Վերլուծաբան. Ժիրայր Սէֆիլյանի կողմնակիցների հետ բանակցություններում իշխանությունները պետք է հաշվի առնեն ապստամբների ձեռքում հայտնված զենքի գործոնը

 Ժիրայր Սէֆիլյանի կողմնակիցների հետ բանակցություններում իշխանությունները պետք է հաշվի առնեն ապստամբների ձեռքում հայտնված զենքի գործոնը: ԱրմԻնֆո-ին այդպիսի կարիք է հայտնել ԼՂՀ նախկին արտգործնախարար, անկախ վերլուծաբան Արման Մելիքյանը:

«Որպեսզի ավելի հասկանալի լինի, թե Հայաստանը որքանով մոտ է այն գծին, որից այն կողմ կարող է սկսվել անարխիա և քաղաքացիական պատերազմ, ըստ երևույթին, անհրաժեշտ է տեղի ունեցող իրադարձությունների պատկերին գումարել մի քանի էական մանրամասներ, որոնք, որքան ինձ հայտնի է, արտացոլում չեն գտել ԶԼՄ-ներում և քաղաքագետների ու ռազմական մասնագետների վերլուծական հրապարակումներում», - նշել է նա:

Երևանում ՀՀ ոստիկանության ՊՊԾ գնդի բազայի գրավումն իրականացրել են մոտ երեսուն զինված անձինք, ովքեր իրենց անվանում են «Սասնա Ծռեր» խմբավորում և Ժիրայր Սէֆիլյանի կողմնակիցներ են, ով ձերբակալվել է մեկ ամիս առաջ` զինված

ապստամբություն նախապատրաստելու մեղադրանքով: ՊՊԾ բազայի գրավման արդյունքում սպանվել է ոստիկանության սպա, իսկ մի քանի մարդ հրազենային վիրավորում է ստացել` երկու կողմից  Ապստամբները պահանջում են Սերժ Սարգսյանի հրաժարական և ժողովրդական վստահության կառավարության ձևավորում, ինչպես նաև Ժիրայր Սէֆիլյանի անհապաղ ազատ արձակում, սպառնալով, որ եթե այս պահանջները չկատարվեն,  ապա զինված ապստամբությունը կտարածվի Հայաստանի աղջ տարածքում: 

Վերն ասվածի համատեքստում վերլուծաբանը հիշեցրել է Ժիրայր Սէֆիլյանի նախաձեռնած կամավորների հավաքագրման մասին, ովքեր պատրաստ են հետ վերցնել ապրիլյան մարտերի ընթացքում կորցրած դիրքերը, հավելելով, որ Սէֆիլյանի կոչին արձագանքել են շուրջ 2000 մարտիկներ, որոնք պատրաստ են ինքնաձիգ վերցնել ձեռքները: Այդպիսով, ՊՊԾ գնդի վրա կիրակնօրյա գրոհի արդյունքում Սէֆիլյանի կողմնակիցների ձեռքում հայտնվել է զինանոց, որն անհրաժեշտ է կամավորներին և, հնարավոր է, ժողովրդի շրջանից նրանց հարել ցանկացողներին  զինելու համար:

Մելիքյանը նշել է, որ բացի բուն ապսատամբներից` այսօր ոչ ոք չի կարող ստույգ ասել, թե արդյոք այդ զինանոցը մնում է պահեստներում, թե լիովին կամ մասամբ դուրս է տարվել անհայտ ուղղությամբ, քանի որ ոստիկանների կողմից բազայի տարածքի բոլոր մատույցները կարող էին շրջափակված լինել միայն գրոհից մեկ-մեկուկես ժամ անց:

«Այդ ժամանակահատվածը կարող էր միանգամայն բավարար լինել զենքի դուրս հանման հարցը լուծելու համար: Ապսատմբների ձեռքում հայտնված զենքի գործոնն, անկասկած, պետք է հաշվի առնեն իշխանությունները` Սէֆիլյանի և նրա կողմնակիցների հետ բանակցություններ վարելիս, իսկ ապստամբները դա, անկասկած, հաշվի են ասել դեռ Երևանում ՊՊԾ բազայի գրավումը ծրագրելիս», - ամփոփել է վերլուծաբանը:

Ինչպես արդեն հաղորդվել է, անցած գիշեր Խորենացի փողոցում բախումներ են տեղի ՊՊԾ տարածքը գրաված  «Սասնա Ծեր» խմբավորմանը սատարող ցուցարարների և ոստիկանների միջև: Ցուցարարներն սկսել են քարեր նետել իրավապահների ուղղությամբ այն բանից հետո, երբ նրանցից պատասխան չեն ստացել ՊՊԾ տարածքում գտնվող զինված խմբավորման անդամներին սնդամթերքի փոխանցմանն առնչվող հարցին: Ցուցարարներին ցրելու նպատակով Ոստիկանությունը կիրառել է հատուկ միջոցներ:

ՀՀ ոստիկանության պարեկապահակային ծառայության գնդի մոտակայքում  տեղի ունեցած միջադեպի հետևանքով, նախնական տվյալներով, տարբեր բուժհաստատություններ է դիմել 45 տուժած, որից 25-ը` ոստիկան։