Կարծիք. Հայ ժողովրդի ոչնչացումը որոշակի ծրագիր է, որը հաջողությամբ իրագործվում է այսօր

Արմինֆո. Հայ ժողովրդի ոչնչացումը որոշակի ծրագիր է, կարծում է լրագրող-միջազգայնագետ, Մերձավոր Արևելքի պատմության և քաղաքականության մասնագետ Աբբաս Ջուման:

Ռազմավարական հետազոտությունների և նախաձեռնությունների վերլուծական կենտրոնի (ՌՀՆՎԿ) փորձագիտական հարթակում կազմակերպված "Իրավիճակը Գազայի հատվածում և հնարավոր հետևանքները Մերձավոր Արևելքի համար" առցանց քննարկման ժամանակ Ջուման, ի պատասխան Արմինֆո-ի այն հարցին, թե արդյոք Գազայի հատվածի շուրջ իրավիճակի սրումը կարող է ինչ-որ կերպ հետաձգել այն բացասական գործընթացները, որոնք այսօր ընթանում են Հայաստանի շուրջ, հաշվի առնելով այն փաստը, որ Իսրայելը հանդիսանում է զենքի գծով Ադրբեջանի առանցքային գործընկերներից մեկը Արցախի դեմ աագրեսիայում, Ջուման համոզմունք է հայտնել, որ ՀՀ-ն այժ անվտանգության մեջ չէ, եւ ժամանակն է, որպեսզի նա դադարի ապրել հետ նայելով: "Ես, ընդհանրապես, կարծում եմ, որ Հայաստանն այժմ անվտանգ չէ։ Ժամանակն է, որպեսզի հայ ժողովուրդը հրաժարվի անընդհատ շուրջը նայելու իր դիրքորոշումից. արդյոք դա կարող է ազդել մեզ վրա, իսկ, ահա, միգուցե Ռուսաստանը օգնի մեզ, իսկ հանկարծ այնտեղ ինչ-որ բան տեղի ունեցավ, և մեր մասին կմոռանան։ Չեն մոռանա: Հայ ժողովրդի ոչնչացումը որոշակի ծրագիր է։ Եվ նրանք, ովքեր այն մշակում են, կարող են որոշ ժամանակով շեղվել, բայց նրանք անպայման կվերադառնան դրան", - նշել է փորձագետը։

Նրա ասելով՝ հայերին ֆիզիկապես, հոգեպես վերացնելը՝ դա այն է, ինչ պետք է Ադրբեջանին, Թուրքիային և Իսրայելին: Ջուման կարծում է, որ, սկզբունքորեն, հայերի գոյությունը սպառնալիք է նրանց համար։ "Նույնիսկ՝ անզեն հայերի, սակայն, որոնք հիշում են, թե ովքեր են իրեն, և ինչից է սկսվել ամեն ինչ, կոդակիրներ, պատմություն կրողներ այլևս պետք չեն։ Դա շատ է խանգարում նրանց առասպելին, որի վրա հիմնված է և ագրեսիան, և զավթողական քաղաքականությունը, թյուրքական ժողովուրդների և երկրների միավորումը։ Այնպես է ստացվել, որ փոքր Հայաստանը, փոքր ժողովուրդը, թուլացած, երկպառակության մեջ թաղված, քաղաքական ու տնտեսական ճգնաժամի մեջ, այնուամենայնիվ, գոյաբանական սպառնալիք է ներկայացնում ահա այդ պանթյուրքական առասպելի գոյության համար, որի վրա խարսխված է զավթողական օկուպացիոն քաղաքականությունը", - համոզված է Ջուման։

Այդ առումով նա կոչ է արել պատրանք չտածել, ևս մեկ անգամ ընդգծելով, որ հայության, հայկական գործոնի ոչնչացումը որոշակի ծրագիր է, եւ մինչ այժմ ամեն ինչ ընթանում է ծրագրի համաձայն:

Իր հերթին՝ APRI Armenia-ի գիտաշխատող, "Հետազոտությունների հայկական հիմնադրամի" գիտական ղեկավար Սերգեյ Մելքոնյանն արձանագրել է, որ հիշողությունը Մերձավոր Արևելքում, որի մի մասն է նաև Հայաստանը, բավականին երկար է: "Չէ որ՝ հենց նույն, այսպես կոչված, Զանգեզուրի միջանցքն  Ադրբեջանը չի հորինել։ Դա 20-րդ դարասկզբի Թուրքիայի նախագիծն է։ Եվ ոչ ոք իր ծրագրերից չի էլ հրաժարվել", - նշել է Մելքոնյանը, ընդունելով, որ Գազայի հատվածի շուրջ զարգացումները, անշուշտ, կանդրադառնան Հայաստանի վրա։

Մելքոնյանը կարծում է, որ առկա իրողություններում Հայաստանն, առնվազն, պետք է տարհանի Իսրայելի տարածքում ապրող բոլոր հայերին, ինչը, օրինակ, չի արել, երբ սկսվեց պատերազմն Ուկրաինայում: "Հայաստանը կարող է մտածել Երուսաղեմում իր կրոնական ներկայությունը պահպանելու մասին. այդ հարցը դնել օրակարգ, այլ ոչ թե վաճառել իր առանց այդ էլ նվազող ունեցվածքը", - ասել է փորձագետը, հավելելով, որ Հայաստանի վրա Գազայի հատվածի շուրջ գործընթացներն ուղղակիորեն կանդրադառնան՝ նոր ճակատի հնարավոր բացմամբ (Իրանի ուղղությամբ - խմբ.):

Նա համաձայնել է, որ Ադրբեջանը ժամանակավորապես զրկվում է զենգի գծով իր ռազմավարական դաշնակիցից ։ Ընդ որում, փորձագետը փաստել է, որ բառացիորեն հոկտեմբերի 13-ին գրանցվել են Իսրայելից Ադրբեջան առաքված զենքով բեռնատար ինքնաթիռների հերթական չվերթները: Մելքոնյանը կարծում է, որ այդ ամենը խոսում է այն մասին, ինչ  կախված է սպառազինության տարատեսակներից, որոնք անհրաժեշտ են ԱՀ-ին։ "Շարունակելու՞ են այսուհետեւ էլ Ադրբեջանին զենք մատակարարել։ Իհարկե, կշարունակեն: Հիմա նրանք Ադրբեջանին զենք կմատակաարարեն Իրանին դիմակայելու համար", - ամփոփել է նա։