Արմինֆո. Հայաստանում մեկնարկել է տեղական ինքնակառավարման մարմինների ընտրությունների նախընտրական արշավը. քաղաքական ուժերի պայքարի մեթոդները չեն փոխվել:
Ինչպես ենթադրվում էր, հատկապես սուր պայքար է ծավալվել Վանաձոր և Գյումրի քաղաքներում: Այս առումով անակնկալ էր Սևանը, որտեղ առաջադրվել է, տեղական չափանիշներով, հինգ ՙհեղինակավոր՚ թեկնածու, ըստ որում՝ նրանցից ոմանք Հանրապետական կուսակցության անդամներ են: Այս առումով Սևանում ոչ ստանդարտ իրավիճակ է ստեղծվել, այսինքն՝ հանրապետականները պայքարում են քաղաքապետի աթոռի համար ոչ թե ընդդիմության դեմ, այլ՝ միմյանց միջև: Այդ պատճառով կուսակցությունը քաղաքական որոշում է կայացրել Սևանում չաջակցել թեկնածուներից որևէ մեկին, որպեսզի չնեղացնի նրանցից ոչ մեկին: Բայց, իհարկե, հեղինակավոր հանրապետականներն իրենց ֆավորիտներն ունեն թեկնածուների շրջանում, որոնց ոչ հրապարակավ աջակցում են: Այսպես՝ Գեղարքունիքի մարզպետ Ռաֆիկ Գրիգորյանը և ՀՀԿ որոշ ականավոր ներկայացուցիչներ Սևանի ընտրություններում աջակցում են ՙՍևան՚ ազգային պարկի տնօրենի տեղակալ Սարգիս Մուրադյանին: Իսկ ահա ներկայիս քաղաքապետ Ռուդիկ Ղուկասյանի հետ Գրիգորյանն, ընդհակառակը, լարված հարաբերությունների մեջ է: Դեռ մինչև նախընտրական արշավը նրանք արդեն հասցրել են կեղտ շպրտել միմյանց վրա: Իրավիճակը մի փոքր այլ է Վանաձորում և Գյումրիում: Այստեղ քաղաքապետերի պաշտոնների և ավագանու խորհրդում տեղերի համար պայքարում են միանգամից մի քանի քաղաքական ուժի ներկայացուցիչներ. Վանաձորում՝ Հանրապետական կուսակցությունը, Հայ ազգային կոնգրեսը, ՙՀամախմբումը՚, ՙԲարգավաճ Հայաստանը՚, ՙՔաղաքացիական պայմանագիրը՚, ՀՅԴ-ն, ՙԼուսավոր Հայաստանը՚ և ՙՀայկական վերածնունդը՚: Սակայն, ընտրարշավի ֆավորիտներ են համարվում ՀՀԿ-ից թեկնածու՝ նոտար Մամիկոն Ասլանյանը, Էդմոն Մարուքյանի եղբայր Քրիստիան Մարուքյանը՝ ՙԼուսավոր Հայաստանից և ավագանու խորհրդի անդամ, տեղական հեղինակություն Արկադի Փելեշյանը: Վանաձորի ընտրություններն արդեն աչքի են ընկել քաղաքական պայքարի հայկական ավանդույթներով. թեկնածուները հասցրել են ՙնարկոմաններ՚, ՙալկոհոլիկներ՚, ՙգողեր՚ և ՙձրիակերներ՚ կոչել միմյանց: Թե առաջադրված թեկնածուներից ում կընտրի ժողովուրդը, պարզ կդառնա հոկտեմբերի 2-ին, իսկ առայժմ քաղաքական ուժերը շարունակում են մեղադրել միմյանց անբարեխիղճ պայքարի համար: ՙՀամախմբում՚ կուսակցությունն արդեն հանդես է եկել հայտարարությամբ այն մասին, որ Վանաձորի քաղաքապետարանն ՙօկուպացրել է՚ քաղաքի բոլոր հրապարակները՝ նախօրոք ինչ-որ միջոցառումներ պլանավորելով այնտեղ, որպեսզի խոչընդոտի այլ քաղաքական ուժերի կողմից հավաքների անցկացմանը:
