Չեխական թերթն անդրադարձել է Ռուբեն Վարդանյանին Վացլավ Հավելի մրցանակի առաջադրման թեմային

Արմինֆո.  Չեխական "Լիդովե նովինի" թերթն անդրադարձել է Բաքվի բանտում գտնվող Ռուբեն Վարդանյանին 2026 թվականի Մարդու իրավունքների Վացլավ Հավելի մրցանակին առաջադրելու թեմային ՝ այն վերլուծելով տարածաշրջանային և ներքաղաքական զարգացումների համատեքստում:

"Հայաստանի եւ այլ երկրների իրավապաշտպանների խումբը Վարդանյանին ներկայացրել է մարդու իրավունքների ոլորտում Վացլավ Հավելի մրցանակի: Նրանք նշում են, որ, հրաժարվելով հարստությունից եւ անձնական հարմարավետությունից, Վարդանյանը գնացել է իսկական զոհաբերությունը, փորձելով փրկել է Լեռնային Ղարաբաղի ժողովրդին, երբ արդեն պարզ էր, որ Ադրբեջանը զավթելու է տարածքը, իսկ Ռուսաստանը թույլ է տալու իրադարձությունների անվերահսկելի զարգացում", - գրում է թերթը: Հոդվածի հեղինակ Տոմաշ Վլախը մեջբերում է առաջադրող խմբի հայտարարությունը, որտեղ ասվում է, որ "Վարդանյանը վտանգել է իր անձնական անվտանգությունն ու հարմարավետ ապագան ՝ ձգտելով երկխոսության, բանակցությունների եւ փոխըմբռնման աշխարհի ամենաբարդ եւ զգայուն հակամարտության գոտիներից մեկում":

Նա գրում է, որ դեռևս պարզ չէ, թե ինչպիսին կլինի թեկնածության առաջադրման ելքը։ "Լեռնային Ղարաբաղի շուրջ երկու տասնյակ հայ բանտարկյալների, այդ թվում ՝ ադրբեջանական բանտերում պահվող ութ քաղաքական գործիչների ճակատագիրը գրեթե չի ստացել միջազգային ուշադրություն, մինչդեռ իրավապաշտպաններն այդ գործերը համարում են քաղաքական դրդապատճառներով", - նշում է տեքստի հեղինակը: Նա նաև մեջբերել Է Amnesty International միջազգային իրավապաշտպան կազմակերպության հայտարարությունը, որը Բաքվի դատավարությունները ծաղր է անվանել արդարադատության նկատմամբ:

Նշենք, որ մինչ օրս հայտնի չէ ադրբեջանական բանտերում պահվող հայ ռազմագերիների և պատանդների ստույգ թիվը Փորձագետների գնահատմամբ ՝ նրանք մի քանի հարյուր են ։ Այսօր Ադրբեջանի իշխանությունները հաստատում են իրենց մոտ 19 հայերի առկայությունը ։ Ադրբեջանական գերության մեջ պահվող անձանց թվում են նաև Արցախի ռազմաքաղաքական ղեկավարության նախկին և գործող 8 ներկայացուցիչներ․ Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, արտաքին գործերի նախկին նախարար Դավիթ Բաբայանը, ինչպես նաև խորհրդարանի խոսնակ Դավիթ Իշխանյանը, Արցախի Պաշտպանության բանակի նախկին հրամանատար, գեներալ Լևոն Մնացականյանը, գեներալ Դավիթ Մանուկյանը և նախկին պետնախարար Ռուբեն Վարդանյանը:

Բաքվի խամաճիկային դատարանը շինծու մեղադրանքներով  ցմահ ազատազրկման է դատապարտել Արայիկ Հարությունյանին, Դավիթ Բաբայանին, Դավիթ Իշխանյանին, Դավիթ Մանուկյանին, Լևոն Մնացականյանին, իսկ Բակո Սահակյանին և Արկադի Ղուկասյանին եւ Ռուբեն Վարդանյանին՝ 20 տարվա ազատազրկման: Մնացած արցախցիներին, այսպես կոչված, դատարանը դատապարտել է մինչև 15 տարվա ազատազրկման։