Զախարովան հաստատել է Ռուսաստանի կողմից Հայաստանի հետ գազի, նավթամթերքի եւ չմշակված ալմաստների մատակարարումների շուրջ համաձայնագրի կասեցման հնարավորությունը՝ դեպի ԵՄ ճանապարհը շարունակելու դեպքում

Արմինֆո. Ռուսաստանը միակողմանի կարգով կկասեցնի կամ չեղյալ կհայտարարի Հայաստանի հետ գազի, նավթամթերքի եւ չմշակված ալմաստների մատակարարման շուրջ համաձայնագիրը, եթե շարունակվի Եվրամիությանը հանրապետության անդամակցության գործընթացը, հաղորդել Է ՌԴ ԱԳՆ պաշտոնական ներկայացուցիչ Մարիա Զախարովան:

"Չորեքշաբթի օրը ՝ մայիսի 27-ին, Հայաստանում ՌԴ դեսպանատունը պաշտոնապես հայկական կողմին է փոխանցել ՌԴ էներգետիկայի նախարար Սերգեյ Ցիվիլևի նամակը ՝ ուղղված ՀՀ տարածքային կառավարման և ենթակառուցվածքների նախարարությանը, որով տեղեկացվում է, որ ԵՄ-ին Հայաստանի անդամակցության գործընթացի շարունակման դեպքում Մոսկվան կկասեցնի կամ միակողմանի կարգով չեղյալ կհայտարարի 2013թ. դեկտեմբերի 2-ի հիշյալ համաձայնագիրը", - ասվում է ՌԴ ԱԳՆ պաշտոնական ներկայացուցչի տարածած հաղորդագրության մեջ, հաղորդում Է "Ինտերֆաքսը":

Ավելի վաղ արդեն հայտարարվել էր, որ 2013թ․ համաձայնագրով Ռուսաստանն անժամկետ չեղարկել է Հայաստան նավթամթերքի, գազի և ալմաստների մատակարարման արտահանման մաքսատուրքերը։ Սա հերթական քայլն էր ԵԱՏՄ-ին երկրի անդամակցության ճանապարհին, որի մեջ այսօր մտնում են նաև Ռուսաստանը, Բելառուսը, Ղրղզստանը և Ղազախստանը: Ըստ համաձայնագրի՝ Մոսկվան Երևանին նավթամթերք և գազ է մատակարարում ներքին սպառման ծավալներով, որոնք հաստատված են ինդիկատիվ հաշվեկշիռներով, ընդ որում, արգելվում է վերաարտահանումը երրորդ երկրներ։

Ապրիլի սկզբին Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հանդիպման ժամանակ նշել էր, որ Ռուսաստանը Հայաստանին գազ է վաճառում հազար խորանարդ մետրի դիմաց 177,5 դոլարով, մինչդեռ, Եվրոպայում այն այժմ արժե մոտ 600 դոլար՝ հազար խորանարդ մետրի դիմաց: