ՀՀ-ում Կանադայի դեսպանը Կապանում ծանոթացել է Եվրամիության դիտորդական առաքելության աշխատանքին

Արմինֆո. Հայաստանի Հանրապետությունում Կանադայի արտակարգ և լիազոր դեսպան Էնդրյու Թըրները Սյունիքի մարզ կատարած այցի շրջանակում հանդիպել է Կապան քաղաքում Եվրամիության դիտորդական առաքելության աշխատակիցների հետ:

Ինչպես հաղորդում է դիտորդական առաքելությունը, Կանադայի դեսպանը Կապանում հանդիպել է ԵՄ դիտորդական առաքելության թիմի հետ: "Վերջինս Հայաստանում Կանադայի դեսպանատան հյուրերին տեղեկացրել է տեղերում ԵՄ առաքելության աշխատանքի մասին", - ասվում է X-ում առաքելության հաղորդագրությունում:

Հիշեցնենք, որ 2023 թվականի հունվարի 23-ին ԵՄ խորհուրդը համաձայնել է ձևավորել Եվրամիության նոր քաղաքացիական առաքելություն Հայաստանում (EUMA)՝ անվտանգության և պաշտպանության ընդհանուր քաղաքականության շրջանակում։ Առաքելության նպատակն է նպաստել Հայաստանի սահմանամերձ շրջաններում կայունությանը, տեղերում վստահության ամրապնդմանը և ԵՄ աջակցությամբ Հայաստանի և Ադրբեջանի միջև հարաբերությունների կարգավորմանն ուղղված ջանքերին նպաստող պայմանների ապահովմանը: Հայաստանում ԵՄ քաղաքացիական առաքելության կազմում ընդգրկվել է մինչև 100 մասնագետ: Առաքելության աշխատանքի առաջին չորս ամիսների համար հատկացվել է ավելի քան 8 մլն եվրո ։ EUMA -ի նախնական մանդատը նախատեսված է երկու տարվա համար, իսկ նրա օպերատիվ շտաբը գտնվում է Եղեգնաձորում:

Քաղաքացիական գործողության հրամանատար է նշանակվել EEAS-ի քաղաքացիական պլանավորման և վարքագծի բաժնի գործադիր տնօրեն Ստեֆանո Տոմատը: Առաքելությունը սկսել է գործել 2023 թվականի փետրվարի 20-ին ։ Նրա կազմում ընդգրկվել են 8 ֆրանսիացի ժանդարմ և 15 ոստիկան Գերմանիայից ։ 2023 թվականի դեկտեմբերի 11-ին ԵՄ ԱԳՆԽ նիստի արդյունքներով Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հաղորդել է առաքելության թվաքանակն ավելացնելու և այն 209 մարդու հասցնելու որոշման մասին։