ՎիվաՍել-ՄՏՍ-ը ոչ միայն աջակցում է միջնակարգ և բարձրագույն կրթության, շրջակա միջավայրի պաշտպանության, մշակութային ոլորտների և գյուղական համայնքների զարգացմանը, այլև՝ օգնում ապահովել հաղորդակցության վստահելի և անխափան ենթակառուցվածք՝ Wi-Fi անկյունների միջոցով անվճար ինտերնետ կապ տրամադրելով որոշ վայրերում և ամենամյա միջոցառումների ընթացքում:
Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, Wi-Fi անվճար կապող ապահովված են` Հայաստանի պետական ֆիլհարմոնիկ նվագախումբը, Հայաստանի պետական երիտասարդական նվագախումբ, Արամ Խաչատրյանի անվան միջազգային երաժշտական փառատոնը, «Ոսկե ծիրան» միջազգային կինոփառատոնը, Բարձրագույն կրթական հաստատություններ, այդ թվում` Գյումրիի պետական մանկավարժական համալսարանը, Ռուս-հայկական (սլավոնական) համալսարանը, Հայաստանի պետական մանկավարժական համալսարանը, Հայաստանի ազգային ագրարային համալսարանը, Անանիա Շիրակացի համալսարանը, Հայաստանի ամերիկյան համալսարանը, Բրյուսովի անվան պետական լեզվահասարակագիտական hամալսարանը, Ֆիզիկական կուլտուրայի ազգային համալսարանը, Գավառի պետական համալսարան, Գլաձոր համալսարանը, Գորիսի պետական համալսարան, Հրազդանի հումանիտար համալսարան, Երևանի պետական համալսարանի Իջևանի մասնաճյուղը,
Երևանի պետական տնտեսագիտական համալսարանի Եղեգնաձորի մասնաճյուղը, Երևանի պետական տնտեսագիտական համալսարանի Գյումրու մասնաճյուղը,
Երևանի պետական ճարտարագիտական համալսարանի Կապանի մասնաճյուղը, Իրավաբանական փորձաքննության և հոգեբանության ինստիտուտը, Մխիթար Գոշ համալսարանը, Մոսկվայի տնտեսագիտության, վիճակագրության և ինֆորմատիկայի պետական համալսարանը, Մովսես Խորենացի համալսարանը, Գիտությունների ազգային ակադեմիան, Երևանի պետական ճարտարագիտական համալսարանը, Արտաքին տնտեսական կապերի, տնտեսագիտության և իրավունքի Սանկտ Պետերբուրգի ինստիտուտը /Երևանի մասնաճյուղ/, Վանաձորի պետական մանկավարժական համալսարանը, Վարդենիսի քոլեջը, Վարդենիսի պետական մանկավարժական համալսարանը:
Անվաճար Wi-Fi կապով ապահովված են նաև հեռավոր/սահմանամերձ գյուղերի դպրոցները, «Հայաստանի Մանուկներ» (COAF) հիմնադրամի ստեղծագործարանները, գրադարանները:
Wi-Fi անկյուններ են ստեղծվել քաղաքապետարանի ենթակայությամբ գործող Ավ. Իսահակյանի անվան գրադարանի բոլոր մասնաճյուղերում, որոնց տրամադրվել է «Home-Zone Turbo» փաթեթի շրջանակում գործող 13 հատ 3G երթուղիչ:
Հաշվի առնելով ծրագրի արդյունավետությունը` որոշում է ընդունվել՝ ծրագիրն ընդլայնելու վերաբերյալ: Ընթացիկ տարում նախատեսվում է ինտերնետ հասանելիության սարքերով ապահովել մշակութային ևս 4 օջախ. Երևան քաղաքի պատմության, ժամանակակից արվեստի, Կարեն Դեմիրճյանի անվան և «Էրեբունի» պատմահնագիտական արգելոց թանգարանները:
Wi-Fi կապի հասանելիության ապահովումը տեղի է ունենում նաև հետևյալ կարևոր միջոցառումների ընթացքում, այդ թվում, Հայաստանում անցկացվող Շախմատի միջազգային առաջնությունների ընթացքում (Ջերմուկ, Ծաղկաձոր, Դիլիջան, «Էլիտ պլազա» կենտրոն), Շախմատի ակադեմիայի շինության տարածքում, Wikimedia Հայաստան միջոցառումների ժամանակ («Ծիծեռնակ» ճամբար և Աղվերան), Վահագնի բնակելի թաղամասում Հայաստանի Մայքրոսոֆթ ինովացիոն կենտրոնի կողմից կազմակերպված «Ամպային Հեքըթոն [ՅԱՆ] 2015»-ի և «Seedstars Երևան»-ի ընթացքում,
Մերգելյան Էքսպո կենտրոնում, Հայաստանի սփյուռքի համաժողովների ընթացքում, ԵՄ անդամ պետությունների նախարարների Բոլոնյան համաժողովի ժամանակ, Նետաձգության առաջնության ընթացքում, Ծիծեռնակաբերդում՝ ապրիլի 24-ին հիշատակման արարողությունների ժամանակ, ինչպես նաև Երևանի կենդանաբանական այգում և Ուրցաձոր կրթական էկո-կենտրոնում:
Նշենք, որ ՎիվաՍել-ՄՏՍ-ը Երևանի մետրոպոլիտենի տարածքում Wi-Fi անվճար ինտերնետ է տրամադրել 2012թ. օգոստոսից, մինչև 2015թ. մայիսը, որպեսզի մետրոյով երթևեկող քաղաքացիներն ունենան հաղորդակցվելու և համացանցից օգտվելու հնարավորություն՝ գնացքին սպասելիս:
Նշենք, որ ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի շարժական կապի առաջատար օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, ՎիվաՍել-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: ՎիվաՍել-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: ՎիվաՍել-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով:
«Մոբիլնիյե Տելեսիստեմի» ԲԲԸ-ն (ՄՏՍ) Ռուսաստանի և ԱՊՀ երկրների բջջային կապի խոշորագույն օպերատորն է: Դուստր ձեռնարկությունների հետ միասին կազմակերպությունը սպասարկում է ավելի, քան 100 միլիոն բաժանորդի: Ռուսաստանի բոլոր տարածաշրջանների, ինչպես նաև Հայաստանի, Բելառուսի, Ուկրաինայի, Ուզբեկստանի և Թուրքմենստանի բնակչությունը, որտեղ ՄՏՍ-ը և իր դուստր ձեռնարկություններն ունեն լիցենզիա GSM ստանդարտներին համապատասխան ծառայություններ մատուցելու համար, կազմում է ավելի քան 200 միլիոն մարդ: 2000թ-ից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
