Հայաստանի նախագահն աշխատանքային այցով կմեկնի Ղազախստան

Արմինֆո.  Հայաստանի նախագահ Վահագն Խաչատուրյանն ապրիլի 21-23-ին Ղազախստանի մայրաքաղաք Աստանայում կմասնակցի «Կայուն ապագայի ընդհանուր տեսլական» ՄԱԿ-ի տարածաշրջանային բնապահպանական գագաթնաժողովին։

ՀՀ նախագահի աշխատակազմի հաղորդագրության համաձայն, աշխատանքային այցի շրջանակներում նախատեսված են հանրապետության նախագահի երկկողմ հանդիպումները Ղազախստանի և գործընկեր երկրների բարձր ղեկավարության ներկայացուցիչների հետ։ 

2026 թվի տարածաշրջանային բնապահպանական գագաթնաժողովը, որը նախաձեռնել է Ղազախստանի նախագահ Կասիմ-Ժոմարտ Տոկաևը,  նպատակ ունի միավորել Կենտրոնական Ասիայի երկրները՝ ՄԱԿ-ի հետ համատեղ կլիմայի փոփոխության դեմ պայքարի ընդհանուր լուծումներ մշակելու համար: Սա երկամյա նախապատրաստական գործընթաց է, որը մեկնարկել է 2024 թվականին և ավարտվում է 2026 թվականին բարձր մակարդակի գագաթնաժողովով, որտեղ կներկայացվեն համաձայնեցված բնապահպանական նախաձեռնություններ և տարածաշրջանային փոխգործակցության մեխանիզմներ։

Գագաթաժողովը լայն աջակցություն է ստացել միջազգային գործընկերների կողմից, ներառյալ ՄԱԿ-ը, երեք Ռիո-կոնվենցիաների քարտուղարությունները (ՄԱԿ-ի Կլիմայի փոփոխության շրջանակային կոնվենցիա), ՄԱԿ-ի Կենսաբանական բազմազանության մասին կոնվենցիան և ՄԱԿ-ի Անապատացման դեմ պայքարի կոնվենցիա,, ՄԱԿ ԵՏՀ, ՄԱԶԾ, ՄԱԿ-Հաբիթաթ, UNEP, UNICEF, UNFPA, FAO, UNESCO, UNIDO, WMO, ԱՄԿ, ՏՀԶԿ, IEA, Irena, ԱԶԲ, ՀԲ, IMWI, SWITCH-Asia եւ այլ կազմակերպություններ։ Մասնավորապես, Միավորված ազգերի կազմակերպությունն իր աջակցությունն է հայտնել Գլխավոր ասամբլեայի 2023 թվականի դեկտեմբերի 19-ի 78/147 բանաձևին ՝ "Կենտրոնական Ասիան բնապահպանական մարտահրավերների առջև. տարածաշրջանային համերաշխության ամրապնդում ՝ Հանուն կայուն զարգացման և բարգավաճման" ։