Ինչ վերաբերում է Գյումրիին, այստեղ պայքարին մասնակցում են՝ ՙԴաշինք՚ կուսակցությունը, ՙԲարգավաճ Հայաստանը՚, ՙՀայկական վերածնունդը՚, ՙՔաղաքացիական պայմանագիրը՚, ՀՅԴ-ն, նորաստեղծ ԳԱԼԱ-ն, ՙՀամախմբումը՚, ՙԳյումրեցու ոգի՚ կուսակցությունը, ՙԲալասանյան՚ դաշինքը, ՙԳործարար՚ կուսակցություն: Չնայած Գյումրիի ընտրություններում էկզոտիկ անվանումերով կուսակցությունների առկայությանը՝ ընտրարշավի ֆավորիտներ են՝ ԳԱԼԱ-ն, ՙՀայկական վերածնունդը՚, ՙԲալասանյան՚ դաշինքը և ՙԲարգավաճ Հայաստանը՚: Մասնավոր զրույցներում գյումրեցիները հավաստում են, որ արդար ընտրությունների դեպքում ընտրարշավից անմիջապես առաջ գրանցված ԳԱԼԱ-ն մեծ հաջողություն կգրանցի: Սակայն, ԶԼՄ-ներում շրջանառվող լուրերի համաձայն, այդ կուսակցությունն ամենևին ընդդիմադիր չէ, այլ ՙիշխանական նախագիծ է՚՝ ուղղված կայուն ընդդիմադիր մոտեցումներով հայտնի քաղաքում մնացած ուժերի դիրքերի թուլացմանը: ՙԲալասանյան՚ դաշինքը ստեղծվել է Գյումրիի ներկայիս քաղաքապետ Սամվել Բալասանյանի կողմից և վայելում է Հանրապետական կուսակցության և այլ իշխանամետ ուժերի աջակցությունը: ՙՀայկական վերածնունդ՚ կուսակցությունը, որի ներկայացուցիչների մեծ մասը Շիրակի մարզից են, քաղաքապետի պաշտոնի համար առաջադրել է պատգամավոր Հովհաննես Մարգարյանին, իսկ ՙԲարգավաճ Հայաստանը՚՝ Գյումրիի մանկավարժական համալսարանի նախկին ռեկտոր Վարդևան Գրիգորյանին:
Հայաստանի այլ քաղաքներում ՏԻՄ ընտրություններում բազմակարծության մասին խոսել չենք կարող, քանի որ մեծամասամբ գործում են պայքարի հայկական մեթոդները, երբ ինչ-որ ՙանհասկանալի՚ պատճառներով բոլոր թեկնածուներն ինքնաբացարկ են հայտնում, և ընտրություններում մնում է միայն իշխանությունից թեկնածուն: Այսպես է տեղի ունեցել Մասիս քաղաքում, որտեղ քաղաքապետի պաշտոնի համար հպարտ մենության մեջ պայքարում է գործարար Մհեր Համբարձումյանի (Թույների Մհերը) որդի, ոստիկանապետ Վլադիմիր Գասպարյանի թիկնազորի պետի փեսա Դավիթ Համբարձումյանը:
ԶԼՄ-ների միջոցով ընդդիմադիր թեկնածուների նկատմամբ ճնշման վերաբերյալ ահազանգեր են հնչել Վաղարշապատ քաղաքում, որտեղ քաղաքապետ է գեներալ Մանվել Գրիգորյանի որդի Կարեն Գրիգորյանը, և Գորիսում, որտեղ ընդդիմադիր թեկնածուների վրա ճնշում է գործադրում անձամբ Սյունիքի մարզպետ Սուրեն Խաչատրյանը: ՀՀԿ ներկայացուցիչներն, իհարկե, այս լուրերը հերքում են:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
