Արմինֆո.Կառավարության այսօրվա նիստում գործադիրն ընդունել է «Գույքի նվիրաբերությունն ընդունելու և ամրացնելու մասին» որոշում։ 

Արմինֆո. Հուլիսի 30-ին, ժամը 14.45-ի սահմաններում, Ոստիկանության աշխատակիցները և քաղաքացիները Գառնիում հայտնաբերել են անհետ կորած, 2012 թ.ծնված Վահե Ապիկյանին: Նրա կյանքին ոչինչ չի սպառնում։ Այդ մասին հաղորդում է Հայաստանի ՆԳՆ մամուլի ծառայությունը։

Արմինֆո. Գլխավոր դատախազությունը պահանջում է ՀՀ ՊԵԿ նախկին նախագահ Գագիկ Խաչատրյանից և նրան փոխկապակցված անձանցից բռնագանձել՝ 193 անշարժ գույք, որն ի թիվս այլնի ներառում է 46 բնակարան Կենտրոն վարչական շրջանում, 89 անշարժ գույք Կոտայքի մարզում; 29 իրավաբանական անձում մասնակցություն, որոնց թվում են «ՄԵԳԱՍՊՈՐՏ» ՍՊԸ-ն, «ՄԵԳԱ ՖՈՒԴ» ՍՊԸ-ն; 14 շարժական գույք; 1.451.074 ԱՄՆ դոլարի չափով ձեռքբերված պարտատոմսեր; 147.210 ԱՄՆ դոլար ավանդ; 23.081.354 ԱՄՆ դոլարի, 409.806.800 ՀՀ դրամի և 9.750 եվրոյի չափով փոխառության պահանջի իրավունք։

Արմինֆո.  Գլխավոր դատախազությունը պահանջում է Գագիկ Ծառուկյանից և նրան փոխկապակցված անձանցից բռնագանձել 75 անշարժ գույք, որն, ի թիվս այլնի, ներառում է 52 բնակարան Նոր Նորք թաղամասում, 5 բնակարան Աբովյան փողոցում, 11 բնակարան Կոտայքի մարզում և այլ անշարժ գույքեր: Գլխավոր դատախազությունը պահանջում է բռնագանձել նաեւ 10 գույքի շուկայական արժեք,  42 տրանսպորտային միջոց,  38 իրավաբանական անձում մասնակցություն, որոնց թվում են «Մուլտի Գրուպ Կոնցեռն» ՍՊԸ-ն, «Մուլտի Ավտոտրանս» ՍՊԸ-ն, «Օնիրա քլաբ» ՍՊԸ-ն և այլ իրավաբանական անձինք: Հայցվող դրամական պահանջը կազմում է 105.865.865.226 դրամ:

ArmInfo. Բյուրեգավան, Արզնի և Նուռնուս համայնքներում խմելու ջրում հայտնաբերվել են բակտերիաներ, որոնք հանդիսանում են աղիքային (ֆեկալական) աղտոտվածության ցուցիչներ։ Այս մասին իր Facebook էջում հայտնում է Հայաստանի նախկին արդարադատության նախարար, նախկին փոխխոսնակ Արպինե Հովհաննիսյանը՝ ներկայացնելով խմելու ջրի որակի մի շարք լաբորատոր հետազոտությունների արդյունքները։

Արմինֆո. ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնը (ՀՎԿԱԿ) տեղեկացնում է, որ Բյուրեղավան համայնքում 2026 թվականի հուլիսի 17-ից արձանագրված աղիքային վարակների դեպքերի առնչությամբ շարունակվում են համաճարակաբանական ուսումնասիրություններն ու կանխարգելիչ միջոցառումները։

Արմինֆո. Առինջի 3.5 հա մակերեսով հողամասի ինքնակամ կառույցները գտնվում են բարձր լարման էլեկտրահաղորդման գծերի տակ՝ վտանգելով քաղաքացիների կյանքն ու առողջությունը։ Այդ մասին ասվում է ՀՀ քննչական կոմիտեի հաղորդագրությունում։

