Զատուլին. Լեռնային Ղարաբաղում Ռուսաստանի խաղաղապահների գտնվելու անհրաժեշտությունը "հավասար է զրոյի"

Արմինֆո.Լեռնային Ղարաբաղում ռուս խաղաղապահների ներկայության անհրաժեշտությունը "հավասար է զրոյի", քանի որ նրա տարածքում հայեր չեն մնացել։ Այդ մասին հայտարարել է Պետդումայի ԱՊՀ գործերի կոմիտեի նախագահի առաջին տեղակալ, պատգամավոր Կոնստանտին Զատուլինը։

"Ռուս խաղաղապահների դուրս բերումը Ղարաբաղի տարածքից կանխորոշված է երկու հանգամանքով և ստեղծված պայմաններում միանգամայն բնական բնույթ է կրում։ Առաջին հանգամանքը այն փաստն է, որ Հայաստանի կառավարությունը Լեռնային Ղարաբաղը ճանաչել է Ադրբեջանի մաս, և այդ պահից սկսած այն ամենը, ինչ տեղի է ունենում այդ տարածքում, քննարկման թեմա է դարձել Ռուսաստանի և Ադրբեջանի միջև՝ առանց Հայաստանի մասնակցության։ Երկրորդը այն փաստն է, որ 2023 թվականին Ադրբեջանը սկսեց հարձակման երկրորդ ալիքը և գրավեց Լեռնային Ղարաբաղը, իսկ հայ բնակչությունը գլխավորապես հեռացավ նրա տարածքից, նրանք այնտեղ, պարզապես, չմնացին։ Համապատասխանաբար, այդ առնչությամբ ռուս խաղաղապահների այնտեղ գտնվելու անհրաժեշտությունը սկսել է մոտենալ զրոյի", - ասել է նա "Газете.Ru"-ին:

Զատուլինն ընդգծել է, որ Ադրբեջանը ծրագրում է "ի չիք դարձնել հայերի ներկայության հետքերը" հանրապետությունում, ուստի, այնտեղ Ռուսաստանի խաղաղապահների այնտեղ գտնվելը երկու կողմերի համար էլ հակամարտության առիթ կդառնար: "Կարելի էր կառչել հայ բնակչության ինչ-որ մասի՝ Լեռնային Ղարաբաղ վերադառնալու հեռանկարներից, կարելի էր պաշտպանել այն գաղափարը, որ խաղաղապահներն այնտեղ են, որպեսզի երաշխավորեն հայերի սեփականության, պատմամշակութային հուշարձանների, այդ թվում ՝ համաշխարհային պատմական նշանակության հուշարձանների պահպանումը։ Բայց այդ դեպքում դա ամբողջովին կախված կլիներ հենց Ադրբեջանի բարի կամքից, այդ հարցում իր բաց լինելը հիմնավորելու նրա ցանկությունից և նրա ցանկությունից, որպեսզի այնտեղ վկաներ լինեն այն բանի, թե ինչ է նա պատրաստվում անել Ղարաբաղի տարածքում ։ Ըստ ամենայնի, նա պատրաստվում է մարսել այդ տարածքը և աստիճանաբար ի չիք դարձնել Լեռնային Ղարաբաղում հայերի  գտնվելու հետքերը։ Այս իրավիճակում Ռուսաստանի խաղաղապահները կոնֆլիկտների առիթ էին դառնում. եթե նրանք բողոքեին դրա դեմ, դա խնդիրներ կստեղծեր Ռուսաստանի և Ադրբեջանի միջև հարաբերություններում: Եթե դրա դեմ չբողոքեին, ինչպես 2023 թվականին չբողոքեցին Ղարաբաղում Ադրբեջանի նոր գործողության դեմ, ապա այդ դեպքում նրանց կարելի էր մեղադրել հայկական կողմից՝ այն բանում, որ նրանք ստատիստ ենք, պարզապես, Ադրբեջանի հանցակիցներն են հայկական Լեռնային Ղարաբաղն արմատախիլ անելու մեջ", - հավելել է նա ։

Ռուս պատգամավորի խոսքով ՝ խաղաղապահների դուրս բերումից հետո Լեռնային Ղարաբաղում նոր պատերազմ սկսելու պատճառներ չկան: "Արդյունքում՝ ինչ պատերազմ կարող է լինել այնտեղ։ Պատերազմ կարող է լինել, եթե Հայաստանում իշխանության գան մարդիկ, ովքեր դադարեն հանձնել Հայաստանի տարածքն ու հայկական ազգային շահերը, Ադրբեջանը դրան չի համաձայնի։ Իսկ ահա այսօրվա իրավիճակում ես Լեռնային Ղարաբաղի պատճառով պատերազմի հեռանկար չեմ տեսնում ՝ կապված ռուս խաղաղապահների հետ։ Այնտեղ հայ չի մնացել", - բացատրել է Զատուլինը։