Այժմ՝ արդեն պաշտոնապես. Ռոմանոս Պետրոսյանն ազատվեել է շրջակա միջավայրի նախարարի պաշտոնից եւ նշանակվել Պետական վերահսկողական ծառայության ղեկավար

Արմինֆո.ՀՀ շրջակա միջավայրի նախարար Ռոմանոս Պետրոսյանն ազատվել է աշխատանքից: Համապատասխան հրամանագիրն ստորագրել է ՀՀ նախագահ Արմեն Սարգսյանը։ Այնուհետև վարչապետ Նիկոլ Փաշինյանի որոշմամբ՝ Պետրոսյանը նշանակվել է Պետական վերահսկողական ծառայության ղեկավար։

Ըստ ԶԼՄ-ների, Պետրոսյանին նախարարի պաշտոնում կփոխարինի վարչապետի արդեն նախկին գլխավոր խորհրդական, ավելի վաղ կառավարող "Իմ քայլը" խմբակցության քարտուղար Հակոբ Սիմիդյանը:

Վարչապետին առընթեր Պետական վերահսկողական ծառայության պետի պաշտոնը երկար չմնաց թափուր. վարչապետ Նիկոլ Փաշինյանի որոշմամբ ՝ գերատեսչության ղեկավար Տիգրան Ուլիխանյանը զբաղեցրած պաշտոնից ազատվել է դեկտեմբերի 9-ին։

Նշենք, որ Ռոմանոս Պետրոսյանը 2013 թվականից "Քաղաքացիական պայմանագիր" կուսակցության անդամ է, 2015 թվականից ՝ կուսակցության վարչության անդամ: Թավշյա հեղափոխությունից կարճ ժամանակ անց ՝ 2018 թվականի հունիսի 1-ին, նա նշանակվել է Կոտայքի մարզպետ։ 2020 թվականի հուլիսի 20-ին Պետրոսյանը զբաղեցրել է շրջակա միջավայրի նախարարի պաշտոնը։