«Առիթ ունեցել եմ հայտարարելու, որ Հայաստանում այլևս անհրաժեշտ է իշխանափոխություն՝ դրանից բխող կադրային լրջագույն փոփոխություններով, սակայն դա պետք է լինի բացառապես քաղաքական պայքարի և քաղաքական գործիքների ու մեխանիզմների միջոցով», - «Ֆեյսբուքի» իր էջում գրել է ՕԵԿ խմբակցության ղեկավար Հեղինե Բիշարյանը՝ անդրադառնալով Ղարաբաղյան պատերազմի վետերանների, «Նոր Հայաստան» շարժման ներկայացուցիչների կողմից Էրեբունիի շրջանում ՊՊԾ գնդի շենքի գրավմանն առնչվող իրավիճակին:
«Հայաստանում անհրաժեշտ է իշխանափոխություն, որպեսզի հնարավոր լինի հաղթահարել երկրում առկա ոչ միայն սոցիալ-տնտեսական բազմահազար խնդիրները, այլև հոգեբանական այն խորը փոսը, որտեղ հայտնվել ենք ազգով, անհրաժեշտ է վերականգնել մարդկանց հույսն ու հավատը վաղվա օրվա նկատմամբ: Այլ կերպ հնարավոր չէ: Այն ինչ տեղի է ունենում Երևանում փաստ է՝ լավ օրից չէ՝ աղքատության ճիրաններում հայտնված միլիոնավոր մարդիկ, պարտքերի ու վարկերի տակ կքած հարյուր հազարավոր գյուղացիական տնտեսություններ, արտագաղթի ճանապարհը բռնած տասնյակ հազարավոր քաղաքացիներ, մեռնող ու քայքայվող մանր ու միջին բիզնես ու տնտեսություն, վերջապես իր ընտանիքի մինիմալ հոգսերը հոգալ չկարողացող հայ տղամարդ: Սա է այսօրվա մեր երկրի իրական պատկերը: Ու սա է մարդկանց ստիպում գնալ նման կտրուկ քայլերի: Կանգ առնել է պետք, մոտեցումների ու վարվող սոցիալական, տնտեսական քաղաքականության վերանայում է պետք: Այլ կերպ մենք ոչ մի տեղ չենք գնալու: Բոլորովին ցանկություն չունեմ դատավորի կեցվածք ընդունել, մեղադրել կամ արդարացնել, այսպես ասած, ապստամբություն բարձրացրած մեր հայրենակիցներին: Ցանկությունս միայն մեկն է, որ այս մտահոգիչ իրադարձությունները ավարտվեն հնարավորինս արագ ու առանց անդառնալի կորուստների: Մենք չենք կարող երկիր կառուցել, առաջ գնալ մեր իսկ հայրենակիցների արյան ու կյանքի հաշվին: Ինձ համար խիստ անընդունելի եղել է, կա ու կլինի անմեղ մարդկանց առողջության ու կյանքի հաշվին քաղաքական նկրտումների իրականացումը՝ անկախ այն հանգամանքից, թե ով է իրականացնողը և նպատակն ինչպիսինն է: Այո, ես որպես քաղաքական ուժի ներկայացուցիչ, կարծում եմ պետք է պայքարել ու հասնել իշխանափոխության բացառապես օրինական ու ընդունված մեթոդներով, ոչ թե հայրենակցի կյանքի գնով, ոչ թե հայ ընտանիքը առանց հոր, առանց որդու, առանց կերակրողի թողնելու գնով: Հույս ունեմ, որ այս ամենը հնարավորինս շուտ կավարտվի: Մեր երկիրը կանգնած է արտաքին ու ներքին բազմաթիվ մարտահրավերների առջև, իսկ այն ինչ տեղի է ունենում մայրաքաղաքում արդեն ունեցավ ու, Աստված չարասցե, դեռ կարող է ունենալ անկանխատեսելի ու ցավալի հետևանքներ: Վերջին քառօրյա պատերազմից հետո և սահմանին տիրող երերուն իրավիճակով պայմանավորված՝ ուզում եմ բարձր գնահատել հայ ժողովրդի քաղաքական և քաղաքացիական կեցվածքը՝ այսօրվա ստեղծված իրավիճակը և տարատեսակ կոչերը սթափ գնահատելու և չներքաշվելու ոչ մի տեղ տանող այս գործընթացի մեջ: Հակառակ պարագայում մենք ավելի շատ մարդկային կորուստներ կարող էինք ունենալ: Մեր ժողովրդի համար խիստ մեծ շռայլություն կլիներ հերոս տղաներ կորցնել թե հայրենիքի պաշտպանության գործում և թե ինչ-ինչ (կարևոր չէ, թե ում) քաղաքական նկրտումների բավարարման համար», - գրել է ՕԵԿ խմբակցության ղեկավարը:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
