Արմինֆո. Գործնական առումով, Երեւանը Ջեյ Դի Վենսի այցից ստացավ այն, ինչ և սպասում էր, բայց նաև պետք է նշել, որ այցի մթնոլորտը շատ ավելի հաճելիորեն, շատ ավելի դրական ստացվեց, քան նույնիսկ սպասվում էր: Այդ մասին հայտարարիել է ՀՀ վարչապետ Նիկոլ Փաշինյանը՝ ՀՀՀ-ի հարցազրույցում։
«Ես շատ ուրախ եմ արձանագրել, որ մեր հանրության շրջանում շատ դրական ընկալում ունեցավ: Եվ սա, թերևս, մի կարևոր և շատ արտահայտիչ պատկերումն է բալանսավորված և բալանսավորման արտաքին քաղաքականության, որի արդյունքները մենք տեսնում ենք», - ասել է Փաշինյանը:
Նրա ասելով՝ շատ կարևոր է այցի տնտեսական համատեքստը, որովհետև Միացյալ Նահանգների փոխնախագահի այց, այն էլ Ջեյմս Դի Վենսի նման վառ քաղաքական գործչի այցը, բնականաբար, Հայաստանը դնում է համաշխարհային ուշադրության կենտրոնում: Եվ շատ կարևոր է, որ Միացյալ Նահանգների ներդրումային միջավայրի ուշադրությունը լրացուցիչ հրավիրվում է Հայաստանում բացված և բացվող ներդրումային հնարավորությունների վրա։
Փաշինյանն անդրադարձել է նաեւ թվերի հետ կապված քննարկումներին: Հիշեցնենք, որ Վենսը Երեւանում հայտարարել էր Հայաստանի հետ խաղաղ ատոմի ոլորտում համագործակցության շրջանակներում «123» համաձայնագրով 9 մլրդ դոլարի փուլային ներդրումների մասին: «Դա ճանապարհ կհարթի ամերիկյան եւ հայկական ընկերությունների համար քաղաքացիական միջուկային էներգետիկայի ոլորտում նախագծերի գործարքներ կնքելու համար: Դա նշանակում է մինչև 5 միլիարդ դոլար նախնական ամերիկյան արտահանում, գումարած լրացուցիչ 4 միլիարդ դոլար երկարաժամկետ աջակցություն վառելիքի մատակարարման և տեխնիկական սպասարկման պայմանագրերի միջոցով», - հայտարարել է ԱՄՆ փոխնախագահը Երևանում կայացած ճեպազրույցի ժամանակ: Սակայն սխալ թարգմանության պատճառով շատերն այդ հայտարարությունն ընդունել են որպես 9 մլրդ դոլարի ներդրման մասին տեղեկատվություն ՝ դասական իմաստով։
«Շատ կարևոր է արձանագրել, որ Միացյալ Նահանգների փոխնախագահն՝ այդ մեծ թվերի հրապարակումով, ցույց է տալիս Միացյալ Նահանգների մեծ քաղաքական կամքն աջակցելու Հայաստանում ներդրումներ իրականացնելու: Այդ մեծ թվերը պետք է կոնկրետացվեն և դարձվեն կոնկրետ նախագծեր, կոնկրետ հասցեներ, կոնկրետ, լոկացիաներ, և, իհարկե, ուղղություններն էլ Դուք արդեն նշեցիք: Մենք առաջին անգամ Միացյալ Նահանգների հետ պաշտպանության ոլորտում իրականացնում ենք և իրականացնելու ենք համագործակցություն, բայց շատ կարևոր է արձանագրել, որ այս ամեն ինչն իրականում խաղաղության օրակարգի արդյունքներն են», - հայտարարել է վարչապետը:
Փաշինյանի խոսքով՝ Հայաստան "փողի մեծ հոսք" է սպասվում, այդ թվում ՝ ապագա երկաթուղում ներդրումների մասով։ «Որոշակի ոլորտներում ներդրումների մեկ միավորը բերում է ևս երկուսը, որոշ տեղերում ՝ երեքը, որոշ տեղերում ՝ չորս միավոր ներդրում, և, ըստ էության, մենք խոսում ենք նոր ներդրումային էկոհամակարգի ձևավորման մասին, քանի որ երկաթուղին երկաթուղի է, բայց դա ոչ միայն ուղիներ է, այլ նաև ավտոճանապարհներ, այլ ծառայություններ, բարձր տեխնոլոգիական սարքավորումներ և այլն, Էլ չենք խոսում ուղևորափոխադրումների, բեռնափոխադրումների և այլ փոխադրումների սպասարկման մասին: Ավելին, տեսեք, մենք ճիշտ բաներ ենք ասում և անում, մենք կենտրոնացած ենք երկաթուղու վրա, և դա լավ է, ճիշտ է, բայց մենք խոսում ենք նոր էլեկտրահաղորդման գծերի, նոր խողովակաշարերի, մալուխների մասին, ինչը շատ կարևոր է: Եկեք այդ մալուխները միացնենք Հրազդանում կառուցվող նոր գերհամակարգչային կենտրոնի հետ, որը արհեստական բանականության ոլորտում տարածաշրջանային և միջազգային ծառայություններ կմատուցի, այդ ամենը համատեղենք զբոսաշրջային հոսքերի հետ և այլն, և կտեսնենք, այսինքն, այստեղ ներդրումները ծնում են ներդրումներ։ Սովորաբար նման բան են ասում տեխնոլոգիական հատվածի մասին. մեկ աշխատատեղը, որը ստեղծվել է տեխնոլոգիական ոլորտում, ստեղծում է երեք կամ չորս, երբեմն խոսվում է այլ ոլորտների հինգ աշխատատեղերի մասին, և այստեղ մենք գործ ունենք նույն երևույթի, նույն էֆեկտի հետ», - հայտարարել է նա:
Ջեյ Դի Վենսը Հայաստան էր ժամանել փետրվարի 9-ին՝ երկօրյա պաշտոնական այցով: ՀՀ վարչապետ Նիկոլ Փաշինյանի և ԱՄՆ փոխնախագահի միջև բանակցությունների արդյունքում հայտարարվել է, որ Վաշինգտոնը 11 մլն դոլարի հետախուզական դրոններ կմատակարարի Երևանին: Ստորագրվել է նաև 9 մլրդ դոլարի քաղաքացիական միջուկային էներգետիկայի զարգացման գործում համագործակցությունը շարունակելու մասին համաձայնագիր, որի շրջանակներում Երևանը կստանա փոքր մոդուլային ռեակտորների տեխնոլոգիաներ: Երկու երկրների քաղաքական գործիչները քննարկել են նաեւ առեւտրի հարցերը, առանձին ուշադրություն է դարձվել Հայաստանին ամերիկյան առաջատար համակարգչային չիպերի վաճառքին. երկրում նախատեսվում է ստեղծել հզոր ԱԲ-կենտրոն: Այլ պայմանավորվածությունների թվում են ամերիկյան ներդրումները տրանսպորտային ենթակառուցվածքում, մասնավորապես՝ "Թրամփի ուղի հանուն խաղաղության և բարգավաճման" (TRIPP) նախագծի շրջանակներում:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
