Ռուսաստանի և Հայաստանի ոչ պաշտոնական աղբյուրների կողմից հնչող տարբեր վարկածների համաձայն, Ռուսաստանի կողմից Հայաստանին տրամադրված 200 մլն վարկը օգտագործվելու է ՙԻսկանդերների՚ գնման համար: Արդյո՞ք այսօր ռազմավարական ու մարտավարական շարժառիթ և, գլխավորը, հնարավորություններ կան Հայաստանի տարածքում Իսկանդեր-Մ՚ ՕՄՀՀ տեղակայման համար:
Անձամբ ես շատ կցանկանայի ՙԻսկանդերներ՚ տեսնել Հայաստանում և առավել ևս`Արցախում, բայց, ցավոք, դեռևս մեր հանրապետություններում դրանք չկան: Ռուսներն, իհարկե, հաճույքով կարող են վաճառել այդ համալիրներն ինչպես Հայաստանին, այնպես էլ ցանկացած այլ երկրի: Միայն թե գումարներ լինեին:
Եվ չնայած այն բանին, որ Հայաստանը Ռուսաստանից զենք է գնում բավականին արտոնյալ գներով`ՙԻսկանդեր-Մ՚ օպերատիվ-մարտավարական հրթիռային համալիրները հայկական բանակի համար բավականին թանկ հաճույք են: Այս առումով ակնկալել, որ միայն 200 մլն վարկը կծածկի այդ համալիրի, ինչպես նաև հարակից տեխնիկայի ձեռքբերման ծախսերը, չենք կարող:ՙԻսկանդերներ՚ Հայաստանում կհայտնվեն, սակայն` ռուսական 102-րդ ռազմակայանի տարածքում: Կարծում եմ`Հայաստանում ռուսական ռազմական ներկայության մշտական ընդլայնումը, համապատասխան ծրագրի շրջանակներում, կհասնի նաև այդ փուլին:
Ձեր կարծիքով, արդյո՞ք Հայաստանի կողմից ՙԻսկանդեր-Մ՚ ՕՄՀՀ ձեռքբերման օբյեկտիվ անհրաժեշտություն կա`պայմանավորված Ադրբեջանի հետ ռազմական հավասարակշռության պահպանմամբ:
Ադրբեջանի հետ ռազմական հավասարակշռության լիարժեք պահպանման համար Հայաստանին և Արցախին հարկավոր է իրենց տարածքներում տեղակայել ՙԻսկանդերների՚ առնվազն մեկ դիվիզիոն: Դա օդի պես անհրաժեշտ է` հակառակորդի սպառազինություններին հավասարապես դիմակայելու նպատակով: Եվ դա նույնիսկ այն պայմաններում, երբ մենք այժմ էլ պատասխանելու բան ունենք մասշտաբային ագրեսիայի դեպքում: Ես նկատի ունեմ խորհրդային ՙՍկադ՚ բալիստիկ հրթիռները: Չնայած այն բանին, որ այդ համակարգերն ՙԻսկանդերներին՚ չեն հասնի`հակառակորդի ցանկացած ոտնձգության արժանի պատասխան տալ, փառք Աստծո, լիովին կարող են:
Դուք ղարաբաղյան հակամարտության կողմերի միջև ռազմական հավասարակշռության խախտում նկատու՞մ եք:
Ղարաբաղյան հակամարտության կողմերի միջև ռազմական հավասարակշռության խախտում, ցավոք, այսօր առկա է: Չափազանց շատ են Ադրբեջանի սպառազինությունները. ավելի շատ, քան այդ երկրին թույլատրվում է ունենալ Եվրոպայում սովորական սպառազինությունների մասին պայմանագրով /ԵՍՍՊ/:
