Փաշինյան. Սխալ կլինի մտածել, որ Երևանի քաղաքապետը կամ մեզանից որևէ մեկը սխալներ չի անի, մենք կատարյալ չենք

Արմինֆո. Այսօրվա միջոցառման հիմնական միտքն այն է, որ Հայաստանի քաղաքացիները որոշեցին, թե ով պետք է լինի մայրաքաղաքի քաղաքապետը: Այս մասին հոկտեմբերի 13-ին Երևանում հայտարարել է Հայաստանի վարչապետ Նիկոլ Փաշինյանը Երևանի քաղաքապետի երդմնակալության արարողության ժամանակ:

«Իհարկե, կան պնդումներ, որ որոշումների կայացման ժամանակ Հայաստանի քաղաքացիները շատ լավ տրամադրություն ունեին, բայց դա նշանակություն չունի: Որովհետև մի օր ընտրություն է կատարվելու լավ տրամադրությամբ, իսկ մյուս օրը` սովորական, երրորդ անգամ` աշխատանքային տրամադրությամբ: Բայց կարևոր չէ, քանի որ ընտրությունների ժամանակ մի օր կարող է լինել լավ եղանակ, մյուսը օրը`վատ, տարածաշրջանային իրավիճակը կարող է լինել բարենպաստ, իսկ մյուս անգամ`ոչ  բարենպաստ, դա կարևոր չէ: Հիմնական միտքը կայանում է նրանում, որ որոշում կայացնողը կամ ժողովրդի արտահայտվելու իրավունքը երբեք կասկածի տակ չի դրվի», - ասել է Հայաստանի վարչապետը:

Միևնույն ժամանակ, նա նշել է, որ մեր որոշումները հաճախ ազդում են մեր տրամադրության վրա, սակայն դա չէ կարևորը, այլ այն, թե ով է որոշում կայացնողը: «Եվ այդ որոշումը միշտ կայացնելու է Հայաստանի քաղաքացին, ընտրության միջոցով: Ինչն արդեն ավանդույթ է և անշրջելի է», - ասել է նա:

Հայաստանի վարչապետն ընդգծել է, որ Երևանը հզոր քաղաք է և երբեմն կարելի է նույնիսկ հուզվել այդ հզորությունից: Այս համատեքստում նա նշել է Երևանի գլխավոր հատակագծի ստեղծողներից մեկի`ճարտարապետ Ալեքսանդր Թամանյանի մասին, ով «հայ ժողովրդի պատմության մեջ նոր էջ բացեց իր գործունեությամբ, բայց, ըստ էության, ճակատագրի կամքով, հայտնվեց քաղաքական և մշակութային կյանքի կորստի եզրին»: Նրա խոսքերով, Թամանյանը և նրա գործընկերները մեծ վերածնունդ ապահովեցին հայ ժողովրդի համար:

Նա նաև կոչ է արել հարգանքի տուրք մատուցել հայ ժողովրդի երեք մեծ ներկայացուցիչներին`Կոմիտասին, Թամանյանին և Թումանյանին, ովքեր, ըստ նրա գնահատականի, հայոց ինքնության հզոր սյուներ էին:

Խոսելով որևէ քաղաքական պաշտոն զբաղեցնողների առաքելության մասին, Փաշինյանը համոզմունք է հայտնել, որ ամենակարևոր առաքելությունը ոչ թե մարդկանց խաբելն է, այլ նրանց հետ ազնիվ լինելը: «Ճիշտ չէ մտածել, որ Երևանի քաղաքապետը կամ մեզանից որևէ մեկը սխալներ չի անի, մեզնից ոչ մեկը կատարյալ չէ, մենք կարող ենք սխալներ թույլ տալ,  բայց կարևոր չէ, որ չխաբենք մարդկանց: Կարևոր է հասկանալ, թե ինչու է տեղի ունեցել սխալը, այլ ոչ թե մարդկանց խաբել, որպեսզի կարողանան պահպանել նրանց առջև կանգնելու ունակությունը, ուղղիղ նայել նրանց աչքերին: Մնացած բոլորը տեխնիկական հարցերն են, որոնք լուծվող են: Մեկ այլ կարևոր հանգամանք է նաև թույլ տրված սխալի համար ներողություն խնդրելը», - ասել է նա:

