Արմինֆո.«GALLUP International association»-ի անցկացրած հարցման արդյունքների համաձայն, դեկտեմբերի 9-ի արտահերթ ընտրությունների արդյունքներով, ԱԺ կանցնի ընդամենը երկու ուժ` կառավարող «Իմ քայլը» դաշինքը` 68.3% եւ«Բարգավաճ Հայաստան» կուսակցությունը` 6.7%: Ընդհանուր առմամբ, հարցմանը մասնակցել է 1111 մարդ մայրաքաղաքից եւ մարզերից: Շեղումը կազմում է 3%: Հարցումն անցկացվել է նոյեմբերի 17-21-ը:
Ընտրություններին մասնակցող մնացած 9 քաղաքական ուժերը ստացել են ձայների 1%-ից պակաս կամ ավել: Այսպես. ՀՀԿ-ն ստացել է 1,5 %, որին ոչ մեծ տրաբերությամբ հաջորդում է «Լուսավոր Հայաստան» կուսակցությունը` 1,2 %, այնուհետեւ գալիս են ՀՅԴ-ն` 1 %, «Սասնա Ծռեր» կուսակցությունը` 0.9 %, «Քրիստոնեաժողովրդավարական վերածնունդ՚ կուսակցությունը` 0,3%, «Մենք» դաշինքը («Հանրապետություն» եւ «Ազատ դեմոկրատներ»)` 0.3%, «Քաղաքացու որոշում» սոցիալ-դեմոկրատական կուսակցությունը` 0.2%, «Օրինաց երկիր» կուսակցությունը` 0.1%, «Ազգային առաջընթաց» կուսակցությունը` 0%: 12.7% -ը հրաժարվել է պատասխանել հարցին, 6.7%-ը դժվարանում է պատասխանել:
Հարցման մասնակիցների 70.9%-ը, միանշանակ, մտադիր է մասնակցել առաջիկա ընտրություններին, 15.5%-ը, ամենայն հավանականությամբ, կմասնակցի, 8.95%-ը հաստատ չի մասնակցելու, 2,9% -ը, ամենայն հավանականությամբ, մասնակցելու է, իսկ 1,8% -ը դժվարացել է պատասխանել:
Պատասխանելով այն հարցին, թե քաղաքական ուժերից որին են առավելապես վստահում, հարցվածների 52.7%-ը նշել է «Իմ քայլը» դաշինքը: Երկրորդը `«Բարգավաճ Հայաստան» կուսակցությունն է, որին լիովին վստահում է հարցման մասնակիցների 17.6%-ը, մասամբ վստահում է 49.1%-ը: Իսկ ահա «հակավարկանիշ» անվանակարգում առաջատարը Հայաստանի հանրապետական կուսակցությունն է, որին ծայրահեղ բացասական է վերաբերվում հարցման ամսնակիցների 66.3%-ը, իսկ ավելի շուտ բացասական`16.5%-ը, և ընդամենը 2.9%-ն է միանշանակ վստահում ՀՀԿ-ին, իսկ 16.5%-ը ավելի շուտ վստահում է: «Հակավարկանիշ՚ ունեցող հաջորդ կուսակցությունն ՕԵԿ-ն է, որի նկատմամբ չափազանց բացասական վեբերմունք է արտահայտել հարվածների 44.7%-ը, բավականին բացասական` 20.3%-ը:
Պատասխանելով այն հարցին, թե ինչու են համակրում այս կամ այն կուսակցությանը, մասնակիցների 32%-ը նշել է առաջնորդին, 24.9%-ը` գաղափարախոսությունը, 15.5% -ը` այլընտրանքի բացակայությունը, 8.2%-ը` վստահությունը, 6.9%-ը` հավատը, 6.6%-ը` ծրագիրը, 2.7%-ը` ծանոթներին, 0.6%-ը` խորհուրդ են տալիս, 2.5%-ը դժվարացել է պատասխանել, 19.2%-ն այլ պատասխաններ են տվել:
Պատասխանելով իրենց նախընտրած տեղեկատվ ական աղբյուրների վերաբերյալ հարցին` հարցման մասնակիցների 69.5%-ը նշել է հայկական հեռուստաալիքները, ընդ որում, 47.6%-ը վստահում է այդ աղբյուրին: Հարցման մասնակիցների 37.7%-ը տեղեկատվություն է ստանում «Ֆեյսբուքից՚, սակայն այդ տեղեկատվությանը վստահում է հարցվածների ընդամենը 14.7%-ը: Հարցման մասնակիցների 28.4%-ը տեղեկատվություն է ստանում էլեկտրոնային լրատվամիջոցներից, որոնց վստահում է հարցվածների 12.3%-ը: Շրջապատից եւ ռադիոյով տեղեկատվություն է ստանում հարցվածների 8.2%-ը, սակայն շրջապատին վստահում է նրանց 3.7%-ը, իսկ ռադիոյին` 6.1%-ը: Մամուլ ընթերցում է հարցվածների 6.6%-ը, մամուլի վստահում է` 3.1% -ը: Հարցման մասնակիցների 1.3%-ը տեղեկատվություն է ստանում հանրահավաքներում, 6,7%-ը նախընտրում է այլ աղբյուրներ, 4,6%-ը դժվարացել է պատասխանել:
Պատասխանելով երկրի առջև ծառացած ամենաարդիական խնդիրների վերաբերյալ հարցին` հարցվածների 45,2%-ը նշել է գործազրկությունը, 29,6%-ը` տնտեսական վիճակը, 23,9%-ը` ցածր աշխատավարձերն ու կենսաթոշակները, 23,4%-ը` ղարաբաղյան խնդիրը, 16,6%-ը` կոռուպցիան, 13,3%-ը` առողջապահության անհասանելիությունը, 11,4%-ը` արտագաղթը, 8,7%-ը` կրթության ցածր մակարդակը, 8%-ը` արտաքին քաղաքականության խնդիրները, 7,3%-ը` գնաճը, 6,5%-ը` բարձր կոմունալ ծախսերը, 4,1%-ը` մեծ հարկերը:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
