Երևանի կենտրոնում կրակոցներ են հնչել

Արմինֆո.  Հունվարի 14-ին կրակոցներ են հնչել Երևանի կենտրոնում:

Ինչպես հաղորդում է Shamshyan.com կայքը, ժամը 15:00-ի սահմաններում ՆԳՆ-ում օպերատիվ տեղեկություններ են ստացվել, որ Աբովյան 25 հասցեում գտնվող շենքից Երևանի տարբեր հիվանդանոցներ են տեղափոխվել 3 հոգի: Տեղում քրեական և համայնքային ոստիկանության ծառայողները պարզել են, որ նշված վայրից տեղափոխվել են 2 անչափահասներ, որոնցից մեկը սուր կտրող - ծակող առարկայից ստացած վնասվածքով տեղափոխվել է "Ուիգմոր" բժշկական կենտրոն, իսկ մյուսը՝ Հերացու անվան թիվ 1 համալսարանական հիվանդանոց:

Աբովյան փողոցում կոտրված է շուրջօրյա խանութի հսկայական ապակե պատուհանը, որը, ըստ օպերատիվ տեղեկությունների, տուժել է կրակոցի արդյունքում: Դրսում հայտնաբերվել են արյան հետքեր և ատրճանակի ինչ-որ մաս։

Դեպքի վայրում հերթապահում են շրջանային ոստիկանության աշխատակիցները ՝ մինչ քննիչների ժամանումը։ Շրջանային ոստիկանության աշխատակիցները զբաղվում են նաև տուժածների ինքնությունը պարզելով։