ԱրմԻնֆո. ՀՀ շրջակա միջավայրի նախարարության հիդրոօդերևութաբանության և մոնիթորինգի կենտրոնի տվյալներով՝ հուլիսի 20-21-ը Հայաստանի ողջ տարածքում տեղումներ չեն սպասվում։

ԱրմԻնֆո: Կոտայքի մարզի Բյուրեղավան համայնքում գրանցվել են աղիքային վարակի դեպքեր, որոնցից վեցը հոսպիտալացվել է: Այս մասին հայտնել է ՀՀ առողջապահության նախարարության մամուլի ծառայությունը:

Արմինֆո. Հայաստանում օդի ջերմաստիճանը հուլիսի 11-ի օրվա երկրորդ կեսին կբարձրանա 3-5 աստիճանով: Այդ մասին հաղորդում է Շրջակա միջավայրի նախարարության Հիդրոօդերևութաբանության և մոնիթորինգի կենտրոնը։

ԱրմԻնֆո. ՀՀ վարչապետ Նիկոլ Փաշինյանը հրահանգել է ստեղծել միջգերատեսչական աշխատանքային խումբ, որը կստուգի 2026 թվականի մայիսի 15-ի իր որոշման կատարման ընթացքը, որը վերաբերում է երեխաների ամառային հանգստի կազմակերպմանը, ինչպես նաև կվերլուծի դրա իրականացման հետ կապված ԶԼՄ-ներում հրապարակումները։ Համապատասխան որոշումը հրապարակվել է Հայաստանի կառավարության պաշտոնական կայքում։

Արմինֆո.  Արցախի պոտենցիալ 20 000 ընտանիքներից բնակարանի հավաստագիր է ստացել 6911 ընտանիք կամ մոտ 28,4 հազար մարդ։ Այդ մասին մամուլի ասուլիսում հաղորդել է ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթների համակարգման գծով խորհրդական Գայանե Ղարագյոզյանը' ներկայացնելով վերջին շրջանում ծրագրում կատարված փոփոխությունները:

Արմինֆո. X հարթակում տարածվում է մի կեղծ տեսանյութ, որում ՀՀ ՆԳՆ Սեյսմիկ պաշտպանության տարածքային ծառայության անունից շրջանառվում է նախազգուշացում հնարավոր 7.4 մագնիտուդով երկրաշարժի մասին, որն առաջիկա շաբաթներին լինելու է Կոտայքի մարզում։ Այդ մասին ասվում է  ՀՀ ՆԳՆ Սեյսմիկ պաշտպանության տարածքային ծառայության հաղորդագրությունում։

Արմինֆո.  ՀՀ Կոտայքի մարզի Գառնի համայնքում նախատեսվում է ստեղծել Հայաստանի գորգարվեստի թանգարան: Այս կապակցությամբ ԿԳՄՍ նախարար Ժաննա Անդրեասյանը և նախարարի տեղակալ Ալֆրեդ Քոչարյանն այցելել են թանգարանի տարածք, որտեղ շինարարական աշխատանքներն ավարտական փուլում են գտնվում:

Արմինֆո. Հայաստանի իրավասու դատարան է ուղարկվել «Բարգավաճ Հայաստան» կուսակցության առաջնորդ Գագիկ Ծառուկյանի փեսայի՝ Կարապետ Գուլոյանի վերաբերյալ քրեական գործը։ Այս մասին ասված է ՀՀ գլխավոր դատախազության մամուլի ծառայության հաղորդագրության մեջ, որը հստակեցրել է, որ հսկող դատախազը հաստատել է մեղադրական եզրակացությունը։

Արմինֆո. Հունիսի 20-ին Հայաստանում օդի ջերմաստիճանը կբարձրանա 3-5 աստիճանով, հունիսի 21-22-ը նույնքան կնվազի: Այդ մասին հաղորդում է Շրջակա միջավայրի նախարարության Հիդրոօդերևութաբանության և մոնիթորինգի կենտրոնը։

