Արմինֆո.Միլանում ԵԱՀԿ անդամ պետությունների արտգործնախարարների 25-րդ խորհրդի շրջանակներում Հայաստանի ԱԳ նախարարի պաշտոնակատար Զոհրաբ Մնացականյանը նախօրեին հանդիպել է Մալթայի արտաքին գործերի և առևտրի զարգացման հարցերով նախարար Կարմելո Աբելային:
Ինչպես ԱրմԻնֆո-ին հաղորդեցին ԱԳՆ մամուլի ծառայությունից, Հայաստանի և Մալթայի արտաքին քաղաքական գերատեսչությունների ղեկավարները մտքեր են փոխանակել երկկողմ համագործակցության օրակարգի ընդլայնման հեռանկարների շուրջ՝ այդ առումով կարևորելով իրավապայմանագրային դաշտի ընդլայնումը, երկու երկրների արտաքին քաղաքական գերատեսչությունների միջև խորհրդակցությունների կազմակերպումը, միջխորհրդարնական կապերի աշխուժացումը։ Զոհրաբ Մնացականյանը և Կարմելո Աբելան կարևորել են տարածաշրջանային և միջազգային կազմակերպություններում փոխշահավետ համագործակցությունը՝ որպես արժեքավոր հարթակ առանձնացնելով Ֆրանկոֆոնիայի միջազգային կազմակերպության ձևաչափը: Հայաստանի ԱԳ նախարարի պաշտոնակատարը ներկայացրել է կազմակերպությունում Հայաստանի նախագահության առաջնահերթությունները: Զրուցակիցներն անդրադարձել են Հայաստանի և Եվրոպական Միության միջև գործընկերությանը: Զոհրաբ Մնացականյանը նշել է, որ ՀՀ-ԵՄ Համապարփակ և ընդհանուր գործընկերության համաձայնագիրը կարևոր գործիք է Եվրամիության և ԵՄ անդամ երկրների հետ զարգացնելու ընդհանուր արժեքների վրա հիմնված համագործակցություն, ինչպես նաև խթանելու Հայաստանում իրականացվող բարեփոխումները: Նախարարի պաշտոնակատար Մնացականյանը Կարմելո Աբելային ներկայացրել է ղարաբաղյան հակամարտության կարգավորման ուղղությամբ Հայաստանի դիրքորոշումը և մոտեցումները՝ ընդգծելով, որ հանգուցալուծման գլխավոր շահառուն մարդիկ են, իսկ հիմնախնդրի առանցքում ընկած է նրանց կենսական անվտանգության ապահովումը:
Միլանում Զոհրաբ Մնացականյանը հանդիպել է նաև իր էստոնացի գործընկերոջ՝ Սվեն Միկսերի հետ։ Զրուցակիցները քննարկել են երկկողմ և բազմակողմ ձևաչափով փոխգործակցությանն առնչվող հարցեր՝ ընդգծելով երկկողմ օրակարգն առավել հարստացնելու և փոխշահավետ համագործակցությունն ընդլայնելու երկկողմ պատրաստակամությունը: Այս առումով զրուցակիցները որպես գերակա ուղղություններ առանձնացրել են բարձր տեխնոլոգիաների և նորարարության ոլորտները և կարևորել տվյալ ուղղություններում փորձի փոխանակման հարթակների ձևավորումն ու համապատասխան ծրագրերի նախաձեռնումը: Անդրադառնալով Հայաստանում տեղի ունեցած վերջին ներքաղաքական զարգացումներին՝ ԱԳ նախարարի պաշտոնակատարը ներկայացրել է կառավարության՝ ժողովրդի կողմից տրված լայն մանդատի հիման վրա բարեփոխումների իրականացման ուղղությամբ գրանցած շոշափելի ձեռքբերումները և դրական տեղաշարժերը՝ այս գործընթացում որպես կարևոր հանգրված ընդգծելով արդար և միջազգային չափանիշներն համապատասխան ընտրությունների անցկացումը: Կողմերի ուշադրության կենտրոնում էին միջազգային հարթակներում և միջխորհրդարանական ձևաչափում փոխգործակցության ամրապնդման հեռանկարները։ Հայաստանի և Էստոնիայի արտաքին քաղաքական գերատեսչությունների ղեկավարները անդրադարձել են նաև Հայաստանի և Եվրոպական միության միջև գործընկերությանը։ Զրուցակիցները համակարծիք էին, որ Արևելյան գործընկերությանը 10-ամյա հոբելյանը լավ հանգրվան է գնահատելու այս ձևաչափով արձանագրված ձեռքբերումները և նախանշելու առկա փոխգործակցությունը նոր բովանդակությամբ լրացնելու հեռանկարները:
ԵԱՀԿ նախարարական համաժողովի շրջանակում արտգործնախարարի պաշտոնակատարը հանդիպել է Չեռնոգորիայի արտաքին գործերի և եվրոպական ինտեգրացիայի հարցերով նախարար Սրդջան Դարմանովիչին: Արտաքին քաղաքական գերատեսչությունների ղեկավարները քննարկել են փոխադարձ հետաքրքրություն ներկայացնող մի շարք հարցեր, անդրադարձել են տարբեր ոլորտներում հաստատված երկկողմ համագործակցության խորացման հեռանկարներին՝ որպես առաջնային ուղղություններ ընդգծելով զբոսաշրջության, նորարարության և բարձր տեխնոլոգիաների ոլորտները: Հայաստանի և Չեռնոգորիայի միջև քաղաքական երկխոսության ամրապնդման համատեքստում զրուցակիցները կարևորել են բարձրաստիճան փոխայցելությունների և արտաքին գործերի նախարարությունների միջև քաղաքական խորհրդակցությունների պարբերական անցկացումը: Զոհրաբ Մնացականյանը իր գործընկերոջը ներկայացրել է Հայաստանի ներքաղաքական զարգացումները՝ վերահաստատելով ազատ, արդար և ժողովրդի կամքն արտահայտող խորհրդարանական ընտրություններ անցկացնելու կառավարության հանձնառությունը:
Զոհրաբ Մնացականյանը և Սրդջան Դարմանովիչը մտքեր են փոխանակել բազմակողմ ձևաչափում փոխգործակցության ամրապնդման հեռանկարների շուրջ: Հայաստանի արտաքին քաղաքական գերատեսչության ղեկավարն անդրադարձել է Լեռնային Ղարաբաղի հիմնախնդրի խաղաղ հանգուցալուծման գործընթացի շուրջ հայկական կողմի մոտեցումներին և առաջնահերթություններին:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