Սակայն, այս իրավիճակում մեկ ՙբայց՚ կա: Ադրբեջանի կողմից միաժամանակ այդ ամբողջ տեխնիկայի օգտագործման համար տեղ չկա: Եվ դա հասկանալու համար անպայման չէ մարտավարական-ռազմավարական հմտություններով օժտված լինել: Բավական է միայն քարտեզի վրա նայել Արցախին և Ադրբեջանին: Ադրբեջանի հետ ղարաբաղյան ողջ սահմանագիծը գտնվում է բարձունքում: Հետևաբար`տանկավտանգ հատվածները շատ քիչ են, և տանկերի, այլ ծանր տեխնիկայի կիրառումը խիստ սահմանափակ կլինի: Երկիրը լեռնային է, և նման տեխնիկայի համար ճանապարհներ ղարաբաղյան լեռներում գրեթե չկան: Մինչդեռ ադրբեջանական դաշտավայրերը փռված են Արցախի առջև` ինչպես ափի մեջ:
Այս պայմաններում Բաքուն ձեռք է բերում հարձակողական տեխնիկա, և իր բոլոր զորավարժություններն իրականացնում`կիրառելով հարձակողական մարտավարություն: Իսկ հաշվի առնելով Ադրբեջանի տարածքում խողովակաշարերի ցանցի առկայությունը` տասնյակ հայկական հրթիռներ ավելի մեծ վնաս կհասցնեն Ադրբեջանին, քան 100 ադրբեջանական հրթիռը Հայաստանին և Արցախին: Եվս մեկ ոչ պակաս կարևոր գործոն. Ադրբեջանին, ավելի ստույգ`Իլհամ Ալիևին է պատկանում ընդամենը 15-20%-ն այն բանի, ինչ արդյունահանվում է Ադրբեջանում: Մնացածը British Petroleum-ի և միջազգային այլ կորպորացիաների սեփականությունն է: Մարտական գործողությունները վտանգի տակ կդնեն այդ կորպորացիաների եկամուտները, բազմամիլիոն ներդրումները: Հետևաբար`այդ երկրները ոչ մի դեպքում թույլ չեն տա Ալիևին նոր ռազմական արկածախնդրության գնալ ինչպես հայ, այնպես էլ`սեփական ժողովրդի նկատմամբ:
Դուք նշեցիք ղարաբաղա-ադրբեջանական սահմանի բարդ ռելիեֆը: Բայց կան նաև Հայաստանի հետ Ադրբեջանի սահմանի հատվածներ, որտեղ ռելիեֆն այնքան էլ բարենպաստ չէ...
Այդ սահմանն ունի միջպետականի կարգավիճակ: Եվ եթե Ադրբեջանը հանկարծ որոշի հարձակվել Հայաստանի վրա, ինքնաբերաբար ուժի մեջ կմտնի Ռուսաստանի հետ ռազմավարական պայմանագիրը և ՀԱՊԿ գծով դաշնակիցների պարտավորությունները, որոնք խիստ անհրաժեշտության դեպքում, այնուամենայնիվ, կօգնեն Հայաստանին: Դրա համար Ռուսաստանը Հայաստանում ունի անհրաժեշտ ողջ գործիքակազմը`ավիացիա, հրթիռներ, անձնակազմ:
Կիսու՞մ եք արդյոք մի շարք ռազմական փորձագետների կարծիքները, ովքեր համարում են, որ Ադրբեջանը կարող է հայկական հանրապետությունների հետ պատերազմում հաջողություն ակնկալել բացառապես բլիցկրիգի արդյունքում:
Կարծում եմ, որ ռազմական այլ սցենար պարզապես չկա: Ավելին, Բաքվի ռեժիմը կարող է նաև հանցագործության դիմել`ստիպելով զինվորներին պատերազմի գնալ, որն իրենց պատերազմը չէ: Չեմ կարծում, որ Ադրբեջանի ԶՈւ զինծառայողների մեծ մասի համար, ովքեր ներկայացնում են էթնիկ փոքրամասնությունները, արցախցիների դեմ պատերազմն իրենց պատերազմը կլինի: Եվ նման բլիցկրիգի հաջողությունը կախված կլինի այն բանից, թե կհաջողվի արդյոք ադրբեջանցի հրամանատարներին