Արմինֆո. Գլխավոր դատախազության պետական շահերի պաշտպանության վարչության կողմից ներկայացված հայցը Վարչական դատարանի կողմից բավարարվել է. անվավեր է ճանաչվել Կոտայքի մարզի Ծաղկաձոր քաղաքում գտնվող ճոպանուղու տարածքի՝ 225,1 հա մակերեսով, 36 միլիարդ 413 միլիոն 526 հազար դրամ արժեքով պետական սեփականություն հանդիսացող հողամասի նկատմամբ «Հայաստանի ազգային օլիմպիական կոմիտե» իրավաբանական անձանց միության սեփականության իրավունքի պետական գրանցումը։
 
Գլխավոր դատախազության հաղորդագրության համաձայն, 2005 թվականի դեկտեմբերի 29-ին ՀՀ կառավարությանն առընթեր Անշարժ գույքի կադաստրի պետական կոմիտեն, Կոտայքի մարզպետի 2005 թվականի դեկտեմբերի 23-ի թիվ 253 որոշման և համապատասխան պայմանագրի հիման վրա, «Հայաստանի ազգային օլիմպիական կոմիտե» իրավաբանական անձանց միության սեփականության իրավունքն էր գրանցել Ծաղկաձոր քաղաքում գտնվող ճոպանուղու տարածքի՝ 225,1 հա մակերեսով պետական սեփականություն հանդիսացող հողամասի նկատմամբ` հիմք ընդունելով «Հայաստանի Հանրապետության հողային օրենսգրքում լրացումներ և փոփոխություններ կատարելու մասին» օրենքի 23-րդ հոդվածը:
 
«Դատարանն արձանագրել է, որ խնդրո առարկա հողամասը «Հայաստանի ազգային օլիմպիական կոմիտե» իրավաբանական անձանց միությանը տրամադրվել է «Հայաստանի Հանրապետության հողային օրենսգրքում լրացումներ և փոփոխություններ կատարելու մասին» ՀՕ-199-Ն օրենքի ուժի մեջ մտնելուց հետո, ուստի նշված օրենքի 23-րդ հոդվածի ուժով չէր կարող համարվել, որ այդ հողամասի նկատմամբ առաջացել է նշված կազմակերպության սեփականության իրավունքը:
 
Դատական ակտն օրինական ուժի մեջ մտնելուց հետո, Ծաղկաձորում գտնվող՝ 225,1 հա մակերեսով հողամասի նկատմամբ կգրանցվի Հայաստանի Հանրապետության սեփականության իրավունքը։
 
Դատական ակտի դեմ պատասխանողի կողմից ներկայացվել է վերաքննիչ բողոք», - ասվում է հաղորդագրությունում

Արմինֆո. Հայաստանում կլուծվեն ընտանիքների ապահովվածության գնահատման համակարգի ներդրման պիլոտային ծրագրի կիրառման արդյունքում առաջացած խնդիրները, որն իրականացվում է Կոտայքի և Սյունիքի մարզերում։ ՀՀ կառավարությունը հունիսի 11-ի նիստում փոփոխություններ է կատարել այդ ծրագրում։

Արմինֆո.  Դատախազը, 2026 թվականի հունիսի 8-ին հանրային քրեական հետապնդում է հարուցել Կոտայքի նախկին մարզպետ Կ.Գ.-ի նկատմամբ՝ արգելանքի տակ գտնվող գույքի հետ ապօրինի արարք կատարելու համար: Այդ մասին հաղորդում է Գլխավոր դատախազության մամուլի ծառայությունը։

Արմինֆո.Ժամը 17.00-ի դրությամբ Հայաստանի խորհրդարանական ընտրություններում ընտրողների ընդհանուր՝ 2.203.976 թվից քվեարկությանը մասնակցել է 1.224.957 մարդ կամ ընտրողների 48,92%-ը: Այս մասին հայտնում է ՀՀ Կենտրոնական ընտրական հանձնաժողովը (ԿԸՀ):