ՎիվաՍել-ՄՏՍ-ն ամփոփել է 2014 թ.-ի իր գլխավոր
ձեռքբերումները և ներկայացրել 2015թ.-ի
ծրագրերը: ՎիվաՍել-ՄՏՍ-ի համար մարտահրավերներով լի հերթական տարվա՝ 2014 թ.-ի
ընթացքում, ընկերությունը կարողացել է պահպանել Հայաստանի հեռահաղորդակցության
շուկայում առաջատարի դիրքերը և գերազանցել նախորդ տարիների ցուցանիշները՝ մի շարք
կարևոր ուղղություններով: 2014թ.-ի դեկտեմբերի 31-ի դրությամբ` ընկերությունն ունի
2,14 միլիոն բաժանորդ և շուկայի 60,5 % մասնաբաժինը:
Ինչպես ԱրմԻնֆո գործակալությանը տեղեկացվել է
Ընկերության մամուլի ծառայությունից, 2014թ.-ի տարեվերջի տվյալներով` բջջային
հեռախոսից ինտերնետ մուտք գործողների թիվը հասել է ավելի քան 1 միլիոնի՝ շոշափելի
առավելություն ապահովելով շուկայի այս հատվածում: Լայնաշերտ ինտերնետ
հասանելիության բաժանորդների (այդ թվում՝ անլար սարքերի, օրինակ՝ մոդեմի կամ
երթուղղիչի միջոցով ինտերնետ մուտք գործողների) թիվը կազմում է 82,7 հազար: 2014
թ.-ին ընկերությունն իրագործել է նախատեսված ծավալով բաժանորդային սարքավորումների
և աքսեսուարների վաճառք՝ սպառողներին մատչելի գներով առաջարկելով տարբեր
ապրանքանիշերի գերժամանակակից բջջային սարքավորումներ: Այս հատվածում 2014 թ.
եկամուտը կազմել է ավելի քան 1 միլիարդ
դրամ՝ 2013թ.-ի համապատասխան ցուցանիշը գերազանցելով 38,7 %-ով: 2014թ.-ի
ընթացքում շարժական կապից և հարակից գործունեությունից ՎիվաՍել-ՄՏՍ-ի եկամուտները
կազմել են 77,6 միլիարդ դրամ (շուկայի ավելի քան 61.6%-ը), իսկ OIBDA ցուցանիշը
կազմել է ավելի քան 38 միլիարդ դրամ:
Նախորդ տարվա ընթացքում ՎիվաՍել-ՄՏՍ-ը կատարել է 12,6
միլիարդ դրամի ներդրում: Ընկերությունը 2015թ.-ին ևս կշարունակի ընդլայնել իր
ենթակառուցվածքները՝ ներդրումներ
կատարելով այդ ոլորտում: 2014թ.-ի ընթացքում ՎիվաՍել-ՄՏՍ-ը շարունակել է ցանցի
թողունակության ընդլայնման աշխատանքները՝ իր բաժանորդներին առավել
նորարարական ծառայություններ առաջարկելու
նպատակով: Ցանցի բարելավման աշխատանքներ են իրականացվել երկրի ամբողջ տարածքում՝
բջջային ցանցի ծածկույթը տեխնոլոգիապես էլ ավելի բարելավելու և թողունակությունն
ավելացնելու նպատակով, ինչը հուսալի հարթակ է հանդիսանալու նոր ծառայությունների
ներդման համար՝ հաշվի առնելով առաջիկա տարիների ընթացքում տվյալների փոխացման
ծավալների և որակի ակնկալվող աճը: ՎիվաՍել-ՄՏՍ-ը Հայաստանի չգերազանցված առաջատարն
է շարժական հեռախոսակապի բազային կայանների թվով (1091 2G կայան, 1091 3G կայան և
250 4G կայան) և բջջային կապի ծածկույթով. 2G ցանցի ծածկույթը հասնում է 99.8%-ի,
2014 թ.-ին ընկերության ժամանակակից 3G/3.5G ցանցի ծածկույթը 97%-ից դարձել է 98%,
իսկ 4G/LTE ցանցի ծածկույթը 36.6%-ից հասել է 45.7%-ի: Երևան, Ծաղկաձոր, Դիլիջան,
Վանաձոր և Գյումրի քաղաքներից բացի՝ 4G/LTE ցանցի հասանելիություն է ապահովվել նաև
Վաղարշապատ և Արմավիր քաղաքներում: Միայն 2014 թ.-ի ընթացքում տեղադրվել է 39-ը
2G, 39-ը 3G և 50 4G նոր բազային կայան:
2015թ.-ին նույնպես ՎիվաՍել-ՄՏՍ-ը կենտրոնացնելու է
ջանքերը 2G և 3.5G ցանցերի վերազինման և թողունակության բարձրացման ուղղությամբ,
ինչպես նաև ապահովելու է 4G/LTE ցանցի հասանելիություն` Հայաստանի այլ
քաղաքներում:
Գործունեության ընթացքում ՎիվաՍել-ՄՏՍ-ը մշակել և
ձևավորել է արժեհամակարգ, որն իր սահմանումն է ստացել ընկերության հիմնարար
արժեքներում: Նորարարությունը, առաջատարությունը, ցանցի և հաճախորդների սպասարկման
