Արմինֆո. Հայկական կոնյակագործության 130-ամյակի կապակցությամբ Երևանի կոնյակի գործարանը (ԵԿԳ) ներկայացրել է մի նոր և եզակի պրոդոկտ`ARARAT Single Cask-ը, 57% թնդությամբ, որը թողարկվել է խիստ սահմանափակ քանակով և համարակալված շշերով:
«Սա աննախադեպ է Հայաստանի կոնյակագործության պատմության մեջ», - հոկտեմբերի 6-ին ասել է ԵԿԳ արտադրության գծով տնօրեն Համլետ Անտոնյանը, ներկայացնելով նոր պրոդուկտը, որը պատրաստվել և պահպանվել է Տավուշի մարզի յուրօրինակ կլիմայական պայմաններում: «Հպարտ եմ անձամբ ներկայացնել մեր նոր լուծումը, որը ներառում է Տավուշի մարզի բնակչության կամքի ուժն ու տոկունությունը, և որը հայտնի է իր զով կլիմայով և բյուրեղյա հստակ օդով, ինչը սպիրտին հաղորդում է բացառիկ մեղմություն և եզակի օրգանոլեպտիկ հատկություններ: Այս խմիչքի բնույթը դրսևորվում է խորը փայտային և ծխագույն նոտաներով, մեղմ վանիլի և դարչինի հետ միասին», - ընդգծել է նա:
Անտոնյանը նշել է, որ ARARAT Single Cask-ն անցել է կրկնակի թորման միասնական գործընթաց և պահպանվել մեկ տակառում, առանց հետագա կուպաժի: Նա ընդգծել է, որ դա միակ ապրանքն է, որը շրջանցում է սառը ֆիլտրացիայի փուլը, ինչը թույլ է տալիս պահպանել համի և բույրի ավելի շատ նոտաներ:
ARARAT Single Cask-ի սահմանափակ թողարկման համար, որը կազմում է ընդամենը 1440 շիշ, ԵԿԳ վարպետներն ընտրել են ընդամենը երեք տակառ: Նորարարական շարքի յուրաքանչյուր շշի վրա Մատենադարանից հատուկ հրավիրված մասնագեռը փորագրել է յուրահատուկ համարը, որով նշվում է նաև այն տակառը, որտեղ պահվել սպիրտը: Նա նաև հաղորդել է, որ փորձագետների հանձնաժողովը նշել է ARARAT Single Cask-ի անկրկնելի գույնը, որը նման է «հայկական աշնան մայրամուտի գույներին»:
Պատասխանելով ԱրմԻնֆո-ի հարցին, Հ.Անտոնյանը նշել է, որ խմիչքի իրացումը նախատեսվում է միայն ներքին շուկայում: Մասնավորապես, նա նշել է, որ նոյեմբերի 1-ից ARARAT Single Cask-ի գնահատողները կարող են այն ձեռք բերել Duty Free-ից, իսկ դեկտեմբերի 1-ից` արդեն Հայաստանի մանրածախ ցանցերում: Բացառիկ այդ խմիչքների նախնական արժեքը գնահատվում է 90 հազար դրամ: Ըստ Անտոնյանի, ըմպելիքը հարմար է օգտագործել ինչպես որպես ապերիտիվ, այնպես էլ որպես դիժեստիվ:
Ըստ արտադրության ղեկավարի, ԵԿԳ նոր պրոդուկտի մարմնացումն է շքեղ մինիմալիզմը և քրաֆթ հայեցակարգը, ինչն իր արտացոլումն է գտել ժամանակակից փայտե փաթեթավորման մեջ: «Պիտակների կոմպոզիցիան շիշը եզրագծում է Արարատ լեռան ուրվագծերով, միաժամանակ ընդգծելով խմիչքի շքեղ գույնը», - ասել է նա:
Ինչպես նշվում է ԵԿԳ հաղորդագրության մեջ, նոր պրոդուկտի շուկա դուրս գալու կապակցությամբ, հայկական կոնյակագործության ողջ պատմության ընթացքում վարպետները քաջություն են ունեցել ընդլայնել ստեղծագործական սահմանները և հանդես գալ ժամանակի համար ավանգարդային հանդիսացող լուծումներով, շուտով դրանք վերածելով անփոխարինելի կանոների: Այսպես, անցյալ դարի սկզբին Մկրտիչ Մուսինյանն ստեղծեց առաջին հայկական տեսակավոր կոնյակը, մեկնարկ տալով հայկական կոնյակի հաղթարշավին, իսկ մի քանի տասնամյակ անց, XX դարի կեսերին, հայկական կոնյակագործության պատրիարքը`Մարգար Սեդրակյանն առաջարկեց հեղափոխական մի գաղափար`կոնյակին ավելացնել ոչ թե թորած, այլ աղբյուրի ջուր: Նորարարական այս առաջարկը հետագայում դարձավ հայկական կոնյակագործության ոսկե կանոնը: ARARAT Single Cask-ը նորարարական առաջարկ է, որը ներդաշնակության գնահատողներին առաջարկում է մի նոր խմիչք, որը կարելի է փոխաբերաբար անվանել «մեկ վրձահարվածով կտավ», և որը կատարվել է ամենակարճ ճանապարհով`տակառից մինչև գավաթ:
Նշենք, որ հայկական լեգենդար ԱՐԱՐԱՏ կոնյակներն արտադրվում են Երևանի կոնյակի գործարանում, ավանդական տեխնոլոգիայով, որի հիմքերը դրվել են 1887-ին, Վասիլի և Ներսես Թաիրյանց եղբայրների կողմից: Կոնյակների ստեղծման ընթացքում օգտագործվում են միայն հայկական բարձր որակի խաղողի սորտեր և բյուրեղյա հստակ աղբյուրի ջուր: Թանկարժեք կոնյակի սպիրտն ԱՐԱՐԱՏ-ը պահում է Կովկասյան դարավոր կաղնուց պատրաստված տակառներում, որոնք պատրաստված են գործարանի սեփական արհեստանոցում: 1998 թ.-ին, Երևանի կոնյակի գործարանը դարձավ Պեռնո Ռիկար (Pernod Ricard) միջազգային ընկերության անդամ, որը հանդիսանում է պրեմիում խմիչքների արտադրության համաշխարհային առաջատարը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
