Արմինֆո. «Միջազգային խաղաղության և բարօրության համար Թրամփի երթուղի» (TRIPP) նախագծի գործարկման հեռանկարները ԱՄՆ-ի և Իրանի միջև հակամարտության լույսի ներքո անամպ չեն։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը։
«Մի շարք փորձագետներ կարծում են, որ իրանա-ամերիկյան հակամարտության ֆոնին «Թրամփի ճանապարհի» գործարկման հեռանկարները միանշանակ չեն։ Նշվում է, որ բացի իր հյուսիսային սահմաններին ԱՄՆ-ի ներկայության նկատմամբ Իրանի բացասական վերաբերմունքից, Կենտրոնական Ասիայից դեպի Եվրոպա ձգվող երթուղու նկատմամբ ամերիկյան վերահսկողությունը, որի մի մասը պետք է դառնա «Թրամփի ճանապարհը», կարող է անվստահություն առաջացնել նաև ասիական գործընկերների մոտ։ Իսկ առանց չինական և ռուսական բեռների՝ նախագծում ներդրումների փոխհատուցումը չափազանց դժվար կլինի», - նշել է նա։
Կալուգինի խոսքով՝ այս հարցում կան նաև մի շարք օբյեկտիվ գործոններ, որոնք անհրաժեշտ է հաշվի առնել։ «Դա հայ-իրանական սահմանին ռուս սահմանապահների ներկայությունն է, ադրբեջանական երկաթուղու հետ անխափան միացման համար ռուսական ստանդարտի երկաթուղային գծերի անցկացման անհրաժեշտությունը, Հայաստանի երկաթուղային ցանցի կառավարման հարցում «ՀԿԵ» ՓԲԸ-ի մինչև 2038 թվականը գործող կոնցեսիան, Հայաստանի տարածքի ընդգրկվածությունը ԵԱՏՄ միասնական մաքսային տարածքում», - շարունակել է դիվանագետը։
Ընդհանուր առմամբ, այս նախագիծը՝ որպես տարանցիկ ուղի Ադրբեջանի հիմնական տարածքի և Նախիջևանի միջև Հայաստանի հարավով, դատարկ տեղում չի առաջացել, ընդգծել է Կալուգինը։ «Դրա հայտնվելուն նախորդել է երկամյա քրտնաջան աշխատանք Ռուսաստան - Ադրբեջան - Հայաստան ձևաչափի շրջանակներում, այն է՝ փոխվարչապետների համանախագահությամբ գործող եռակողմ աշխատանքային խմբի շրջանակներում։ Արդեն 2023 թվականին մենք շատ մոտ էինք այսպես կոչված Մեղրիի երթուղու գործարկմանը, որը պետք է ոչ միայն ապահովեր տարանցումը Հայաստանի հարավով դեպի Նախիջևան, այլև, ըստ էության, օղակեր հայկական և ադրբեջանական երկաթուղիները», - հավելել է նա։
Նրա խոսքով՝ սա հենց այն է, ինչին հիմա մեծ դժվարությամբ փորձում է հասնել Հայաստանը՝ հենվելով «Թրամփի ճանապարհի» վրա։ «Բայց խնդիրն այն է, որ հայ-ամերիկյան նախաձեռնությունը, ի տարբերություն «Մեղրիի երթուղու», ինքնաբերաբար չի նախատեսում հայկական և ադրբեջանական երկաթուղային ենթակառուցվածքների լիարժեք միացում։ Մեր մեղքը չէ, որ Երևանը 2023 թվականին գիտակցաբար սառեցրեց եռակողմ աշխատանքային խմբի աշխատանքը»։
Հունվարի 14-ին Հայաստանը հրապարակել է ԱՄՆ-ի հետ ստորագրված շրջանակային փաստաթուղթը՝ «Թրամփի երթուղի հանուն միջազգային խաղաղության և բարօրության» (TRIPP) նախագծի իրականացման վերաբերյալ։ Փաստաթուղթը նախատեսում է TRIPP Development Company-ի ստեղծում, որտեղ ԱՄՆ-ին կպատկանի բաժնետոմսերի 74%-ը, իսկ Հայաստանին՝ 26%-ը՝ 49 տարի ժամկետով մշակման իրավունքով։ Տեքստում հիշատակվում է նաև 2025 թ. օգոստոսի 8-ին ստորագրված «Խաղաղության հռչակագիրը», որը ներառում է տրանսպորտային միջանցքի ստեղծում։
Հիշեցնենք, որ 2025 թվականի օգոստոսի 8-ին Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը Վաշինգտոնում ստորագրեցին յոթ կետից բաղկացած համատեղ «Խաղաղության հռչակագիրը»։ Այն նախատեսում է համատեղ դիմում Եվրոպայում անվտանգության և համագործակցության կազմակերպությանը (ԵԱՀԿ)՝ ԵԱՀԿ Մինսկի գործընթացի և դրա հետ կապված կառույցների գործունեությունը դադարեցնելու վերաբերյալ, ինչպես նաև տրանսպորտային միջանցքի ստեղծում Հայաստանի տարածքով, որը կմիացնի Ադրբեջանը իր նախիջևանյան էքսկլավի հետ, որը շրջապատված է Հայաստանով, Թուրքիայով և Իրանով։
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
