Քաղաքագետ. Եվրամիությունն աջակցում է Հայաստանի վերածմանը տարանցիկ երկրի  

Արմինֆո. Դիտարկելով Եվրամիության կողմից առաջարկվող ֆինանսական միջոցների ներդրման ուղղությունները՝ պարզ է դառնում, որ աջակցության այս ծրագրի հիմնական նպատակներից մեկը Հայաստանի վերածումն է տարանցիկ երկրի։ ԱրմԻնֆո-ին այդպիսի կարծիք է հայտնել Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը։

"Այս ծրագրերի ուղղվածությունը դրսեւորվում է բավականին հստակ. Հայաստանի սոցիալ-տնտեսական զարգացման խթանում, աջակցություն "Հյուսիս-Հարավ" տրանսպորտային միջանցքի շինարարության ավարտին, երկրի հարավի զարգացմանը, ընդհանուր առմամբ։ Այսպիսով, մեր տնտեսության կոմունիկացիոն բաղադրիչի զարգացման խթանմամբ Եվրամիությունը Հայաստանին հնարավորություն է ընձեռում դառնալ տարանցիկ երկիր՝ դրան ուղեկցող և դրանից բխող բոլոր շահերով ու հնարավորություններով", - նկատել է նա։

Ուրբաթ օրը Հայաստանում գտնվող ԵՄ հարևանության քաղաքականության և ընդլայնման հարցերով եվրահանձնակատար Օլիվեր Վարհեին հաղորդել է, որ Բրյուսելը մտադիր է 1,5 միլիարդ եվրոյից ավելացնել Հայաստանին տրամադրվող ֆինանսական օգնության փաթեթը: Նախատեսվում է, որ տրամադրվող ֆինանսավորումը կուղղորդվի հինգ առաջնահերթ ծրագրերի իրականացմանը' տնտեսական աճի, նոր աշխատատեղերի ստեղծման, Հայաստանի տնտեսական զարգացմանն աջակցելու նպատակով: Միջոցները կուղղորդվեն ՓՄՁ-ներին աջակցությանը, սոցիալ-տնտեսական զարգացմանը եւ հաղորդակցության զարգացմանը, "Հյուսիս-Հարավ" մայրուղու կառուցմանը, տեղեկատվական տեխնոլոգիաների ոլորտին, Հայաստանի հարավային շրջանների ամրապնդմանը, ընդհանուր առմամբ:

Ընդհանուր առմամբ, քաղաքագետը ԵՄ աջակցության ծրագրի 5 կետերը դիտարկում է որպես սերտորեն միահյուսված, փոխկապակցված և Հայաստանի ու ԵՄ-ի միջև կնքված Համապարփակ և երկրի ընդհանուր զարգացմանն ուղղված՝ ընդլայնված գործընկերության համաձայնագրին համապատասխան: Ընդ որում, նա կարեւոր է համարում այդ ծրագրերի իրականացման ֆինանսավորումը 1,5 մլրդ եվրոյից 2,6 մլրդ եվրոյի հասցնելու Բրյուսելի պատրաստակամությունը, հատկապես, հաշվի առնելով Հայաստանի առջեւ անվտանգությանն առնչվող նոր խնդիրների առաջացումը:

Այս լույսի ներքո՝ Գրիգորյանն ընդգծել է, որ, օրինակ, երկրի հարավային շրջաններում նոր աշխատատեղերի ստեղծման միջոցով հնարավոր կլինի մարդկանց հետ պահել աշխատանքային կամ, նույնիսկ, մշտական միգրացիայից։ Իսկ նոր ճանապարհների ու հաղորդակցությունների կառուցումը, որոնք Սյունիքի բնակչությանը հեռացնում են նորահայտ ադրբեջանցի հարևաններից, թույլ կտա էապես նվազեցնել լարվածությունը տարածաշրջանում, ընդհանուր առմամբ։ Ադրբեջանի հետ սահմանից հեռու հաղորդակցությունները, նրա կարծիքով, թույլ կտան իրենց անվտանգ զգալ, առաջին հերթին, տեղի բնակչությանը։ Իսկ հետո արդեն կապահովեն երկրի մյուս քաղաքացիների տեղաշարժի անվտանգությունը։

"Կարող եմ ասել, որ նման բարեկամական օգնություն ցուցաբերելու ավելի լավ ժամանակահատված, պարզապես, չէր կարող լինել։ Մեր երկիրն այսօր իսկապես գտնվում է շատ ծանր վիճակում։ Հասկանալի է նաև, որ այդ բոլոր ծրագրերը հաստատվել են Հայաստանի կառավարության հետ սերտ համագործակցությամբ։ Եվ հենց նրա կոչերն են մեծ դեր խաղացել այն բանում, որ մեզ բոլորիս համար այդքան կարևոր այս աջակցությունը ցուցաբերվեց հենց հիմա։ Ավելին, ես հույս ունեմ, որ ԵՄ-ի օգնությունը մեսիջ կդառնա որոշ երկրների համար, որոնք, առաջին հայացքից, պետք է առաջինը սատարեին Հայաստանին։ Եվ դա կգտնի իր գործնական արտահայտությունը", - ամփոփել է Գրիգորյանը։