Երևանի քաղաքապետը համոզում է. օդն ավելի մաքուր է, քան թվում է

Արմինֆո. Երեւանի քաղաքապետ Տիգրան Ավինյանը սեպտեմբերի 15-ին կայացած մամուլի ասուլիսի ժամանակ փորձել է համոզել լրատվամիջոցների ներկայացուցիչներին եւ հանրությանը, որ քաղաքի օդի որակի խնդիրը երեւակայական է: Ավելի համոզիչ լինելու համար նա ներկայացրել է մայրաքաղաքի շինհրապարակներում տեղադրված սենսորներից գրանցվող տվյալները, որտեղ PM 2.5 ցուցանիշը (օդում փոշու և այլ աղտոտիչների մանր մասնիկներ),  ըստ նրա, գտնվել է ՍԹԿ-ի (սահմանային թույլատրելի կոնցենտրացիայի) շրջանակներում:

Ավինյանը վստահեցրել է, որ օդի որակի հետ կապված խնդիրներ ունենք միայն ձմռանը։ Նա նշել է, որ որքան էլ տաք ամիսներին թվում է, թե քաղաքում շատ փոշոտ է, իրականում, օդի աղտոտվածության ցուցանիշներն անհանգստություն են առաջացնում միայն ձմռան շրջանում: Ավինյանը, չնայած լրատվամիջոցների ներկայացուցիչների դիտողություններին, վկայակոչելով շինհրապարակներից ստացված տվիչների տվյալները, փաստել է, որ գարնանը, ամռանը և աշնանը խնդրահարույց ոչինչ չկա:

«Ձեզ բոլորիդ թվում է, որ ամռանը մենք օդի որակի հետ կապված խնդիրներ ունենք ։ Այստեղ կարևոր է հասկանալ, թե իրականում ինչ է կանգնած  այդ տերմինի հիմքում: Օդի որակի խնդիրը առավոտյան փոշին չէ պատշգամբում և պատուհանագոգերին։ Այլ դա PM 2.5 ցուցանիշն է, այսինքն, թե քանի միկրոգրամ փոշի է պարունակվում օդում: Քաղաքապետարանը խոշոր շինարարներին պարտավորեցրել է շինհրապարակներում ունենալ 2-ական տվիչ։ Եվ այսօր մենք կարող ենք իրական ժամանակի ռեժիմով հետևել 143 սարքերի: Այս պահին PM 2.5 - ը միջինում կազմում է 41.2 մկգ/խմ», - ասել է նա, ընդգծելով, որ դա գերազանց ցուցանիշ է:

Երբ Ավինյանին բողոքել են շինհրապարակներում փոշուց պաաշտպանող հատուկ ցանցերի բացակայությունից, նա պատմել է, որ դեռ երկուսուկես տարի առաջ քաղաքային իշխանությունները շինարարներին պարտավորեցրել են համապատասխան սարքավորումներ ունենալ: Դրանց բացակայության դեպքում, ըստ քաղաքապետի, վերջիններիս նկատմամբ գործում են տույժեր: Սակայն որպես տուգանք, ինչպես նշել է քաղաքապետը, սահմանվել է միանգամայն ծիծաղելի գումար ՝ 70 հազար  դրամ, և նման որոշում կայացվել է ոչ թե Երևանի ավագանու, այլ Հայաստանի Հանրապետության Ազգային ժողովի կողմից։

Այդ առնչությամբ քաղաքապետը պատմել է վերջերս կայացված որոշման մասին, ըստ որի, կահավորման պահանջները չպահպանող շինարարները կզրկվեն 2026 թվականին հարկային արտոնություններից օգտվելու հնարավորությունից ՝ ընդհուպ մինչև 75 տոկոս:

Միաժամանակ նա հիշեցրել է քաղաքի կանաչապատման, մասնավորապես, ուրբանիստական անտառների կառուցման առաջիկա ծրագրերի մասին։ Ավինյանը պատմել է նաև, որ քաղաքապետարանը նախաձեռնել է 4-ամյա ծրագիր, որը վերաբերելու է հանքարդյունաբերության ոլորտին, շինարարությանը, քաղաքաշինության ոլորտում բնապահպանական լրացուցիչ սահմանափակումներին: Նրա խոսքով ՝ շինարարների նկատմամբ կկիրառվեն  կառուցվող քառակուսի մետրերին համապատասխան ծառատունկի նոր պահանջներ:

Մինչդեռ, նշենք, որ Հայաստանի Հիդրոմետկենտրոնի  վերջին տվյալներով (2025թ. օգոստոսի 20-ից 26-ը) https://armmonitoring.am/public/admin/ckfinder/userfiles/files/Dust/08- 27-1.jpg ), օդում փոշու մակարդակը մի քանի անգամ գերազանցել է ՍԹԿ-ն Նոր Նորք վարչական շրջանում (Գայի պողոտա), կենտրոնում, ինչպես նաև նորմայի գերազանցում է արձանագրվել Արաբկիր և Շենգավիթ վարչական շրջաններում: