Հայաստանի հանրային ծառայությունները կարգավորող հանձնաժողովը հավանություն է տվել «Յուքոմ» ՓԲԸ հայտին` ընկերության սեփականատեր Արամ Խաչատրյանի կողմից իրեն պատկանող 41% բաժնետոմսերի 30%-ն «Արդշինբանկում» գրավ դնելու մասին:
«Յուքոմի» արտաքին կապերի գծով տնօրեն Ալեքսանդր Եսայանի ասելով, ընկերությունում որոշել են բաժնետոմսերը գրավ դնել` ներդրումային ծրագրեր իրագործելու համար: «Ներգրավված վարկային ռեսուրսները մենք նախատեսում ենք ուղղորդել մի քանի նախագծերի իրականացմանը, այդ թվում` «Օրանժ» ընկերության ձեռք բերմանը», - հայտարարել է Եսայանն ԱրմԻնֆո-ի թղթակցին:
Հիշեցնենք, որ հուլիսի 22-ին «Օրանժ Արմենիայի»» գլխավոր տնօրեն Ֆրանսիս Ժելիբտերը հայտարարել էր, որ ընկերությունը որոշել է հեռանալ Հայաստանից և «Յուքոմ» ընկերության հետ բանակցություններ է վարում «Օրանժ Արմենիայի» վաճառքի շուրջ: Ժելիբտերն ընդգծել էր, որ գործարքն առայժմ ավարտված չէ, սակայն եզրափակիչ փուլում է: Գործարքի գումարը չի նշվում: «Յուքոմը» իրավունք կստանա առաջիկա 12 ամսվա ընթացքցում պահպանելու «Օրանժ Արմենիա» բրենդը: Ընկերության գլխավոր տնօրենի ասելով, Հայաստանի շուկայում «Օրանժի» 17-18% մասնաբաժնով դժվար է ներդրումներ կատարել ժամանակակից տեխնոլոգիաների մեջ և փոխհատուցում ակնկալել խելամիտ ժամկետում: Գործարքի առաջարկ է ստացվել «Յուքոմից», որը որոշել է ինտերնետի և ֆիքսված հեռախոսակապի ծառայությունները համալրել բջջային կապով, հավելել էր Ժելիբտերը:
«Յուքոմը» պատկանում է ֆինանսների նախարար Գագիկ Խաչատրյանի ազգականներին, ով համարվում է Հայաստանի ամենահարւոստ պաշտոնյաներից մեկը: «Օրանժի» ներկայացուցիչը հավաստիացրել է, որ Հայաստանի կառավարության կողմից ոչ մի ճնշում չի եղել իրենց նկատմամբ` «Օրանժ Արմենիան» «Յուքոմին» վաճառելու առնչությամբ:
Նշենք, որ «Օրանժ Արմենիան», որը France Telecom-ի 100%-անոց դուստր ընկերությունն է (բրենդ Orange), հայկական շուկայում աշխատում է 2009 թվականի նոյեմբերի 5-ից` ապահովելով ցանցի 95% ծածկույթ և բջջային կապի ու ինտերնետի մատչելիություն Հայաստանի ավեի քան 600 քաղաքներում և բնակավայրերում: Աուդիտորական հաշվետվության համաձայն, 2014 թվականին ընկերությունը կրել է 4 մլրդ դրամի վնաս` 2013 թվականի 3,85 մլրդ դրամի դիմաց: 2014 թվականի վերջի տվյալների համաձայն, հանրապետությունում իր հնգամյա գործունեության ընթացքում «Օրանժ Արմենիայի» ներդրումները գերազանցել են 100 մլրդ դրամը: 2015 թվականի մրատի 31-ի դրությամբ ընկերության ընդհանուր վնասը կազմել է 184,6 մլն եվրո:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
