«Սասնա ծռեր» խմբի կողմից Ոստիկանության Պարեկապահակետային ծառայության շենքի գրավման գործով առաջին դատական ​​նիստն ավարտվեց, դեռ չսկսված

Արմինֆո. «Սասնա ծռեր» խմբի կողմից Ոստիկանության Պարեկապահակետային ծառայության շենքի գրավման գործով առաջին դատական ​​նիստն ավարտվեց, դեռ չսկսված: Դատավորն ավարտեց նիստը, առանց բացատրելու իր որոշման պատճառները, ասելով միայն, որ հաջորդ դատական ​​նիստը տեղի կունենա հունիսի 21-ին:

Նշենք, որ «Սասնա ծռեր» խմբի անդամները  դատարանի դահլիճ էին ներկայացել լավ տրամադրությամբ, ողջունելով դահլիճում հավաքված իրենց կողմնակիցներին, որոնք վանկարկում էին`«Մահ ռեժիմին», «Ազատություն Սասնա ծռերին» կարգախոսները: Երբ դատավորը մտավ դատական ​​նիստերի դահլիճի, խմբի անդամները ոտքի չկանգնեցին, ինչպես պահանջվում է օրենքով: Ավելին, երբ դատավորը կոչ արեց պահպանել լռություն, դա զայրացրեց խմբի անդամներին, որոնք հայտարարեցին, որ ոչ ոք իրավունք չունի հրամայելու իրենց: «Մեր ձայնը պետք է լինի ամենաբարձրը երկրում», - ասել է խմբի անդամ Արայիկ Խանդոյանը: Մյուս անդամները բարձրացել իրենց տեղերից ու փորձեցին մոտենալ դատավորին, սակայն իրավապահները կանխեցին:

Ինչպես հայտարարել է ամբաստանյալների փաստաբանները, խմբի ձերբակալված անդամները դեռևս չեն ընդունում իրենց դեմ առաջադրված մեղադրանքները, իսկ այն անդամները, ովքեր ներկայումս գտնվում են ազատության մեջ, ցուցմունքներ են տվել իրենց ընկերների դեմ և միայն այդ գնով փոխվել էր նրանց խափանման միջոցը:

Նշենք, որ մինչև դատականմ նիստը դատարանի շենքի մոտ տեղի ունեցավ խմբի կողմնակիցների երթը, որոնք պահանջում էին իշխանությունների հրաժարականը և անհապաղ ազատ արձակել խմբի անդամներին:

Այսօր ՀՀ գլխավոր դատախազությունն արդեն հրապարակել է խմբի անդամների դեմ մեղադրական եզրակացությունը, որտեղ, մասնավորապես, ասվում է, որ կազմակերպված խմբավորման նկատմամբ հարուցվել է քրեական գործ` հրազենի ձեռքբերման և զինամթերքի ձեռքբերման և պահպանման, ինչպես նաև ՀՀ Ոստիկանության ՊՊԾ գնդի գրավման առնչությամբ:

Նախաքննության ընթացքում ՀՀ Հատուկ քննչական ծառայության ձեռք բերած փաստերի հիման վրա ապացուցվել է, որ ծանր հանցագործության մեջ մեղադրվող Ժիրայր Սեֆիլյանին  ազատելու համար խմբի անդամները գրավել են ՊՊԾ գնդի շենքը, իսկ գնդի ծառայողները վերցվել են գերի: Վարուժան Ավետիսյանը, Պավել Մանուկյանը, Արմեն Լաբարյանը, Արայիկ Խանդոյանը, Մխիթար Ավետիսյանը ստեղծել են զինված խումբ, որի մեջ են մտել նաև Արամ Մանուկյանը Հովհաննես Հարությունյանը, Թաթուլ Թամրազյանը, Արամ Հակոբյանը, Արթուր Մելքոնյանը, Տիգրան Սարգսյանը, Արայիկ Հակոբյանը, Արթուր Սողոմոնյանը, Գառնիկ Հովակիմյանը, Հովհաննես Վարդանյանը, Վարդան Գերավետյանը Մարտիրոս Հակոբյանը, Սերգեյ Կյուրեղյանը, Գևորգ Իրիցյանը, Թորոս Թորոսյանը և այլոք: Խմբի անդամներն ուսումնասիրել են ՊՊԾ գնդի տարածքը, բաշխել դերերը, ապօրինաբար ձեռք են բերել և պահել զենք`14 հրացան փամփուշտով, ինքնաշեն ատրճանակ, 20 նռնակ, ինչպես նաև տրատիլային պայթուցիկ սարք:

2016 թվականի հուլիս 17-ին, ժամը 5:00 մոտակայքում զինված խմբի անդամները զինված հարձակում են կատարում ՊՊԾ վարչական շենքի վրա: Դարպասներին հարվածելով «ԿՌԱԶ-261Բ1» բեռնատարով, նրանք կոտրում են գնդի հիմնական դարպասը և պատի մի մասը: Իրենց մոտ ապօրինաբար պահվող զենքով, դաժան բռնության կիրառմամբ, նրանք, վտանգելով գնդի ծառայողների կյանքը և առողջությունը, մտնում են գնդի վարչական շենք, գրավում և պահում վարչական շենքը, շինությունները և տրանսպորտային միջոցները, ինչպես նաև գերի վերցնում ՊՊԾ գնդի ծառայողներին:

