Արմինֆո. ԱԺ նախկին պատգամավոր, պատմական գիտությունների թեկնածու Միհրան Հակոբյանը հիշեցնում է, որ պետական պարտքը՝ թե ներքին, թե արտաքին, ձևավորվում է հստակ ծրագրերի և միջազգային համաձայնագրերի հիման վրա։ «Նիկոլը ստում է, որ 8 միլիարդի պարտքը պետության, այսինքն՝ ՀՀ հըըըպաարտ հարկատուների վզին է փաթաթել զենք առնելու նպատակով», - գրում է Հակոբյանը՝ սոցցանցում:
Հիշեցնենք, որ Հայաստանի պետական պարտքը 2017 թվականին կազմել է 3,28 տրլն դրամ կամ 6,77 մլրդ դոլար (վարչապետ Նիկոլ Փաշինյանն իշխանության է եկել 2018 թվականի "թավշյա հեղափոխության" արդյունքում - խմբ.), 2025 թվականի սեպտեմբերին այն աճել է մինչև 5,43 տրլն դրամ (14,20 մլրդ դոլար)։ Նոյեմբերի 13-ին խորհրդարանում վարչապետ Նիկոլ Փաշինյանը երկրի պետական պարտքի կտրուկ աճը բացատրել է զենքի գնմամբ և քովիդով: "Նաև կշտամբում են մեզ, թե ինչու է արտաքին պարտքը հասել 8 մլրդ դոլարի, ի՞նչ ենք արել այդ միջոցների հետ։ Չէի ուզում ասել, բայց ասեմ՝ զենք ենք գնել։ Մենք պարտքով զենք ենք գնել, որովհետև շատ զենք էր պետք, և՝ միանգամից», - ասել է Փաշինյանը։
«Ստում է, որովհետև պարտքի կառուցվածքը հասանելի է բաց աղբյուրներով և բոլորը կարող են տեսնել, թե պարտապաններն ինչ պայմաններով ու ինչի համար են 8 միլիարդ պարտք տվել: Ավելին՝ ով ուզի, բաց աղբյուրներով կտեսնի՝ պարտքը հիմնականում տվել են, որ Նիկոլը պետական ապարատին աշխատավարձ կարողանա տալ, իսկ իր շայկային ու միլիցեքին՝ հավելավճար:
Նիկոլի սուտը զարհուրելի է այնքանով, որքանով որ ստացվում է՝ պատերազմում պարտքով է պարտվել ու կապիտուլացվել: Արցախը հանձնել է ու դրա համար դեռ մի բան էլ 8 միլիարդի պարտք է փաթաթել հարկատուի վզին: Սա արդեն սուտ չէ, սա աբսուրդի թատրոն է:
Իրականում Նիկոլի սուտն այլ տեղ է ավելի վառ դրսևորվում: Ինչպես հայտնի ֆիլմում է ասվում՝ տո այ ալամեզոն, 8 միլիարդի զենք առած լինեիր, հետդ խոսել չէր լինի… 8 միլիարդի զենք առած լինեիր, հիմա Ալիևին թամբած կլինեիր, ոչ թե հակառակը… 8 միլիարդի զենք առել ես, որ ի՞նչ անես՝ թուրքերի կոշիկները լիզե՞ս…», - գրել է Միհրան Հակոբյանը։
Նշենք, որ 2026 թվականի պետբյուջեի նախագծի համաձայն, 2025 թվականի վերջին Հայաստանի պետական պարտքը կաճի 695 մլրդ դրամով (1,82 մլրդ դոլար)՝ հասնելով 5 տրլն 820 մլրդ դրամի կամ ՀՆԱ - ի 52,9%-ի, իսկ 2026 թվականի արդյունքներով կհասնի 6 տրլն 569 մլրդ դրամի (մոտ 17,1 մլրդ դոլար, 382,61 դրամ/1դոլար) կամ ՀՆԱ-ի 55% - ի։ Ընդ որում, կշարունակվի արտարժույթով պարտքի մասնաբաժնի ավելացումը։ 2026 թվականին պետական պարտքի մարման և սպասարկման համար կպահանջվի 1 տրլն 053 մլրդ դրամ, որից 629,8 մլրդ դրամը կկազմեն պարտքի վճարումները, իսկ 423,2 մլրդ դրամ՝ տոկոսավճարները ՝ բյուջեի ակնկալվող 3 տրլն 91 մլրդ դրամ եկամուտների դեպքում ։ Այսինքն, վաստակած յուրաքանչյուր 3 դրամից 1 դրամը վճարվում է պարտատերերին ։ Ինչպես նշում են տնտեսագետները, պետական պարտքը ոչ միայն կրկնապատկվել է, այլեւ դարձել է Հայաստանի բյուջեի գլխավոր "շնչառական ապարատը"։
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
