Արմինֆո. Էկոնոմիկայի փոխնախարարներ Արման Խոջոյանը և Աշխեն Շիրվանյանը և Վարչապետի մամուլի քարտուղար Նազելի Բաղդասարյանը «Հումանիտար կենտրոն»-ից ներկայացրել են Լեռնային Ղարաբաղից բռնի տեղահանված անձանց համար իրականացվող աշխատանքների ընթացքը:
Կառավարության հաղորդագրության համաձայն, Նազելի Բաղդասարյանը նշել է, որ շարունակվում է միանվագ 100 000 դրամ աջակցության տրամադրման գործընթացը: Նա ևս մեկ անգամ հորդորել է՝ այն անձինք, ովքեր չունեն բանկային քարտեր, պետք է մոտենան մոտակա ցանկացած բանկ և բանկային քարտի հաշիվ բացեն, որից հետո ինքնաշխատ եղանակով կստանան այդ գումարը:
«Այս գործընթացում չափազանց կարևոր է, որպեսզի դուք հաշվառված լինեք: Եթե այս գործընթացը մեկ անգամ անցել եք, կարիք չկա կրկնելու: Այսօրվանից Միգրացիայի և քաղաքացիության ծառայությունը դադարեցնում է էլեկտրոնային շտեմարաններում նոր հաշվառման գործընթացը: Եթե դուք, այնուամենայնիվ, այս գործընթացը բաց եք թողել, ապա կարող եք դեռևս՝ մինչև հոկտեմբերի 24-ը, դիմել կամ համայնքապետարաններ կամ վարչական կենտրոններ, որտեղ Ձեր հաշվառման գործընթացը կիրականացվի: Ցանկանում եմ նաև հիշեցնել, որ Կառավարության որոշման համապատասխան հավելվածով՝ մինչև դեկտեմբերի 1-ը, եթե ինչ-որ մերժում է եղել կամ ինչ-որ խնդիրներ են առաջացել միանվագ գումարների վճարման ընթացքում, դուք կարող եք e-request.am կայքին էլեկտրոնային դիմում ուղարկել և ձեզ կպատասխանեն»,- ասել է Վարչապետի մամուլի քարտուղարը:
Նշվել է նաև, որ ԼՂ-ից ռազմական գործողությունների և պայթյունի հետևանքով ՀՀ տեղափոխված և մայրաքաղաքի բժշկական տարբեր կենտրոններում բուժում ստացող պացիենտների թիվը` 198 է: Նրանցից 44-ի վիճակը ծանր է, 10-ինը` ծայրահեղ ծանր: 19 պացիենտ է իրենց բուժումը ստանում արտասահմանյան տարբեր կլինիկաներում: Այս պահի դրությամբ ԼՂ-ից բռնի տեղահանված 28.861 հայրենակից է կցագրվել պոլիկլինիկաներ և ամբուլատորիաներ: Մոբիլ թիմերի կողմից զննվել է 604 արցախցի:
ԿԳՄՍ նախարարությունից տրամադրած տվյալների համաձայն՝ ՀՀ մարզերի և Երևանի դպրոցներում հոկտեմբերի 16-ի դրությամբ ընդգրկվել է ԼՂ-ից բռնի տեղահանված 13,888 երեխա, այդ թվում՝ Երևան՝ 4363, Կոտայքի մարզ՝ 2408, Արարատ՝ 1929, Արմավիր՝ 1227, Լոռի՝ 820, Գեղարքունիք՝ 676, Արագածոտն՝ 622, Շիրակ՝ 576, Սյունիք՝ 554, Տավուշ՝ 423, Վայոց ձոր՝ 290: Տեղեկացվել է նաև, որ առաջիկա շաբաթվա ընթացքում ԿԳՄՍ նախարարությունը գործարկելու է ուսուցիչների գրանցման էլեկտրոնային հարթակը:
Նազելի Բաղդասարյանը նշել է նաև, որ այս գործընթացներին զուգահեռ շարունակվում է զբաղվածության ապահովմանն ուղղված տարբեր ծրագրերի իրականացումը: Որոշ ծրագրեր իրականացվում են Էկոնոմիկայի նախարարության կողմից:
Ինչպես նշել է փոխնախարար Արման Խոջոյանը, հոկտեմբերի 12-ին ՀՀ էկոնոմիկայի նախարարությունում տեղի է ունեցել հանդիպում Լեռնային Ղարաբաղից բռնի տեղահանված՝ գյուղատնտեսության ոլորտում գործունեություն ծավալող և ներդրումներ իրականացնող գործարարների հետ: Հանդիպման ընթացքում բարձրացվել են գյուղատնտեսության ոլորտում գործունեության վերաբերյալ մի շարք հարցեր։ Ներկայացվել են Կառավարության կողմից իրականացվող ծրագրերի մանրամասները, քննարկվել է գործարարներին հետաքրքրող հարցերի լայն շրջանակ: Հանդիպմանը մասնակցել են նաև ՀՀ գործարարներ, որոնք հանդես են եկել առաջարկություններով:
Ըստ փոխնախարարի՝ մասնակիցները կարևորել են հատկապես կրթության և վերապատրաստման անհրաժեշտությունը: Արման Խոջոյանը նշել է, որ Կառավարության կողմից առաջարկվող ծրագրերը հիմնականում թիրախավորված են և նպատակային, որոնք մշակվել են շահառուների կարիքների գնահատման արդյունքում: «Օգտագործելով այս հարթակը նաև ուզում եմ դիմել ՀՀ-ում գործող կազմակերպություններին, որոնք ցանկանում են համագործակցության տեղեկություններ առաջարկել ԼՂ-ից բռնի տեղահանված մեր հայրենակիցներին՝ Էկոնոմիկայի նախարարությունը պատրաստակամություն է հայտնում այդ գործընթացները համակարգելու, մշակելու և առաջարկությունները շահառուներին ներկայացնելու»,-ասել է Արման Խոջոյանը:
Էկոնոմիկայի փոխնախարար Աշխեն Շիրվանյանը տեղեկացրել է, որ հանդիպման ընթացքում վեր են հանվել բոլոր խնդիրները, ներկայացվել են առաջարկություններ, որոնց հիման վրա ծրագրերում կկատարվեն անհրաժեշտ փոփոխություններ և կմշակվեն ծրագրերից օգտվելու առավել շահավետ պայմաններ. «Ծրագրերը հիմնականում միտված են գյուղատնտեսության զարգացմանը, և մենք հուսով ենք, որ մեր հայրենակիցները մեծ հետաքրքրություն կցուցաբերեն մեր կողմից իրականացվող ծրագրերի նկատմամբ»:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