Դրանից հետո խմբի անդամներն օգտագործում են առողջության և կյանքի համար վտանգավոր բռնություն, բռնագրավելով գնդի տրամադրության տակ գտնվող 217 ատրճանակները, 10 հրացանները, որսորդական հրացանը, այլ զինամթերք:

Ինչպես հարձակման օրը, այնպես էլ դրան հաջորդող օրերին, խմբի անդամները ձեռնարկում են մի շարք գործողություններ, որոնք կապված են շենքերի և շինությունների, տրանսպորտային միջոցների գրավման հետ, մարմնական վնասներ պատճառելու նպատակով կրակելով գնդի տարածքում, ինչի արդյունքում որոշ աշխատակիցներ ստանում են մարմնական վնասվածքներ:

Նրանք գրավում և տարածքում են պահում նաև այնտեղ գտնվող շտապ օգնության մեքենան, որը ժամանել էր վիրավորներին օգնություն ցույց տալու նպատակով: Բժիշկների մի մասը փրկվում է փախուստի միջոցով, իսկ մյուս մասին ազատ են արձակում խմբի անդամները:

Զինված խմբի անդամները 2016-ի հուլիսի 24-ին գնդի տարածքին մոտակա գտնվող Մովսես Խորենացու փողոց են դուրս բերում և այրում ոստիկանությանը և քաղաքացիներին պատկանող մեքենաններ:

Վարդան Գևորգյանը, Հովհաննես Վարդանյանը, Գարեգին Հովակիմյանը, Արթուր Սողոմոնյանը, Արայիկ Հակոբյանը, Տիգրան Մանուկյանը խմբի մյուս անդամների հետ  հուլիսի 23-ից 27-ը, օգտագործելով գնդի տարածքում գտնվող գեներատորը, էլեկտրական սղոցով կտրում են մոտակայքում գտնվող` ԱԿԲԱ- Կրեդիտ Ագրիկոլ բանկի բանկոմատը և այնտեղից հափշտակում 14 808 000 դրամ:

2016-ի հուլիսի 31-ին, ժամը 20:00 մոտակայքում զինված խմբի անդամներ Տիգրան Սարգսյանը, Տիգրան Մանուկյանը, Արայիկ Հակոբյանը, Արթուր Սողոմոնյանը, Գառնիկ Հովակիմյանը, Հովհաննես Վարդանյանը, Վարդան Գերավետյանը Մարտիրոս Հակոբյանը, Սերգեյ Կյուրեղյանը, Գառնիկ Իրիցյանը, Թորոս Թորոսյանը և այլոք հրաժարվում են իրենց պահանջներից, կամավոր ազատում գրաված շենքերը, կառույցները և տրանսպորտային միջոցներ և հանձնվում իրավապահներին: Իսկ դրանից մեկ օր առաջ իրավապահ մարմինների կողմից զինաթափվել և գնդի տարածքից դուրս էին բերվել խմբի անդամներ Արամ Մանուկյանը Հովհաննես Հարությունյանը, Թաթուլ Թորոսյանը, Արամ Հակոբյանը և Արթուր Մելքոնյանը:

Նախաքննության ընթացքում պարզվել է, որ խումբին էր պատրաստվում միանալ նաև Մանվել Աթոյանը: Վերջինս, օգտագործելով ապօրինաբար ձեռք բերված հրազենը և  զինամթերքը, համագործակցելով խմբի անդամներին հետ, շարունակում է գերության մեջ պահել պատանդներին:

Վարդգես Գևորգյանը, որ հանդիսանում է ՀՀ պաշտպանության նախարարության դասակի հրամանատար, օգտվելով իր դիրքից, հուլիս 20-ինայնտեղից գողանում է «ՌԳ-42» մակնիշի նռնակ, պայթուցիկ սարքի հետ միասին, իսկ նույն օրը, խախտելով ռազմական պահակության կանոնները և ինքնուրույն թողնելով պահակակետը, վերը նշված նռնակով և սառը զենք հանդիսացող որսորդական դանակով փորձում է միանալ զինված խմբին:

Բացի այդ, Վարդգես Գևորգյանն առանց իրացման նպատակների ձեռք է բերում և իր տանը պահում զգալի ծավալների «մարիխուանա» թմրանյութ, ինչպես նաև զինամթերք, փամփուշտ և պայթուցիկ նյութեր:

Նախնական քննությունն իրականացնող մարմնի որոշման համաձայն, 18 մեղադրյալների նկատմամբ քրեական գործը եղել է առանձին, որի մեղադրական եզրակացությունը հաստատվել է դատախազի և նախաքննությունը վարողի կողմից, որից հետո գործն ուղարկվել է Երևանի Էրեբունի և Նուբարաշեն համայնքների առաջին ատյանի դատարան, գործը հետաքննելու համար: