Հայաստանում ԱՄՆ դեսպան Ռիչարդ Միլսը վերջապես բարձրաձայնեց Հայաստանի համար հրատապ խնդիրների մասին, համոզված է ՀԱԿ անդամ Արամ Մանուկյանը: ԱրմԻնֆո-ի թղթակցի հետ զրույցում մեկնաբանելով դեսպանի այն հայտարարությունը, որ համատարած կոռուպցիան սպառնում է Հայաստանի ազգային անվտանգությանը, Մանուկյանը նշել է, որ ավելի վաղ համանման գնահատականներ էին տվել Transparency International և Freedom House միջազգային կազմարպությունները, սակայն, ըստ երևույթին, իրավիճակը կտրուկ փոխվել է դեպի վատթարագույնը:
«2015 թվականին ամերիկացիները Հայաստանի կառավարությանը տրամադրել են 750 հազար դոլարի դրամաշնորհ` կոռուպցիային դիմակայելու համար, շատ լավ հասկանալով, որ Հայաստանի հակակոռուպցիոն խորհրդում ընդգրկված են ամենակոռումպացբված պաշատոնյաները», - նշել է քաղաքական գործիչը: Նրա ասելով, ըստ երևույթին, ԱՄՆ հրաժարվել է այդ հարցում երկակի ստանդարտների քաղաքականությունից: Ինչպես կարծում է Մանուկյանը, ստեղծվել է բավականին արտառոց իրավիճակ. սահմանադրական փոփոխությունների գործընթացը ոչ Ռուսատանի, ոչ ԱՄՆ-ի, ոչ Եվրոպայի սրտով չէ: Ռուսական մեդիաընկերությունները դեռ երբեք այսպիսի «վառ հետաքրքրություն» չեն դրսևորել Հայաստանի իրադարձությունների նկատմամբ, մասնավորապես` մտահոգություն հայտնելով սահմանադրական փոփոխությունների առնչությամբ: Եվրոպացիները նույնպես հանդես են գալիս առաջարկվող սահմանադրության քննադատությամբ: Դեսպան Միլսը հարցազրույցում հայտարարել է, որ եթե կոռուպցիային առնչվող խնդիրները չլուծվեն, ապա դա կանդրադառնա ներդրումների վրա: «Միջազգային հարաբերություններում փողերը քաղաքական աջակցության ակնհայտ ցուցանիշ են. Ռուսաստանը, ԱՄՆ և Եվրոպան Հայաստանին մերժում են վարկեր տրամադրել, ինչը բացասական նշան է պետության ղեկավարի համար», - նշել է Արամ Մանուկյանը: «Ըստ երևույթին, Սերժ Սարգսյանը որոշել է գնալ մինչև վերջ` զոհաբերելով Հայաստանի ազգային շահերը. հակառակ համաշխարհային հասարակայնության, Ռուսաստանի և ԱՄՆ կարծիքի` միայն սեփական իշխանությունը պահելու և հոգեբանական բավարարություն ստանալու համար», - ամփոփել է ՀԱԿ անդամ Արամ Մանուկյանը:
Նշենք, որ Հայաստանում ԱՄՆ դեսպան Ռիչարդ Միլսը սեպտեմբերի 17-ին «Ազատություն» ռադիոկայանի հետ հարցազրույցում հայտարարել էր, որ կոռուպցիան լուրջ խնդիր է Հայաստանի համար և մեծ դեր ունի երկրի ամենօրյա կյանքում: ՙԿոռուպցիան խոչընդոտում է տնտեսական աճը, վտանգում է մարդու իրավունքների պաշտպանությունը, ժողովրդավարությունը և անգամ, կարծում եմ, երկրի ազգային անվտանգությունը, որտեղ կոռուպցիա կա, քանի որ արտաքին ուժերը կարող են վերահսկել ձեր երկրի զարգացումը՚,- ասել է Միլսը: Դեսպանի խոսքով, հարցն այն է, թե արդյոք պետությունը ունի կոռուպցիայի դեմ պայքարելու համար անհրաժեշտ գործիքներ և կամք, և արդյո՞ք կա այն քաղաքացիական հասարակությունը, որը պատրաստ է համագործակցել իշխանությունների հետ և օգնել այդ պայքարում: ՙԵթե մենք չկարողանանք լուծել կոռուպցիայի խնդիրը, որը լուրջ խնդիր է այս երկրում և մեծ դեր ունի Հայաստանի ամենօրյա կյանքում, դա մեծապես կազդի մեր հարաբերությունների վրա շատ կոնկրետ ոլորտներում: Օրինակ՝ ներդրումների: Ես մեծ ջանքեր եմ գործադրում Հայաստանի և Միացյալ Նահանգների միջև առևտրային հարաբերությունները, ներդրումները խրախուսելու ուղղությամբ: Ես կարծում եմ, որ հիմա ժամանակն է կենտրոնանալու դրա վրա: Սակայն ամերիկյան ներդրումներ հրապուրելու համար ներդրողները պետք է իմանան, որ մուտք են գործում մի միջավայր, որտեղ բոլորին նույն կերպ են վերաբերվում, որտեղ անարդար մրցակցություն չկա, պետական ծառայությունները հավասարապես հասանելի են բոլորին: Եվ եթե հակակոռուպցիոն խորհուրդը չլուծի այս խնդիրները, կարծում եմ դա կվնասի այստեղ ներդրումներ կատարելու հնարավորությունները՚,- ասել է դեսպանը: ԱՄՆ դիվանագետը նաև գործարարներին հորդորել է չվախենալ կոռուպցիային դիմակայելուց և բարձրաձայնել այդ խնդրի մասին:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