Անդրադառնալով Երևանի պատկերին, վարչապետը նշել է, որ Երևանը հայերի կենտրոնն է, ոչ միայն այն պատճառով, որ դա հայության միակ մայրաքաղաքն է, այլ նաև այն պատճառով, որ այնտեղ բնակվում են երկրի բոլոր խավերը, ամբողջ աշխարհից: Նա հիշեցրել է, որ Երևանը երկար պատմություն ունի, և տարբեր ժամանակներում եղել են որոշ գերիշխող խավեր, չնայած դեռ պարզ չէ, թե ինչպես էին նրանք ընտրվում: Փաշինյանը համոզմունք է հայտնել, որ Երևանում պետք է ապրեն նրանք, ովքեր հարգում են օրենքները, միմյանց, կրթությունը, պետությունը:

Վարչապետը հույս է հայտնել, որ Հայաստանի նոր քաղաքացին կդառնա նա, ով չի մտածի, թե ինչպես հարկեր չվճարի: Նրա խոսքերով, անհրաժեշտ է ապահովել, որ նոր կառավարության կազմում, քաղաքապետարանում չլինեն գողեր, որոնք թալանում են ժողովրդի ունեցվածքը, քաղաքացիները պետք է համոզված լինեն, որ իրենց հարկերը չեն թալանում: «Այո, դեռևս կան ոչ նպատակահարմար ծախսեր, դա խնդիր է, և մենք պետք է լուծենք այն, բայց յուրաքանչյուր քաղաքացի պետք է գանձապետարանին վճարված ամեն լումային վերաբերվի այնպես, ինչպես ընտանիքի կարիքների համար նախատեսված պահարանում դրված գումարներին: Մեր քաղաքական թիմին ուղղված ամենամեծ դիտողությունն այն է, որ մեր թիմը շատ երիտասարդ է: Ես չգիտեմ, թե երբ է հանդիսանում առաջնահերթություն, և երբ`ոչ, բայց ես կցանկանայի, որ այս երիտասարդությունը երբեք կասկածի տակ չառնվի հնարավորությունների, ունակությունների առումով: Եթե կա նման ընկալում, ապա դա մեր բացթողումն է, որը մենք պետք է վերացնենք», - ասել է Հայաստանի վարչապետը:

Փաշինյանը նաև կարծում է, որ քաղաքականությունում պետք չէ առաջնորդվել «հին» կամ «նոր» տերմիններով, երբ ժխտվում է անձը: Ըստ նրա, դա «քաղաքական ռասիզմ» է, որը չպետք է լինի Հայաստանում: Նրա խոսքերով, իհարկե, ավագանու ընտրությունները մեծ ազգային նշանակություն ունեն, քանի որ նրանք հիմք դրեցին արտահերթ խորհրդարանական ընտրությունների անցկացման գործընթացին: «Այդ գործընթացում մենք, անկասկած, պետք է ստեղծենք նոր իրողություն, երբ յուրաքանչյուր անձի ներուժը, անկախ տարիքից, նախորդ ներգրավվածությունից, բայց հաշվի առնելով բովանդակությունը, քանի որ այն չի կարող ջնջվել, կկիրառվի: Մենք պետք է կարողանանք հնարավորինս շատ անձանց ներգրավել այս հարցում», - ասել է ՀՀ վարչապետը:

Նրա խոսքերով, այսօրվա հիմնական նպատակը ժողովրդի պատմության մեջ նոր էջ բացելն է, որտեղ կլինի ազգային համերաշխություն և միասնություն, և կլինի համախմբում այն բանի շուրջ, որ Հայաստանում չպետք է լինի կոռուպցիա, արտոնյալներ, որ բոլորը պետք է հավասար լինեն օրենքի առաջ, չպետք է լինի խաբեություն: Նրա խոսքերով, իշխանությունների նպատակն է օգնել քաղաքացիներին ոտքի կանգնել, ուղղել մեջքերը և շարժվել դեպի ազգային երազանքի իրականացում: