Արմինֆո. Երեւան կատարած պաշտոնական այցի ընթացքում Ղազախստանի արտաքին գործերի նախարար Երմեկ Կոշերբաեւը բանակցություններ է վարել Հայաստանի գործընկեր Արարատ Միրզոյանի հետ, կողմերը հանգամանալից քննարկել են բազմակողմ փոխշահավետ համագործակցության ներկա վիճակն ու հետագա ամրապնդման հեռանկարները:
Ինչպես հաղորդում է Ղազախստանի ԱԳՆ մամուլի ծառայությունը, բանակցությունների ընթացքում հատուկ ուշադրություն է դարձվել առևտրատնտեսական համագործակցությանը, ինչպես նաև տարանցիկ-տրանսպորտային ներուժի հարցերին: Ընդգծվել է միջկառավարական հանձնաժողովի և Ղազախահայկական գործարար խորհրդի գործունեության կարևոր դերը:
"Մեզ համար կարևոր խնդիր է փոխադարձ ապրանքաշրջանառության որակական և քանակական աճին նպաստելը։ Դրան կարող է նպաստել առեւտրի դիվերսիֆիկացումը, փոխադարձ հիմունքներով մեր երկրների շուկաներ նոր ապրանքատեսակների առաջմղման հնարավորությունների ստեղծումը ", - ասել է Կոշերբաեւը։
Կողմերը նշել են առևտրային կապերի ամրապնդման համար լավ հիմքի առկայությունը, որը ձևավորում են Հայաստանում գրանցված ղազախական կապիտալի մասնակցությամբ ավելի քան 100 ձեռնարկություններ և Ղազախստանում գործող ավելի քան 400 հայկական ընկերություններ:
Կոշերբաեւը տեղեկացրել է Ղազախստանում ներդրողներին տրամադրվող արտոնությունների բազմաբնույթ փաթեթի մասին: Նա վստահություն է հայտնել, որ երկու երկրների ներուժի միավորումը թույլ կտա զգալիորեն ակտիվացնել ներդրումային համագործակցությունը:
Խոստումնալից և փոխշահավետ ուղղությունների շարքին է դասվել արհեստական բանականության և թվայնացման ոլորտում համագործակցությունը: Այդ առնչությամբ նշվել է Ղազախստանում «Թումո Աստանա» հայկական կրթական կենտրոնի մասնաճյուղ ստեղծելու հաջողված նախագիծը: Ղազախստանի ԱԳ նախարարը նաև հետաքրքրություն է հայտնել համատեղ նախաձեռնությունների իրականացման հարցում, որոնք ուղղված են նորարարական էկոհամակարգի զարգացմանը և հայրենական տեխնոլոգիական լուծումների խթանմանը:
Որպես գործընկերային կապերի նոր և հեռանկարային ուղղություններ դիտարկվել են ատոմային էներգետիկան, դեղագործությունը, բարձրագույն կրթությունը և առողջապահությունը:
Ղազախստանի արտաքին քաղաքական գերատեսչության ղեկավարն ուշադրություն է հրավիրել ՄԱԿ-ի համակարգում ջրի միջազգային կազմակերպություն հիմնելու Ղազախստանի նախագահ Կասիմ-Ժոմարտ Տոկաևի նախաձեռնությանը, որն ուղղված է ջրային ռեսուրսների արդյունավետ կառավարման ոլորտում գլոբալ փոխգործակցության զարգացմանը:
Կողմերը քննարկել են նաև տարածաշրջանային տրանսպորտային հաղորդակցություններին վերաբերող հարցեր, ընդգծելով, որ տարանցիկ-լոգիստիկ կապվածությունը նոր հնարավորություններ է ստեղծում Կենտրոնական Ասիայի և Հարավային Կովկասի շուկաների ինտեգրման համար: Գոհունակությամբ նշվել է Ղազախստանի և Հայաստանի քաղաքների միջև ուղիղ ավիաչվերթների վերսկսման հարցերի լուծման դինամիկան։
Զրուցակիցները համակարծիք են եղել տարածաշրջանային և միջազգային օրակարգի հրատապ հարցերի շուրջ ՝ հատուկ ուշադրություն դարձնելով Կենտրոնական Ասիայում և Հարավային Կովկասում խաղաղության և կայունության ամրապնդման հարցերին: Նշվել է նաև կառուցողական փոխգործակցությունը միջազգային կազմակերպությունների շրջանակներում ։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Breavis ընկերությունը “Եվրոնյուզ»-ին մերկացրել է Հայաստանի ընտրությունների վերաբերյալ կեղծ տեղեկատվություն տարածելու մեջ
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
