Արմինֆո. Փաստերի ստուգման և տեղեկատվության տրամադրման "Անտիֆեյք" կայքի ներկայացուցիչները բողոքի ակցիա են անցկացրել Մարդու իրավունքների պաշտպանի գրասենյակի առջև, ՄԻՊ-ին մեղադրելով անգործության համար՝ արդեն 11 օր հացադուլի մեջ գտնվող "Իմնեմնիմի" հաղորդավար Նարեկ Սամսոնյանի առողջական վիճակի վատթարացման առնչությամբ:
Ակցիայի մասնակիցները ՄԻՊ գրասենյակի մոտ են բերել 11-օրյա հացադուլը խորհրդանշող պլաստիկե ափսեներ: Ցուցարարները ուշադրություն են հրավիրել, որ երբ հունվարի 18-ին Սամսոնյանի առողջական վիճակը կտրուկ վատացել է, շտապօգնությունը ժամանել է միայն մեկուկես ժամ անց, իսկ ինքը հիվանդանոց է տեղափոխվել չորս ժամ անց: Ավելին, քաղբանտարկյալի վիճակի վատթարացման օրը բանտում ոչ մի բուժակ չի եղել ։ Նրանք նաև ընդգծել են, որ հացադուլի բոլոր օրերին ՄԻՊ գրասենյակի աշխատակիցներից որևէ մեկը չի այցելել Սամսոնյանին ՝ նրա առողջական վիճակի մոնիտորինգ իրականացնելու համար:
"Նարեկ Սամսոնյանը դիմել է իր իրավունքների պաշտպանության ամենածանր եղանակին ՝ հացադուլի։ Մենք եկել ենք այս ուտելիքով, որպեսզի պաշտպանի գրասենյակին հիշեցնենք Հայաստանում քաղբանտարկյալ Նարեկ Սամսոնյանի առկայության մասին, ով անժամկետ հացադուլ է անում: Ազատություն Նարեկ Սամսոնյանին, Վազգեն Սաղաթելյանին և բոլոր հայ քաղբանտարկյալներին", - հայտարարել են "Անտիֆեյք" - ի ներկայացուցիչները:
Իր հերթին՝ "Անտիֆեյք" կայքի խմբագիր, Նարեկ Սամսոնյանի փաստաբան Աստղիկ Մաթևոսյանը նշել է, որ տեղի ունեցածի ֆոնին ՄԻՊ գրասենյակը որևէ հայտարարությամբ հանդես չի եկել, որևէ հաշվետվություն չի հրապարակել և չի այցելել Սամսոնյանին: Նա տեղեկացրել է, որ իրենք եկել են ոչ թե պահանջելու միջոցներ ձեռնարկել, այլ՝ արձանագրելու Հայաստանում մարդու իրավունքների պաշտպանության համար պատասխանատու կառույցի անգործությունը: "Ահազանգում ենք, որ արդեն 11 օր հացադուլ անող Նարեկ Սամսոնյանը գտնվում է ծայրահեղ ծանր վիճակում ։ Նա հյուծված է և տառապում է առողջական լուրջ խնդիրներից, որոնք սպառնում են նրա կյանքին։ Մենք այստեղ ենք՝ ընդգծելու, որ ՄԻՊ գրասենյակի լռությունը հավասարազոր է քաղբանտարկյալների հետ տեղի ունեցողին մեղսակցելուն: Սամսոնյանի առողջության համար պատասխանատվություն են կրում ինչպես Հայաստանի իշխանությունները, դատական համակարգը, այնպես էլ այն պաշտոնյաները, ովքեր պետք է ուշադրություն դարձնեին այդ խնդրին, բայց շարունակում են լռել, հատկապես՝ ՄԻՊ գրասենյակը", - նշել է Մաթևոսյանը։
