Արմինֆո. Team Telecom Armenia ընկերությունն ամբողջությամբ փոխարինել է 2G ցանցը Հայաստանում՝ դառնալով տարածաշրջանի առաջին օպերատորը, որն իրականացրել է նման պատմական վերափոխում հեռահաղորդակցության ոլորտում:
Ինչպես հայտնում է ընկերության մամուլի ծառայությունը, այս լայնածավալ ծրագրի արդյունքում Team Telecom Armenia-ի ավելի քան 1000 բազային կայաններ այժմ աշխատում են բացառապես ժամանակակից տեխնոլոգիաներով՝ բաժանորդներին ապահովելով առավել հուսալի, անվտանգ ու բարձր արագությամբ շարժական կապ և ինտերնետ հասանելիություն:
Միաժամանակ, ծառայությունների անխափան մատուցումն ապահովելու նպատակով, ընկերությունը հնարավորություն է ընձեռել փոխարինել սարքավորումները այն բաժանորդներին, ովքեր նախագծի մեկնարկից առաջ երեք ամսվա ընթացքում օգտվել են բացառապես 2G հնարավորությամբ հեռախոսներից: Այս պահին այդ առաջարկից օգտվել է ավելի քան 20 հազար բաժանորդ, և այդ հնարավորությունը դեռևս հասանելի է:
Ավելի քան 30 տարի ծառայած երկրորդ սերնդի ցանցի փոխարինման արդյունքում ազատված հաճախականությունները, ենթակառուցվածքները, սարքավորումներն ու ռեսուրսներն այժմ օգտագործվում են Հայաստանի ողջ տարածքում ժամանակակից 4G և 5G ցանցերի ծածկույթն ընդլայնելու համար:
«Ուրախությամբ եմ նշում, որ Team-ի հետ միասին մենք առաջինն ենք ողջ Կովկասյան տարածաշրջանում ստանձնել հեռահաղորդակցության ոլորտի կարևոր պատմական էջը փակելու պատասխանատվությունը և իրականացրել անցումը նոր տեխնոլոգիաների: Այս առանցքային փոփոխությունը թույլ տվեց ոչ միայն արդիականացնել շարժական կապի ենթակառուցվածքը, այլև բարձրացնել ծառայությունների թվային անվտանգությունը», - նշել է Team Telecom Armenia-ի գլխավոր տնօրեն Հայկ Եսայանը:
Ըստ աղբյուրի՝ նոր տեխնոլոգիաներին անցումը բաժանորդներին հնարավորություն է տալիս ոչ միայն միաժամանակ օգտվել ձայնային և ինտերնետ ծառայություններից, այլև զգալիորեն բարձրացնում է ցանցի էներգաարդյունավետությունն ու թվային անվտանգության մակարդակը՝ ապահովելով ավելի ժամանակակից, հասանելի և կայուն կապ Հայաստանի ողջ տարածքում:
Նշենք, որ «Տելեկոմ Արմենիա» ԲԲԸ-ն (բրենդը՝ Team Telecom Armenia) հայկական ընկերություն է, որն առաջատար դիրքեր է զբաղեցնում երկրի հեռահաղորդակցության և տեղեկատվական տեխնոլոգիաների ոլորտում:
Հանդիսանալով Հայաստանի առաջին հեռահաղորդակցության ցանցի ժառանգորդը՝ ընկերությունն ունի այս ոլորտում ծառայությունների մատուցման 100-ամյա պատմություն: Հարուստ փորձի և ժամանակակից տեխնոլոգիաների համադրման շնորհիվ Team-ը հուսալի և նորարարական ծառայություններ է մատուցում ինչպես անհատ, այնպես էլ կորպորատիվ հաճախորդներին:
Team Telecom Armenia-ի նպատակն է բարձրորակ հեռահաղորդակցության ծառայություններ մատուցել Հայաստանի բոլոր բնակիչներին: Այս նպատակին հասնելու համար ընկերությունը մշտապես արդիականացնում և վերազինում է շարժական և ֆիքսված ցանցերը, գործարկում նոր միջազգային կապուղիներ, ինչը նաև բարձրացնում է Հայաստանում ինտերնետի հուսալիության և անվտանգության մակարդակը:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Breavis ընկերությունը “Եվրոնյուզ»-ին մերկացրել է Հայաստանի ընտրությունների վերաբերյալ կեղծ տեղեկատվություն տարածելու մեջ
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
