Արմինֆո.Սեպտեմբերի 2-ին Հայաստանի ճարտարապետների միության ցուցասրահում ՀՀ-ում Ուկրաինայի դեսպանության աջակցությամբ տեղի է ունեցել "Պինակոտեկա" ցուցահանդեսի բացումը, որի շրջանակում ներկայացված են Հայաստանի և Ուկրաինայի նկարիչների և քանդակագործների 40-ից ավելի աշխատանքներ: Ուկրաինայի Անկախության 28-րդ տարեդարձին նվիրված ցուցահանդեսի նախաձեռնողը Ուկրաինայի հայ նկարիչների միավորումն է (Union of Armenian Artists of Ukraine - UAAU):
Բացման հանդիսավոր արարողության ժամանակ Հայաստանում Ուկրաինայի դիվանագիտական կորպուսի խորհրդական, Դենիս Ավտոնոմովը նշել է, որ ՀՀ-ում Ուկրաինայի դեսպանատունը մտադիր է հետագայում էլ աջակցել է նման միջոցառումների անցկացմանը, գեղարվեստական ցուցահանդեսներին եւ այլ մշակութային նախաձեռնություններին, որոնք կոչված են կամուրջների ստեղծմանը ուկրաինացի եւ հայ ժողովուրդների միջեւ բարեկամական հարաբերությունների վերականգնման հարցում:
Պաշտոնական մասի ավարտին ուկրաինացի դիվանագետը շնորհակալագրերով պարգևատրել է ցուցահանդեսի նախաձեռնողին՝ UAAU-ի ղեկավար Աստեր Մանուկյանին, ինչպես նաև բոլոր արվեստագետներին, որոնց աշխատանքները ներկայացվել են "Պինակոտեկա" ցուցադրության շրջանակներում՝ հայ-ուկրաինական հարաբերությունների զարգացման և Ուկրաինայի և Հայաստանի ժողովուրդների միջև բարեկամության ամրապնդման գործում ներդրած նշանակալի ավանդի համար:
ԱրմԻնֆո-ի թղթակցի հետ զրույցում Դենիս Ավտոնոմովն ընդգծել է, որ հայ-ուկրաինական մշակութային հարաբերությունները երկկողմ հարաբերությունների շատ կարևոր բաղադրիչներից են: "Հայկական մշակույթն արդեն 10 դար շարունակ ուկրաինական մշակույթի բաղկացուցիչ մաս է կազմում։ Հայկական գրերը, հայկական եկեղեցիները, Հայաստանի ներկայացուցիչները ուկրաինական մշակույթի և իշխանության այս կամ այն կառույցներում արդեն մի քանի դար շարունակ կայուն են։ Գաղտնիք չէ, որ Արևելյան Եվրոպայի ամենամեծ հայկական եկեղեցին գտնվում է Դնեպր քաղաքում։ Եվ մենք պետք է անենք ամեն ինչ, որպեսզի ճանաչենք և հասկանանք միմյանց։ Դա առանցքային մեսիջներից մեկն է մեր երկկողմ հարաբերությունների զարգացման համար", - նշել է Դենիս Ավտոնոմովը։
Ասթեր Մանուկյանն, իր հերթին, ընդգծել է, որ PINAX.ARM-UA հեղինակային նախագծի մաս կազմող "Պինակոտեկա" ցուցահանդեսը արդեն չորրորդ անգամ է անցկացվում։ Նա պատմել է, որ միջոցառումը Երևանում կազմակերպելու որոշումը կայացվել է այն բանից հետո, երբ ուկրաինացի նկարչուհի Լյուդմիլա Գորբատենկոն ցանկություն է հայտնել իր աշխատանքները ներկայացնել Երևանում: "Բնական է, որ մենք ողջոընեցինք այդ գաղափարը և սկսեցինք զարգացնել այս նախաձեռնությունը, մասնավորապես, հրավիրելով ևս մի քանի նկարիչների և քանդակագործների Ուկրաինայից և Հայաստանից", - ասել է Ա.Մանուկյանը: Նա հավելել է, որ, ընդհանուր առմամբ, UAAU-ի գործունեությունը կոչված է նպաստելու Ուկրաինայի և Հայաստանի միջև մշակութային կապերի զարգացմանը։
Կիևցի նկարչուհի Գայանե Առուշանյանը, ում աշխատանքները ներկայացված են "Պինակոտեկա" ցուցադրության շրջանակում, ԱրմԻնֆո-ի թղթակցի հետ զրույցում պատմել է, որ սկսել է նկարել 10 տարեկանից՝ ի սկզբանե նախապատվություն տալով նատյուրմորտներին, ինչից հետո անցել է աբստրակցիաների: Իսկ վերջին 4 տարիների ընթացքում նկարչուհին աշխատում է փորձարարական ոճով։ Մասնավորապես, Գ.Առուշանյանը Կիեւում բացել է փորձարարական արվեստի դպրոց։ "Արարման գործընթացն իրականում շատ խորն է: Երբ սկսում եմ նկարել, ինձ համար շատ կարևոր է մենակ մնալը։ Ամենից շատ ոգեշնչում է բնությունը, եւ, ընդհանուր առմամբ, այն ամենը, ինչ շրջապատում է՝ իրադարձությունները, մարդիկ, ինձ համար այդ ամենը նույնպես բնություն Է", - պատմել է նկարչուհին։ Խոսելով հայ և ուկրաինական գեղանկարչության ընդհանրությունների և տարբերությունների մասին՝ Գ.Առուշանյանը նկատել է. "Ուկրաինայի արվեստը փոքր-ինչ տարբեր է: Բայց, իմ կարծիքով, մեզ միավորում են գույներն ու խորքային մտածողությունն արվեստում։ Ուկրաինայում մարդիկ շատ անկեղծ են և խորը", - նշել է նա։
Հավելենք, որ "Պինակոտեկա" ցուցահանդեսը կշարունակվի մինչեւ սեպտեմբերի 12-ը: Ցուցադրությանը ներկայացված են Լյուդմիլա Գորբատենկոյի (Խարկով, Ուկրաինա), Գայանե Առուշանյանի (Կիեւ, Ուկրաինա), Սամվել Բուդաղյանի (Երեւան, Հայաստան), Զամոկ Սարգսյանի (Երեւան, Հայաստան) եւ Ավետիս Խաչատրյանի (Երեւան, Հայաստան) աշխատանքները: "Պինակոտեկան" Հայաստանում իրականացվում է ՀՀ-ում Ուկրաինայի դեսպանության և Խարկովի քաղաքային խորհրդի մշակույթի դեպարտամենտի աջակցությամբ:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
