Արմինֆո. Հայաստանի ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի («Հայհիդրոմետ») և Ղազախստանի Հանրապետության էկոլոգիայի և բնական պաշարների նախարարության «Ղազհիդրոմետ» հանրապետական պետական ձեռնարկության միջև համագործակցության հուշագրի շրջանակներում տեղի է ունեցել երկու ազգային հիդրոօդերևութաբանական ծառայությունների մասնագետների առցանց հանդիպում։
Հայաստանի Հիդրոօդերևութաբանության և մոնիթորինգի կենտրոնի հաղորդագրության համաձայն, «Հայհիդրոմետ» ՊՈԱԿ-ի անունից մասնակիցներին ողջունել է տնօրենի խորհրդական Վալենտինա Գրիգորյանը։ Նա ընդգծել է ազգային հիդրոօդերևութաբանական ծառայությունների միջև փորձի փոխանակման կարևորությունը, ինչպես նաև հիդրոօդերևութաբանական գործունեության մեջ մասնագիտական համագործակցության զարգացման և ժամանակակից թվային լուծումների ներդրման անհրաժեշտությունը։
«Ղազհիդրոմետ»-ի կողմից ողջույնի խոսքով հանդես է եկել միջազգային համագործակցության և փաստաթղթային աջակցության վարչության պետ Գուլժան Տուլեբաևան։
Հանդիպման սկզբում կողմերը համառոտ ներկայացրել են մասնակիցներին և նախանշել հետագա քննարկումների հիմնական թեմաները, այդ թվում՝ օդերևութաբանական և ագրոօդերևութաբանական դիտարկումները, ինչպես նաև ժամանակակից թվային տեխնոլոգիաների և ծառայությունների կիրառումը՝ օգտատերերին հիդրոօդերևութաբանական տեղեկատվություն տրամադրելու նպատակով։
«Հայհիդրոմետ» ՊՈԱԿ-ի օդերևութաբանական ծառայության պետ Սոնա Հայրապետյանը ներկայացրել է ծառայության գործունեությունը՝ անդրադարձ կատարելով ծառայության հիմնական աշխատանքներին, այդ թվում՝ օդերևութաբանական և ագրոօդերևութաբանական դիտարկումներին, Հայաստանում կիրառվող կանխատեսման մեթոդներին, ինչպես նաև «Հայհիդրոմետ» ՊՈԱԿ-ի բջջային հավելվածին, որը օգտատերերին տրամադրում է իրական ժամանակին մոտ օդերևութաբանական տեղեկատվություն, կանխատեսումներ և նախազգուշացումներ։
«Ղազհիդրոմետ»-ի ագրոօդերևութաբանական մոնիթորինգի և կանխատեսման վարչության պետ Նոնա Լոյենկոն ներկայացրել է ագրոօդերևութաբանական ծառայությունների, այդ թվում՝ գյուղատնտեսության ոլորտի համար ագրոօդերևութաբանական տեղեկատվություն և ծառայություններ տրամադրելու համար նախատեսված AgriData բջջային հավելվածի վերաբերյալ զեկույց։
Հանդիպման ընթացքում մասնակիցները քննարկել են օդերևութաբանական և ագրոօդերևութաբանական դիտարկումների զարգացումը, ինչպես նաև գյուղատնտեսության մեջ օդերևութաբանական տեղեկատվության օգտագործումը։
Քննարկման արդյունքում կողմերը համաձայնության են եկել ստեղծել փոքր համատեղ աշխատանքային խումբ՝ համագործակցության ուղղությունները հետագայում քննարկելու, փորձի փոխանակումը խորացնելու և ժամանակակից ծառայությունների մշակումը զարգացնելու նպատակով։
Կողմերը վերահաստատել են իրենց պատրաստակամությունը շարունակել մասնագիտական երկխոսությունը և զարգացնել համագործակցությունը գործող Հուշագրի շրջանակներում։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»
Եվրոպան համերաշխություն է հայտնում Հայաստանին Ռուսաստանի կողմից սահմանված տնտեսական պատժամիջոցների կապակցությամբ. եվրահանձնակատար
Ուրսուլա ֆոն դեր Լայեն. ԵՄ-ն պատրաստում է աջակցության փաթեթ Հայաստանի համար, որը ներառում է ավելի քան 50 միլիոն եվրոյի անհապաղ ֆինանսական օգնություն
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
