ԱրմԻնֆո. Ռուսական արվեստի թանգարանի (պրոֆ. Ա. Աբրահամյանի հավաքածու) համար 2024 թվականը նշանավորվել է հոբելյանական երկու կարևորագույն իրադարձությամբ. թանգարանում տեղի է ունեցել հոբելյանական տարվա ամփոփիչ միջոցառումը, որին ներկա է եղել և ողջույնի խոսքով հանդես եկել ՀՀ ԿԳՄՍ նախարարի տեղակալ Ալֆրեդ Քոչարյանը։
Ներկաներին ողջունել նաև Ռուսական արվեստի թանգարանի տնօրեն Մարինե Մկրտչյանը և «Կերոն» զարգացման հիմնադրամի գործադիր տնօրեն Վանանե Արարքցյանը։
Նախարարի տեղակալի խոսքով՝ Ռուսական արվեստի թանգարանի համար 2024 թվականը նշանավորվել է թանգարանի հիմնադիր, Սոցիալիստական աշխատանքի հերոս, ԽՍՀՄ պետական մրցանակի դափնեկիր, խորհրդային բժշկության ականավոր ներկայացուցիչ, պրոֆեսոր Արամ Հակոբի Աբրահամյանի ծննդյան 125 և թանգարանի հիմնադրման 40-ամյա հոբելյանների նշմամբ։
«Ռուսական արվեստի թանգարանի համար տարին հագեցած էր, և թանգարանը պատվով է կատարել իր առաքելությունը։ Այս համատեքստում ուզում եմ առանձնացնել Տրետյակովյան պատկերասրահի հետ իրականացված հոբելյանական ծրագիրը, քանի որ միջազգային համագործակցությանն ուղղված բոլոր նախաձեռնությունները նախարարության ուշադրության կենտրոնում են։ Վստահ եմ, որ նման ծրագրերի միջոցով թանգարանը լուրջ զարգացում է ապրում՝ հանրահռչակելով մեր մշակութային ժառանգությունը միջազգային ասպարեզում»,- նշել է Ալֆրեդ Քոչարյանը և շնորհակալություն հայտնել բոլոր գործընկեր կազմակերպություններին, մասնավորապես՝ «Կերոն» զարգացման հիմնադրամին շարունակական համագործակցության համար։
ԿԳՄՍՆ հաղորդագրության համաձայն, հոբելյանական տարվա ընթացքում համատեղ իրականացրած նախագծերի կապակցությամբ նախարարի տեղակալ Ալֆրեդ Քոչարյանը ԿԳՄՍ նախարարության պատվոգրով պարգևատրել է «Կերոն» հիմնադրամի հիմնադիր Մարիետա Գևորկյանին: Թանգարանային ոլորտում ունեցած նշանակալի ավանդի և երկարամյա բարեխիղճ գործունեության համար ԿԳՄՍՆ պատվոգրով պարգևատրվել են նաև Ռուսական արվեստի թանգարանի մի խումբ աշխատակիցներ։
Հոբելյանական ամփոփիչ միջոցառման շրջանակում նախարարի տեղակալը շրջայց է կատարել թանգարանում և դիտել նորացված ցուցադրությունը։ Միջոցառման ընթացքում ներկայացվել են նաև հոբելյանական ցուցահանդեսների շրջանակում հրատարակված պատկերագրքերը, որոնք տրամադրվել են նաև մշակութային կառույցներին։
Նշենք, որ Ռուսական արվեստի թանգարանում (պրոֆ. Ա. Աբրահամյանի հավաքածու) հոբելյանական տարին մեկնարկել է 2023 թվականին, որի ընթացքում թանգարանն այցելուներին ներկայացել է վերանորոգված և նորացված մշտական ցուցադրությամբ։ Կարևորագույն միջոցառումները մեկնարկել են 2024 թվականին․ Ռուսական արվեստի թանգարանի և Տրետյակովյան պատկերասրահի համագործակցության շնորհիվ հունիսի 4-ից օգոստոսի 12-ը Տրետյակովյան պատկերասրահում տեղի է ունեցել «Մոսկվա-Երևան-Մոսկվա» ցուցահանդեսը` նվիրված Ռուսական արվեստի թանգարանի հիմնադրման 40 և պրոֆեսոր, բժիշկ, ԽՍՀՄ աշխատանքային հերոս, Մոսկվայի պատվավոր քաղաքացի Արամ Աբրահամյանի 125-ամյակներին: Ցուցահանդեսին ներկայացված էր Ռուսական արվեստի թանգարանի հավաքածուի 49 ստեղծագործություն։ Ցուցահանդեսը կյանքի է կոչվել երկու թանգարանների համատեղ աշխատանքի շնորհիվ, որը միջպետական, միջթանգարանային համագործակցության կարևոր դրսևորում է։
Այս ցուցահանդեսի շրջանակում լույս է ընծայվել նաև «Մոսկվա-Երևան-Մոսկվա» պատկերագիրքը, որը պատրաստվել և հրատարակվել է Պետական Տրետյակովյան պատկերասրահի կողմից՝ Ռուսական արվեստի թանգարանի համագործակցությամբ: Նոր արխիվային փաստաթղթերի, մենագրությունների, բանահավաքության շնորհիվ պատկերագրքում առաջին անգամ ներկայացվում է հավաքածուի ստեղծման ամբողջական պատմությունը։
Երկու թանգարանների համագործակցության շրջանակում հուլիսի 26-ին Պետական Տրետյակովյան պատկերասրահում տեղի է ունեցել Ռուսական արվեստի թանգարանի հիմնադիր Ա. Աբրահամյանին նվիրված հուշ-երեկո, որի ընթացքում ներկայացվել է վերջինիս կերպարը` որպես զինվոր, բժիշկ, պրոֆեսոր, գիտնական, հասարակական գործիչ, կոլեկցիոներ։
Մոսկվայի Պետական Տրետյակովյան պատկերասրահի ցուցահանդեսին զուգահեռ Երևանում ՀՀ ԿԳՄՍ նախարարության աջակցությամբ կազմակերպվել է «Արվեստի ասպետը. Արամ Աբրահամյան» խորագրով ցուցահանդես` նվիրված Արամ Աբրահամյանի 125 և Ռուսական արվեստի թանգարանի 40-ամյակներին։ Ցուցադրությունում լուսանկարների, փաստաթղթերի և անձնական իրերի միջոցով ներկայացվել են պրոֆեսորի կյանքը և գործունեությունը, ինչպես նաև Ռուսական արվեստի թանգարանի ստեղծման պատմությունը։ Ցուցահանդեսի շրջանակում տպագրվել է պատկերագիրք։
Հայ թուրքագետը բացատրեց, թե ինչպես է Ադրբեջանը վերաշարադրում Երևանի պատմությունը
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