Ցուցարարների մոտ է դուրս եկել Մարդու իրավունքների պաշտպանի գրասենյակի մամուլի քարտուղար Արթուր Ասլանյանը, ով հաղորդել է, որ ՄԻՊ գրասենյակը պատրաստ է ընդունել երեք մարդու: Մաթևոսյանը կայքի մի քանի ներկայացուցիչների հետ ուղևորվել է ՄԻՊ գրասենյակ ՝ մարդու իրավունքների պաշտպանին ներկայացնելու իրավիճակը:
Հատկանշական է, որ մամուլի խոսնակը հրաժարվել է պատասխանել հարցերին, նշելով, որ անձամբ տեղյակ չէ կատարվածի մասին, և տվյալ իրավիճակի վերաբերյալ որևէ հայտ չի ներկայացվել: Այդուհանդերձ, նա վստահեցրել է, որ ՀՀ մարդու իրավունքների պաշտպան Անահիտ Մանասյանը գործողություններ է իրականացնում իր անձնական նախաձեռնությամբ, չմանրամասնելով, թե ինչի մասին է խոսքը: Նա գրասենյակի լռությունը բացատրել է, իբր, բժշկական գաղտնիքի առկայությամբ։ Ի պատասխան ՝ Մաթևոսյանը հիշեցրել է, որ միջազգային պրակտիկայում նման դեպքերը բարձրաձայնվում են մարդու իրավունքների պաշտպանի կողմից։
Հավելենք, որ հունվարի 19-ի առավոտյան Սամսոնյանը հերթական ուղերձն է հղել "Արմավիր" բանտի պատժախուցից, որտեղ պատմել է, որ երեկ ՝ հունվարի 18-ին, կրծքավանդակի շրջանում սեղմող ցավեր և շնչահեղձություն է առաջացել: Նրա խոսքով, բանտում շաբաթ և կիրակի օրերին 1100 մարդու սպասարկող ընդամենը 2-3 բուժակների առկայության պատճառով ստիպված է եղել շտապօգնություն կանչել: "Շտապօգնության բրիգադը հոսպիտալացման անհրաժեշտություն է տեսել, քանի որ ախտանշանները վկայում էին նախաինֆարկտային շրջանի մասին ։ Հիվանդանոցում համապատասխան հետազոտություններից և տրոպոնինի վրա կենսաբանական նմուշ վերցնելուց հետո նախաինֆարկտային վիճակը հերքվել է, և ինձ հետ են տեղափոխե ՔԿՀ ՝ պատժախուց", - տեղեկացրել է նա։
Հիշեցնենք, որ հունվարի 9-ին դատարանը ևս 3 ամսով երկարաձգել է "Իմնեմնիմի" հաղորդավարներ Նարեկ Սամսոնյանի և Վազգեն Սաղաթելյանի կալանքը: Դատարանի որոշման առնչությամբ Նարեկ Սամսոնյանը նույն օրը հայտարարել է անժամկետ հացադուլ սկսելու մասին: Ընդդիմադիր գործիչները ձերբակալվել են 2025 թվականի նոյեմբերի 13-ին Երևանում ։ Նույն օրը AntiFake.am խմբագրության գրասենյակում կատարվել են խուզարկություններ, առգրավվել է ողջ տեխնիկան։ Ռեսուրսի գործունեությունն ամբողջությամբ չի վերականգնվել, քանի որ ուժայինները մինչ օրս չեն վերադարձրել առգրավված գույքը: Բլոգերները ձերբակալվել են ԱԺ նախագահ Ալեն Սիմոնյանի հայտարարությամբ, իբր, իր հասցեին հայհոյանք հնչեցնելու համար: Հատկանշական է, որ այս հայտարարությունը հաջորդել է այն բանից հետո, երբ Սիմոնյանն առաջինն էր վիրավորել փոդքասթի հաղորդավարներին՝ Facebook-ի իր էջում հրապարակված գրառման մեջ, որից հետո էլ նրանք պատասխանել էին նրան:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
