Հայաստանն ու Ղազախստանը շարունակում են ուսումնասիրել իրավապահ ոլորտում համագործակցության ընդլայնման հնարավորությունները

Արմինֆո.Իրավապահ ոլորտում հայ - ղազախական փոխգործակցության հետագա զարգացման նպատակով տեղի է ունեցել Հայաստանում Ղազախստանի դեսպան Բոլատ Իմանբաևի հանդիպումը հանրապետության ներքին գործերի նախարարի տեղակալ Արմեն Ղազարյանի հետ:

Ինչպես հաղորդում է Հայաստանում Ղազախստանի դեսպանատան մամուլի ծառայությունը, զրույցի ընթացքում դեսպանը հայկական կողմին մանրամասն ծանոթացրել է հասարակական անվտանգության ապահովման, ընտանեկան բռնության կանխարգելման և թմրահանցագործության դեմ պայքարի նպատակով Ղազախստանում իրականացվող լայնածավալ բարեփոխումներին:

Հանդիպմանը քննարկվել են Երևանի և Աստանայի միջև իրավապայմանագրային հիմքի ընդլայնման և միջազգային կազմակերպությունների շրջանակներում համագործակցության խորացման հեռանկարները: Ղազարյանը բարձր է գնահատել Ղազախստանում իրականացվող նախաձեռնությունների արդիականությունն ու նշանակությունը ՝ շահագրգռվածություն հայտնելով երկու երկրների իրավապահ գերատեսչությունների միջև փորձի փոխանակման և գործնական փոխգործակցության զարգացման հարցում: