Արմինֆո. ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է «Դասավանդի՛ր հանուն Հայաստանի» ծրագրի 11-րդ սերնդի ուսուցիչ-առաջնորդներին։Հանդիպմանը մասնակցել են նաև ԿԳՄՍՆ հանրակրթության վարչության պետ Թամարա Սարգսյանը, «Դասավանդի՛ր հանուն Հայաստանի» համակարգային նորարարության գծով տնօրեն Ալեքսանդր Հակոբյանը:
ԿԳՄՍՆ հաղորդագրության համաձայն, ծրագրի մասնակիցները հաջողությամբ ավարտել են ուսուցիչների առաջնորդության ակադեմիան, որը 7-շաբաթյա վերապատրաստման ծրագիր է, ստացել են 30 կրեդիտի հավաստագրերը և արդեն տեղափոխվել են համայնքներ՝ ՀՀ մարզերի մի շարք բնակավայրերի դպրոցներում ուսուցչական աշխատանք կատարելու նպատակով: Ծրագրի մասնակիցների թվում նաև առաջատար IT ընկերությունների աշխատակիցներ են, որոնք համատեղության կարգով դասավանդելու են դպրոցներում՝ խթանելով երեխաների հետաքրքրությունը բնագիտական և ՏՏ առարկաների նկատմամբ:
Ողջունելով հանդիպման մասնակիցներին՝ ԿԳՄՍ նախարարը կարևորել է հիմնադրամի հետ երկարամյա համագործակցությունը՝ ընդգծելով, որ այն նպաստում է ուսուցիչների ներգրավմանը, դասավանդման գործընթացի արդյունավետ կազմակերպմանը և նոր մոտեցումների տարածմանը։
Ժաննա Անդրեասյանը ծրագրի մասնակիցներին շնորհակալություն է հայտնել Հայաստանի տարբեր համայնքներում ուսուցչական աշխատանք ծավալելու պատրաստակամության համար։
«Ծրագրի շրջանակում դպրոցներում ներգրավվում են ոչ միայն ուսուցիչներ, այլև առաջնորդներ, որոնք իրենց օրինակով, նախաձեռնողականությամբ և աշխատանքի ոճով փոխում են միջավայրը, նպաստում նոր մշակույթի ձևավորմանը։ Շատ հաճախ ձեր ներկայությունը դառնում է այնպիսի փոփոխությունների մեկնարկ, որոնք շարունակվում են նաև ձեր հեռանալուց հետո: Վստահ եմ, որ առաջիկա տարին լինելու է բացահայտումների շրջան. ձեր եռանդն ու հանձնառությունը թույլ կտան հաղթահարել դժվարությունները։ Տարվա ավարտին ձեր աշխատանքի արդյունքը կտեսնեք երեխաների աչքերում, իսկ դա ամենաթանկ պարգևն է ուսուցչի համար», – նշել է նախարարը՝ դիմելով հանդիպման մասնակիցներին։
Նա կարևորել է նաև ուսուցիչների առաջարկները և դիտարկումները պետական կրթական քաղաքականության կատարելագործման գործում։ Այս համատեքստում նախարարը կոչ է արել ծրագրի մասնակիցներին ակտիվորեն օգտվել նաև պետության կողմից ընձեռված հնարավորություններից՝ մասնակցելով կամավոր ատեստավորմանը, որը հնարավորություն կտա բարձրացնելու վարձատրությունը՝ շարունակելով ուսուցչական հետագա աշխատանքը։
Անդրադառնալով հանրակրթության նոր չափորոշչին և բովանդակային փոփոխություններին՝ նախարարն առանձնացրել է ինքնավարության սկզբունքը․
«Մենք ցանկանում ենք, որ դպրոցները լինեն նախաձեռնող և ունենան կարողություններ՝ հարցերը քննարկելու, որոշումներ կայացնելու համար։ Կարևորում ենք մանկավարժական ինքնավարության զարգացումը, որպեսզի մեր ուսուցիչները հստակ իմանան իրենց իրավունքները և ունենան ազատություն՝ որոշելու դասագրքի ընտրությունը, կիրառվող մեթոդները, դասերի պլանավորումն ու մյուս բոլոր մանկավարժական հարցերը։ Միևնույն ժամանակ անհրաժեշտ է նաև պատրաստակամություն՝ սովորելու միմյանցից, կիսվելու փորձով և միասին ձևավորելու առողջ ու համագործակցային միջավայր։ Վստահ եմ, որ առաջնորդությունն այն առանցքային հմտություններից է, որը պետք է ձևավորել ուսուցիչների և տնօրենների շրջանում՝ մանկավարժական ինքնավարության լիարժեք իրականացման համար»։
«Դասավանդի՛ր հանուն Հայաստանի» ծրագրի ղեկավար Մարգարիտա Խամոյանը շնորհակալություն է հայտնել ԿԳՄՍ նախարարությանը երկարամյա արդյունավետ համագործակցության համար․ «Ուրախ եմ, որ մենք միևնույն նպատակն ենք հետապնդում՝ դպրոցներում ու համայնքներում ունենալ մարդիկ, որոնք առաջին քայլն են անում փոփոխության համար»,- ասել է նա։
ԿԳՄՍ նախարարի հետ հանդիպման ընթացքում ծրագրի մասնակիցները պատմել են իրենց սպասելիքների, ծրագրերի և ՀՀ տարբեր մարզերում աշխատելու նպատակների մասին:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
