Արմինֆո. ՀՀ աշխատանքի եւ սոցիալական հարցերի նախարարությունից արձագանքել են ԶԼՄ-ներում շրջանառվող այն տեղեկությանը, թե կառավարությունը վաղաժամկետ դադարեցրել է սահմանամերձ գյուղերում բնակարանների մատչելիության ապահովման պետական ծրագիրը:
ՀՀ աշխատանքի և սոցիալական հարցերի նախարարության մամուլի քարտուղար Զառա Մանուչարյանը հաղորդել է, որ սահմանամերձ գյուղական բնակավայրերում բնակարանային ապահովման պետական աջակցության ծրագրի շրջանակում առկա է մեծ դիմելիություն։ «Այս պահի դրությամբ՝ նախարարության Միասնական սոցիալական ծառայության կողմից հաստատված է 1797 հայտ, որոնցից միայն 1517-ը՝ 2024 թվականին (նախատեսված էր 2024-ին՝ 560 շահառուի համար)։
Ծրագրի շրջանակում գործընկեր բանկերում ընդունվել և ուսումնասիրման փուլում են ևս շուրջ 255 հայտեր։
Ինչպես նախապես հայտարարվել էր և սահմանվել Կառավարության որոշմամբ՝ 2000 հայտը բավարարելուց հետո ծրագրում կլինի դադար, որը հնարավորություն կտա ուսումնասիրել եղած պատկերը, վերլուծել նպատակայնությունը, խնդիրները, գնահատել արդյունքները։
Ըստ ուսումնասիրությունների արդյունքների՝ կկայացվի որոշում՝ լավարկումներով, փոփոխություններով կամ նույն պայմաններով ծրագրի շարունակականության ապահովման վերաբերյալ», - գրել է մամուլի քարտուղարը՝ «Ֆեյսբուքի» իր էջում։
Ավելի վաղ հայկական լրատվամիջոցները, հղում անելով տավուշցի լրագրող Ոսկան Սարգսյանին, հաղորդել էին, որ կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը:
"Կառավարությունը անցած երկուշաբթի օրվանից՝ հուլիսի 22-ից դադարեցրել է սահմանամերձ բնակավայրերում պետական աջակցությամբ, վարկավորմամբ բնակելի տների կառուցման ծրագրի հայտերի ընդունումը։ Այդ մասին լրագրողիս հայտնեցին ծրագրի մասնակից բանկից։ Բանկից հայտնեցին ՝ հավանական է, որ օգոստոսից վերսկսվի ծրագիրը, սակայն նոր պայմաններով, այսինքն՝ ծրագրի մասնակից վարկառու և համավարկառու ամուսինների տարիքների գումարը չպետք է գերազանցի 75-ը։
Նիկոլ Փաշինյանը որպեսզի Ադրբեջանին անօրինական հանձնված 4 գյուղերի և Կիրանցի տարածքների համար սահմանագոտու բնակիչների զայրույթը մեղմի, հայտարարեց, որ բարձրացվում է բնակելի տների կառուցման համար պետության կողմից սուբսիդավորվող առավելագույն գումարի չափը, այն 16 միլիոնից դարձնելով 21 միլիոն դրամ։ Դա վերաբերում է միայն Տավուշի մարզի Կիրանց․ Բաղանիս, Ոսկեպար և Բերքաբեր գյուղերի բնակիչներին։ Բնակարանի կարիք ունեցող սահմանագոտու բնակիչները դժգոհում են, որ նշված ծրագրին մասնակցելու համար իրենք պետք է ունենային կառուցվող տան նախագիծ, այլ փաստաթղթեր, սակայն դրա գումարը չունեին և չկարողացան մասնակցել ծրագրին։
Իրականում ծրագրի վաղաժամկետ դադարեցման պատճառը պետական բյուջեում ահռելի դեֆիցիտն է, որի հետևանքով սահմանագոտու բնակելի տների կառուցապատման ծրագրի պայմանները փոփոխում են, որպեսզի դրանց հնարավորինս քիչ թվով ընտանիքներ մասնակցեն։ Տավուշի սահմանագոտու բնակիչների մեջ անհիմն լուրեր կան, որ սահմանագոտում բնակելի տների կառուցման ծրագրի գումարներն իբր Ադրբեջանն է տվել՝ Կիրանցի, Բաղանիս-Այրումի,Ոսկեպարի, Բերքաբերի սահմանամերձ տարածքները հանձնելու դիմաց", - գրել է լրագրողը` «Ֆեյսբուքի» իր էջում:
Այսպիսով, փաստորեն, Աշխատանքի եւ սոցիալական հարցերի նախարարությունում հաստատել են ծրագրի կասեցման փաստը։
Հիշեցնենք, որ 2023 թվականի ապրիլի վերջին Հայաստանում մեկնարկել է երկրի սահմանամերձ գյուղերի բնակիչների համար բնակարանների մատչելիության ապահովման պետական ծրագիրը ։ Խոսքը ՀՀ կառավարության աջակցությամբ սահմանամերձ 80 գյուղերում գյուղացիների կողմից անհատական օգտագործման տների կառուցման հնարավորության մասին է։ Ծրագիրն ուղղված է տարածքների համաչափ զարգացմանը։ Այն ժամանակ սպասվում էր, որ մինչև 2023 թվականի ավարտը առնվազն 300 ընտանիք կներգրավվի այս նախագծում։ Այդ նպատակով երկրի պետական բյուջեից ուղղվել է 466 մլն դրամ։ Նախատեսվում էր, որ մինչև 2024 թվականի ավարտը (ծրագիրը հաստատվել է ՀՀ կառավարության կողմից մինչև հաջորդ տարվա վերջ) պետական աջակցության ծրագրից կօգտվի 550 ընտանիք, ինչին կուղղվի շուրջ 1,5 մլրդ դրամ։ Գյուղերի ցանկը հաստատվել է ՀՀ կառավարության կողմից, որոնց թվում են Սյունիքի մարզի 30, Տավուշի մարզի 20-ից ավելի գյուղեր և Վայոց ձորի, Գեղարքունիքի ու Արարատի մարզերի որոշ գյուղեր:
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
