրականացման կարգը սահմանելու մասին» ՀՀ կառավարության որոշման նախագիծը։ 

Արմինֆո.Մարդու իրավունքների պաշտպան Անահիտ Մանասյանը հուլիսի 15-ին ընդունել է Եվրոպական միության խորհրդարանի պատգամավոր Մարինա Մեզուրին։

ArmInfo.   Երբ խոսքը վերաբերում է պատերազմական/հետպատերազմյան թեմաներով ֆիլմերին, հերոսների պատմությունները միշտ ծանոթ են հայ հեռուստադիտողների զգալի մասի դիտողին և աշխարհայացքին: Ի վերջո, սեփական պատմության, ծագման, մշակույթի և գիտության հանդեպ հպարտությունը ազգային ինքնության և մտածելակերպի անբաժանելի տարրեր են: 

Արմինֆո. Բրյուսելում ընթանում է "Հայ քաղաքական բանտարկյալներն Ադրբեջանում և ԵՄ մասնակցության անհրաժեշտությունը" խորագրով խորհրդաժողով: Այդ մասին հաղորդում է ՀՅԴ Հայ դատի Եվրոպայի գրասենյակը (EAFJD)։ 

Արմինֆո. Հայտնի գործարար, բարերար և "Բարգավաճ Հայաստան" կուսակցության առաջնորդ Գագիկ Ծառուկյանին պատկանող "ՄուլտիՏաբակ" ձեռնարկության աշխատակիցները բողոքի ակցիա են իրականացնում՝ գործարանի աշխատանքը վերսկսելու պահանջով, որը 8 օր է կապարակնքված է:

Արմինֆո. Գառնիում երիտասարդ ամուսիններ Նարեկ Սարգսյանն ու Ռուզաննա Դանիելյանը 3 տարի առաջ սեփական ուժերով ստեղծեցին իրենց «մեղրի մոլորակը»՝ Bee Planet-ը։ 

Արմինֆո. Հայտնի բարերար, գործարար և "Բարգավաճ Հայաստան" կուսակցության առաջնորդ Գագիկ Ծառուկյանի՝ կապարակնքված ձեռնարկությունների աշխատակիցները բողոքի ակցիաներ են անցկացնում ՝ պահանջելով վերսկսել ձեռնարկությունների աշխատանքը և ապահովել իրենց աշխատանքի իրավունքը:

Արմինֆո. Բրյուսելում հավատարմագրված ֆրանկոֆոն երկրների դեսպանների հետ հանդիպման շրջանակներում Հայաստանի դեսպան Տիգրան Բալայանը առանձնազրույց է ունեցել Բելգիայի փոխվարչապետ, արտաքին գործերի նախարար Մաքսիմ Պղևոյի հետ։

Արմինֆո. Հանրային տարբեր ոլորտների 100-ից ավելի ներկայացուցիչներ հանդես են եկել ի պաշտպանություն Գագիկ Ծառուկյանի։ Հայտարարության տեքստը և ստորագրահավաքին միացած անձանց ցանկը հրապարակել է ԲՀԿ մամուլի քարտուղար Իվետա Տոնոյանը՝ «Ֆեյբուքի» իր էջում։

Արմինֆո.  Ազգային ժողովի ընդդիմադիր խմբակցությունների կին պատգամավորները հանդես են եկել հայտարարությամբ, որում իրենց աջակցությունն են հայտնել "Մայր Հայաստան" կուսակցության անդամ Արեգնազ Մանուկյանին և նրա ընտանիքին:

Արմինֆո. «Մի դրամի ուժը» նախաձեռնության հունիս ամսվա շահառուն «Դասավանդի՛ր հանուն Հայաստանի» հիմնադրամն էր, որն ապահովում է Հայաստանի բոլոր երեխաների համար որակյալ կրթության հասանելիություն՝ անկախ նրանց բնակության վայրից: 

Արմինֆո.Այսօրվանից Հայաստանում ուժի մեջ է մտնում «ծնողական ժամ» կարգավորումը։ Այդ մասին հաղորդում է ՀՀ աշխատանքի եւ սոցիալական հարցերի նախարարությունը։

Արմինֆո. «Սլավմեդ» բժշկական կենտրոնը հերթական քայլն է կատարել Հայաստանի առողջապահական համակարգի զարգացման գործում: Ինչպես ասվում է «Սլավմեդ»-ի պաշտոնական էջում հրապարակված հաղորդագրությունում, կլինիկայում հաջողությամբ իրականացվել է երկրում առաջին ռոբոտային հեռավար վիրահատությունը, որը տևել է ընդամենը 2 ժամ:

Արմինֆո. Հայաստանում գործող իշխանությունը հրապարակային ճնշում է գործադրում երկրի իրավապահ մարմինների վրա ՝ ՀՀ երկրորդ նախագահ Ռոբերտ Քոչարյանին կալանավորելու նպատակով։ Այդ մասին հուլիսի 10-ին Հակակոռուպցիոն դատարանի նիստում, որտեղ շարունակվում են 2008 թվականի մարտի 1-ի գործով լսումները, հայտարարել է ինքը՝ Ռոբերտ Քոչարյանը։

ԱրմԻնֆո: ՀՀ քաղաքացիները կկարողանան ստանալ էլեկտրոնային վիզա (էլեկտրոնային վիզա) Թայվան մեկնելու համար, ըստ Թայվանի հյուպատոսական գործերի բյուրոյի։