ստիպել իրենց զինվորներին մարտի գնալ դարերով իրենց հողում բնակվող արցախցիների դեմ: Այնուամենայնիվ, հակառակորդի կողմից բլիցկրիգի փորձի հնարավորությունն անտեսել պետք չէ: Ողջ հարցն այն է, թե քանի օր կդիմանա ադրբեջանական բանակը: Պատերազմին ամենից առաջ պետք է պատրաստ լինեն բանակը և հասարակությունը, այլ ոչ թե կոռումպացված ընտանիքը, որը կառավարվում է նույնքան կոռումպացված կառավարության կողմից:
Ի՞նչ տարբերություններ եք տեսնում Հայաստանի և Ադրբեջանի ներքին իրավիճակի միջև:
Միազգությունը Հայաստանի գլխավոր առավելությունն է Ադրբեջանի նկատմամբ`մեր երկրներում ներքին իրավիճակի գնահատման տեսակետից:
Հայաստանի և Ադրբեջանի ներքին իրավիճակի միջև գլխավոր տաբերությունը մեր երկրում Ադրբեջանի գլխավոր խնդրի բացակայությունն է: Հայաստանը միազգ երկիր է: Մեր զինված ուժերի շարքերում մահերը պատահական, այլ ոչ թե` դիտավորյալ բնույթ են կրում: Մեր բանակում բոլոր անկարգությունները պայմանավորված են մարդկային գործոնով, այլ ոչ թե`ազգամիջյան անհանդուրժողականությամբ: Գոյություն ունեն որոշակի չափորոշիչներ, որոնք կանխորոշում են այս կամ այն երկրի ապագան: Բավականին հաջող, ինչպես ցույց են տալիս վերջին իրադարձություններն Ուկրաինայում, դրանք կիրառում է ԿՀՎ-ն:
Խոսքը վերաբերում է այս կամ այն երկրի ներսում ազգամիջյան հարաբերություններում թշնամանքին: Ղարաբաղյան իրադարձություններից դեռ շատ առաջ դրանք կանխատեսվել են ԿՀՎ կողմից: Նման կանխատեսումներ կային նաև Վրաստանի և Ուկրաինայի առնչությամբ: Դրանք չկային և չկան միայն Հայաստանի վերաբերյալ: Այդ պատճառով հարկավոր է տարբերել ազգամիջյան թշնամանքը և կենցաղային հողի վրա կոնֆլիկտը
Նշեք Հայաստանի ազգային անվտանգության հիմնական սպառնալիքը:
Հայաստանի անվտանգության հիմնական սպառնալիքը սեփական սխալները հակառակորդի`հավանական ագրեսորի վրա բարդելու ձգտումն է:Մենք չպետք է սեփական սխալների մեղքն ուրիշների վրա բարդենք, դրսում մեղավորներ փնտրենք: Հրաժարվելով այդ արատավոր պրակտիկայից`մենք պետք է, վերջապես, զբաղվենք Հայաստանը քայքայող վարակի օջախների որոնումներով: Հարկավոր է քարոզել այն քիչ դրականը, որը մենք դեռ ունենք, այլ ոչ թե ամբողջ օրը պնդել արտաքին սպառնալիքների մասին: Անհրաժեշտ է ամրապնդել ահմանամերձ շրջանները: Փառք Աստծո, ՀՀ խորհրդարանի կողմից, վերջապես, ընդունվեց սահմանամերձ գյուղերի բնակիչներին աջակցելու և որոշակի արտանություններ տալու օրինագիծը: Այլ կերպ ասած`մեզ պետք է թեկուզ ժամանակավորապես մոռանալ հարևանների մասին և կենտրոնանալ ներքին խնդիրների վրա: Հենց դա է այսօր մեր պետության գլխավոր խնդիրը:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
