Արմինֆո. Ֆրանսիան դիվանագիտական մակարդակով աջակցում է Հայաստանի կառավարության խիզախ ջանքերին՝ ուղղված Ադրբեջանի հետ խաղաղության հասնելուն և տարածաշրջանում հարաբերությունների կարգավորմանը։ Այդ մասին հայտարարել է Հայաստանում Ֆրանսիայի դեսպան Օլիվիե Դեկոտինյին՝ Երևանում Ֆրանսիայի դեսպանատանը Բաստիլի գրավման օրվա առթիվ կազմակերպված հանդիսավոր ընդունելության ժամանակ: Իր ողջույնի խոսքում դիվանագետը հիշեցրել է, որ հուլիսի 14-ը, որը դարձել Է Ֆրանսիայի ազգային տոն, խորհրդանշում է ֆրանսիական հեղափոխությունը, որը միավորում է ազատության, հավասարության և եղբայրության սկզբունքները:
"Այդ սկզբունքների հանրագումարը ոչ միայն ֆրանսիացի ժողովրդի սկզբունքներն են, այլև բոլոր ժողովուրդների ձգտումներն ու բոլոր ժողովրդավարությունների ձեռքբերումը։ Մեր հայ բարեկամները դա լավ գիտեն, չէ որ նրանք բազմաթիվ շղթաներ են ջարդել և բազմաթիվ բաստիլներ տապալել։ Ցեղասպանությունից փրկված ազգը, կայսրությունների իշխանությունից ազատված պետությունը, ինչպես նաև ժողովրդի կամքով ամրապնդված ժողովրդավարությունը հարստություն են աշխարհի համար և հույս՝ տարածաշրջանի համար: Մեզ ՝ ֆրանսիացիներիս համար Հայաստանը եղբայրական հանրապետություն է ։ Սրանք պարզապես բառեր չեն", - հավելել է Դեկոտինյին:
Դիվանագետը նշել է երկու երկրների միջեւ սերտ կապերի մասին է վկայում այն փաստը, որ Բաստիլի գրավման օրը Փարիզի Ելիսեյան պալատում կայացել Է Ֆրանսիայի նախագահի և Հայաստանի վարչապետի հանդիպում, իսկ Հայաստանի խորհրդարանի խոսնակը ներկա է եղել տոնակատարություններին Փարիզում:
Նա հավելել է, որ 2024 թվականին Հայաստանն ու Ֆրանսիան նշել են Շառլ Ազնավուրի 100-ամյակը և Փարիզի պանթեոնում հուղարկավորել Միսաք և Մելինե Մանուշյանների աճյունները:
"Այս տարի մենք հիշում ենք նաև Ծովակալ Դյու Ֆուրնեին, ով 1915 թվականի ամռանը ֆրանսիական երրորդ նավատորմի նավաստիների հետ Միջերկրական ծովի Մուսա լեռան վրա ցեղասպանությունից փրկեց ավելի քան 4000 հայերի: Նա գործեց առանց որևէ հրահանգի, հավատարիմ իր խղճին և ֆրանսիացի սպային վայել պատվով։ 110 տարի անց նրան հարգանքի տուրք մատուցեցին Հայոց ցեղասպանության հուշահամալիրում ՝ Հայաստանի և Ֆրանսիայի արտգործնախարարների ներկայությամբ։ 110 տարի անց Մուսա լեռան ոգին շարունակում է ոգեշնչել մեզ ՝ հայերիս և ֆրանսիացիներիս։ Մեր հարաբերությունները երբեք այսքան արդյունավետ եւ վստահելի չեն եղել", - նշել է Դեկոտինյին, հավելելով, որ Հայաստանը նաեւ միջազգային հարաբերությունների խաչմերուկ է։
Այդ համատեքստում նա նշել է, որ 2026 թվականին Երեւանում տեղի կունենան Կենսաբազմազանության կողմերի խորհրդաժողովը եւ Եվրոպական քաղաքական համայնքի գագաթնաժողովը: Նրա խոսքով ՝ Փարիզը ներկա է լինելու հայ բարեկամների հետ այդ կարևոր միջոցառումներին:
Այնուհետև դիվանագետն անդրադարձել է պաշտպանական ոլորտում հայ-ֆրանսիական համագործակցությանը և նշել, որ այն ևս առաջընթաց է ապրում: "Այն ուղղված է այն բանին, որպեսզի թույլ տա Հայաստանին պաշտպանել իր բնակչությանը, տարածքն ու ինքնիշխանությունը։ Ուրախ ենք մեր ներդրումն ունենալ հայ զինվորների զինման, ուսուցման և խորհրդատվության գործում: Մեր մտքերը նրանց հետ են, ովքեր այժմ հետևում են յուրաքանչյուրի անվտանգությանը", - ասել Է Ֆրանսիայի դեսպանը։
Խոսելով տնտեսական փոխգործակցության մասին՝ Դեկոտինյին նշել է, որ այն նույնպես առաջընթաց է ապրում: Մասնավորապես, Հայաստանը ֆրանսիական Idemiya ընկերությանը վստահել է քաղաքացիների համար անձնագրերի եւ նույնականացման քարտերի թողարկումը, Carrefour-ը շարունակում է ընդլայնվել Հայաստանում, Mistral-ը Հայաստանի հետ համագործակցություն է հաստատում արհեստական բանականության ոլորտում, Richel Group-ը վերջին սերնդի գյուղատնտեսական ջերմոցներ է կառուցում Գեղարքունիքում:
"Խոշոր նախագծեր են իրականացվում, հատկապես՝ ենթակառուցվածքների ոլորտում։ Վեդու ջրամբարի նախագիծը առանձնահատուկ նշանակություն ունի։ Հայաստանի անկախացումից ի վեր երկրում նման խոշոր ջրամբարի կառուցման համանմանը չի եղել, որը ֆինանսավորվում է Զարգացման ֆրանսիական գործակալության տրամադրած վարկի հաշվին: Ջրամբարի շինարարությունը կավարտվի այս աշնանը", - նշել է նա։
Դիվանագետը նաև ընդգծել է, որ Ֆրանսիան աջակցել է Հայաստանի հետ վիզային ռեժիմի ազատականացման շուրջ բանակցությունների մեկնարկին և շարունակելու է աջակցել այդ երկրի ձգտումներին, որը համարձակորեն գնում է դեպի Եվրոպա:
"Մարդասիրության առումով ֆրանսիական կողմը շարունակում է աջակցել Լեռնային Ղարաբաղից հայ փախստականներին և նրանց ընդունած Հայաստանին։ Հարկադիր վերաբնակեցումից երկու տարի անց մենք չենք մոռացել նրանց մասին ։ Ֆրանսիայի նախագահը մեզ համար նախանշել է այն գիծը, ըստ որի, Ֆրանսիայի աջակցությունը Հայաստանին անվերապահ է, ամբողջական և մշտական։ Այդ աջակցությունը վճռականորեն շարունակվելու է համատեղ ջանքերով իրականացվելիք ընդհանուր ծրագրերի միջոցով: Աջակցությունը կշարունակվի բոլոր բնագավառներում ՝ մշակույթ, դիվանագիտություն, կրթություն, Ֆրանկոֆոնիա, պաշտպանություն, բնապահպանություն, ենթակառուցվածքներ", - ասել է Դեկոտինյին, հավելելով, որ ֆրանսիական կողմը մեծ ուշադրություն է դարձնում խոցելի մարզերին։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