բարձր որակը, մատչելիությունը, հասարակության հանդեպ հարգանքը և հարատև
զարգացումն առաջնային արժեքներ են
ՎիվաՍել-ՄՏՍ-ի համար: «Հիմնարար արժեքները միավորում են մեզ, դարձնում ավելի զգոն,
արդյունավետ, պատասխանատու, ավելի թափանցիկ և առավել մոտ մեր բաժանորդներին»,-ասել
է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
2014 թ.-ին ընկերությունը սոցիալական ներդրումներ է
կատարել տարբեր ոլորտներում: Իրականացվել են երեխաներին վերաբերող ծրագրեր՝ հատուկ
ուշադրության կենտրոնում պահելով առողջապահական երկարաժամկետ ծրագրերը,
մշակութային և ազգային ինքնության պահպանումը, բարձրագույն կրթության ոլորտը,
շրջակա միջավայրի պահպանությունն ու գյուղական ենթակառուցվածքների զարգացումը:
ՎիվաՍել-ՄՏՍ-ը վերոնշյալ ոլորտների համար այս տարի ևս սահմանել է սոցիալական ներդրումների խոշորածավալ թիրախային
ծրագրեր: 2005-2014 թթ.-ի ընթացքում ՎիվաՍել-ՄՏՍ-ը 22 միլիարդ դրամի սոցիալական
ներդրում է իրականացրել կորպորատիվ սոցիալական պատասխանատվության ծրագրի
շրջանակներում: Ընկերությունը 1,9 միլիարդ դրամ է հատկացրել 2015 թ.-ի ծրագրերի
իրագործման համար: ՎիվաՍել-ՄՏՍ-ը Հայաստանում առաջինն է իրականացրած կորպորատիվ
պատասխանատվության ծրագրերի ծավալով և դրանց ընգրկման աշխարհագրությամբ: «Մենք
հավատում ենք Հայաստանի առավել լավ ապագային: այս նշանաբանն արտացոլում է մեր
պարտավորվածությունը հասարակության և շրջակա միջավայրի նկատմամբ: ՎիվաՍել-ՄՏՍ-ը
կարևորում է երկարաժամկետ մարտահրավերները՝ Հայաստանի բնակչության համար
նախաձեռնելով և իրականացնելով կենսական նշանակության ծրագրեր», - հավելել է Ռալֆ
Յիրիկյանը:
28,891,812,140 (մոտ 28,9 միլիարդ) դրամով ընկերությունը
երկրորդն է Հայաստանի խոշոր հարկատուների 2014 թ.-ի ցուցակում: Ընդհանուր առմամբ՝
2005 թ.-ից սկսած, երբ ՎիվաՍել-ՄՏՍ-ը
մուտք է գործել հեռահաղորդակցության շուկա, ընկերությունը 185,937,423,240 (մոտ
186 միլիարդ) դրամի չափով հարկ է վճարել պետական բյուջե:
Նշենք,
որ ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի հեռահաղորդակցության առաջատար
օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և
տվյալների փոխանցման ծառայությունների բազմազան տեսականի` Հայաստանի ամբողջ
տարածքում: Գործունեության հիմք ընդունելով իր բաժանորդների շահերին լավագույնս
ծառայելը, հիմնադրման օրվանից` 2005թ. հուլիսի 1-ից, ՎիվաՍել-ՄՏՍ-ը կարճ
ժամանակամիջոցում կարողացել է ստեղծել համահանրապետական ցանց և բաժանորդների մեծ
բազա: ՎիվաՍել-ՄՏՍ-ը նորարարությունների առաջատարն է և հետամուտ է ոլորտի բոլոր
զարգացումներին` ի շահ երկրի շարժական հեռահաղորդակցության շուկայի: ՎիվաՍել-ՄՏՍ-ն
իր գործունեության մեջ առաջնորդվում է ISO 26000 (Սոցիալական պատասխանատվության
միջազգային ստանդարտ) և ISO/IEC 27001:2013 (Տեղեկատվական անվտանգության
կառավարման համակարգ) ստանդարտներով: «Բջջային Հեռահամակարգեր» ԲԲԸ-ն (ՄՏՍ)
Ռուսաստանի և ԱՊՀ երկրների բջջային կապի խոշորագույն օպերատորն է: Դուստր
ձեռնարկությունների հետ միասին կազմակերպությունը սպասարկում է ավելի, քան 100
միլիոն բաժանորդի: Ռուսաստանի բոլոր տարածաշրջանների, ինչպես նաև Հայաստանի,
Բելառուսի, Ուկրաինայի և Թուրքմենստանի բնակչությունը, որտեղ ՄՏՍ-ը և իր դուստր
ձեռնարկություններն ունեն լիցենզիա GSM ստանդարտներին համապատասխան
ծառայություններ մատուցելու համար, կազմում է ավելի քան 200 միլիոն մարդ: 2000թ-ից
«ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
